https://arm.sputniknews.ru/20260419/khvorhrdajin-zhvoghvovrdi-ceghaspanutjan-zvoheri-hishataki-orn-e-dasakhvosutjun-gjumrium--101157150.html
Խորհրդային ժողովրդի ցեղասպանության զոհերի հիշատակի օրն է. դասախոսություն՝ Գյումրիում
Խորհրդային ժողովրդի ցեղասպանության զոհերի հիշատակի օրն է. դասախոսություն՝ Գյումրիում
Sputnik Արմենիա
Այս տարի ապրիլի 19-ին առաջին անգամ նշվում է Հայրենական մեծ պատերազմի տարիներին նացիստների և նրանց հանցակիցների կողմից իրականացված խորհրդային ժողովրդի... 19.04.2026, Sputnik Արմենիա
2026-04-19T17:59+0400
2026-04-19T17:59+0400
2026-04-19T17:59+0400
խսհմ
հայրենական մեծ պատերազմ
նացիզմ
ցեղասպանություն
https://cdn.am.sputniknews.ru/img/07ea/04/13/101152567_0:67:1280:787_1920x0_80_0_0_bbd7d9892d55425b96e4cafc83d56b3b.jpg
ԵՐԵՎԱՆ, 19 ապրիլի — Sputnik. Գյումրիում՝ Հարավային ռազմական օկրուգի 102-րդ ռուսական ռազմաբազայի տարածքում, անցկացվել է արտագնա դասախոսություն՝ խորհրդային ժողովրդի ցեղասպանության հիշատակին նվիրված Միասնական գործողությունների օրվա շրջանակում, հայտնում է Գյումրիում Ռուսական տունը։Ապրիլի 19-ը 1941-1945 թթ. Հայրենական մեծ պատերազմի տարիներին նացիստների և նրանց հանցակիցների կողմից իրականացված խորհրդային ժողովրդի ցեղասպանության զոհերի հիշատակի օրն է: Այս տարի այն նշվում է առաջին անգամ:Ռազմաբազայի պատմության թանգարանում մասնակիցներին ներկայացվեցին արխիվային լուսանկարներ, փաստաթղթեր, տարբեր տարիների զինվորական համազգեստի տարրեր: Կենտրոնական տեղ էր գրավում Հայրենական մեծ պատերազմին նվիրված ցուցահանդեսը՝ սպառազինությունից և հանդերձանքից մինչև ռազմաճակատային նամակներ, որոնցում մինչ օրս հնչում է ժամանակի կենդանի ձայնը։Գյումրու Ռուսական տան տնօրեն Անտոն Բերյանևը հիշեցրեց, որ պատերազմի տարիներին Հայաստանն իր ներդրումն է ունեցել Մեծ հաղթանակի հասնելու գործում:Օրվա նշանակության և պատմական հիշողության հանդեպ խնամքով վերաբերմունքի անհրաժեշտության մասին խոսեցին նաև «Ռուսաստանի ընկերներ» ՀԿ Վանաձորի մասնաճյուղի ղեկավար Գագիկ Ամիրյանը և Հենրիետա Մխիթարյանը՝ արդեն ոչ թե որպես վկա, այլ որպես հիշողության կրող, որը փոխանցվում է ուղղակիորեն՝ առանց միջնորդների և մեկնաբանությունների։Մասնակիցները նաև այցելեցին Սուրբ նահատակ թագուհի Ալեքսանդրայի տաճարը, ինչպես նաև ծաղիկներ դրեցին «Մայր Հայաստան» հուշահամալիրի Հավերժական կրակի մոտ։Ավելի վաղ ՌԴ ԱԳ նախարար Սերգեյ Լավրովը հայտարարել էր, որ ռուսական դիվանագիտությունը ձգտելու է հասնել նրան, որ նացիստների և նրանց կամակատարների հանցագործությունները Խորհրդային Միության քաղաքացիների դեմ միջազգային հանրության կողմից ճանաչվեն որպես խորհրդային ժողովրդի ցեղասպանություն: Նրա խոսքով՝ Ռուսաստանը կշարունակի վճռականորեն պաշտպանել պատմական ճշմարտությունը, հակազդել նացիստական հանցագործներին և նրանց կամակատարներին սպիտակեցնելու փորձերին, կպայքարի Երկրորդ համաշխարհային պատերազմի միջազգայնորեն ճանաչված արդյունքները վերանայելու դեմ։
խսհմ
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
խսհմ, հայրենական մեծ պատերազմ, նացիզմ, ցեղասպանություն
խսհմ, հայրենական մեծ պատերազմ, նացիզմ, ցեղասպանություն
Խորհրդային ժողովրդի ցեղասպանության զոհերի հիշատակի օրն է. դասախոսություն՝ Գյումրիում
Այս տարի ապրիլի 19-ին առաջին անգամ նշվում է Հայրենական մեծ պատերազմի տարիներին նացիստների և նրանց հանցակիցների կողմից իրականացված խորհրդային ժողովրդի ցեղասպանության զոհերի հիշատակի օրը:
ԵՐԵՎԱՆ, 19 ապրիլի — Sputnik. Գյումրիում՝ Հարավային ռազմական օկրուգի 102-րդ ռուսական ռազմաբազայի տարածքում, անցկացվել է արտագնա դասախոսություն՝ խորհրդային ժողովրդի ցեղասպանության հիշատակին նվիրված Միասնական գործողությունների օրվա շրջանակում, հայտնում է Գյումրիում Ռուսական տունը։
Ապրիլի 19-ը 1941-1945 թթ. Հայրենական մեծ պատերազմի տարիներին նացիստների և նրանց հանցակիցների կողմից իրականացված խորհրդային ժողովրդի ցեղասպանության զոհերի հիշատակի օրն է: Այս տարի այն նշվում է առաջին անգամ:
Ռազմաբազայի պատմության թանգարանում մասնակիցներին ներկայացվեցին արխիվային լուսանկարներ, փաստաթղթեր, տարբեր տարիների զինվորական համազգեստի տարրեր: Կենտրոնական տեղ էր գրավում Հայրենական մեծ պատերազմին նվիրված ցուցահանդեսը՝ սպառազինությունից և հանդերձանքից մինչև ռազմաճակատային նամակներ, որոնցում մինչ օրս հնչում է ժամանակի կենդանի ձայնը։
Գյումրու Ռուսական տան տնօրեն Անտոն Բերյանևը հիշեցրեց, որ պատերազմի տարիներին Հայաստանն իր ներդրումն է ունեցել Մեծ հաղթանակի հասնելու գործում:
«Մենք գիտենք Հայրենական մեծ պատերազմին մասնակցած 600 հազար հայերի մասին, գիտենք, թե ինչ ջերմությամբ է Հայաստանն այդ տարիներին դիմավորել շրջափակված Լենինգրադի երեխաներին, այն 120 երեխաներին, որոնք Սանահին են ուղարկվել 51-րդ մանկատնից: Հայ ժողովուրդը շատ լավ գիտի, թե որքան ծանր է տրվել այդ հաղթանակը», - նշեց նա։
Օրվա նշանակության և պատմական հիշողության հանդեպ խնամքով վերաբերմունքի անհրաժեշտության մասին խոսեցին նաև «Ռուսաստանի ընկերներ» ՀԿ Վանաձորի մասնաճյուղի ղեկավար Գագիկ Ամիրյանը և Հենրիետա Մխիթարյանը՝ արդեն ոչ թե որպես վկա, այլ որպես հիշողության կրող, որը փոխանցվում է ուղղակիորեն՝ առանց միջնորդների և մեկնաբանությունների։
Մասնակիցները նաև այցելեցին Սուրբ նահատակ թագուհի Ալեքսանդրայի տաճարը, ինչպես նաև ծաղիկներ դրեցին «Մայր Հայաստան» հուշահամալիրի Հավերժական կրակի մոտ։
Ավելի վաղ ՌԴ ԱԳ նախարար
Սերգեյ Լավրովը հայտարարել էր, որ ռուսական դիվանագիտությունը ձգտելու է հասնել նրան, որ նացիստների և նրանց կամակատարների հանցագործությունները Խորհրդային Միության քաղաքացիների դեմ միջազգային հանրության կողմից ճանաչվեն որպես խորհրդային ժողովրդի ցեղասպանություն: Նրա խոսքով՝ Ռուսաստանը կշարունակի վճռականորեն պաշտպանել պատմական ճշմարտությունը, հակազդել նացիստական հանցագործներին և նրանց կամակատարներին սպիտակեցնելու փորձերին, կպայքարի Երկրորդ համաշխարհային պատերազմի միջազգայնորեն ճանաչված արդյունքները վերանայելու դեմ։
