https://arm.sputniknews.ru/20260419/erevani-kapujt-mzkitum-aghjikneri-orva-mijvocarmany-hargel-en-irani-zvoheri-hishataky-101158799.html
Երևանի Կապույտ մզկիթում Աղջիկների օրվա միջոցառմանը հարգել են Իրանի զոհերի հիշատակը
Երևանի Կապույտ մզկիթում Աղջիկների օրվա միջոցառմանը հարգել են Իրանի զոհերի հիշատակը
Sputnik Արմենիա
Իրանի ժողովուրդը խորապես երախտապարտ է հայ ժողովրդին նման բարձր գնահատականի, ջերմության և մարդասիրական վերաբերմունքի համար, նշել է նա: 19.04.2026, Sputnik Արմենիա
2026-04-19T19:33+0400
2026-04-19T19:33+0400
2026-04-19T19:42+0400
իրանի իսլամական հանրապետություն
կապույտ մզկիթ
հայաստան
https://cdn.am.sputniknews.ru/img/07ea/04/13/101158147_0:120:1280:840_1920x0_80_0_0_918efb12a1e52aec82b7c5afe768927b.jpg
ԵՐԵՎԱՆ, 19 ապրիլի - Sputnik. Իրանի Իսլամական Հանրապետության մշակույթի կենտրոնի նախաձեռնությամբ Երևանի Կապույտ մզկիթում տեղի է ունեցել միջոցառում՝ նվիրված Աղջիկների օրվան: Տոնական հանդիպումը մեկտեղել էր Երևանի իրանական «Շահիդ Ֆահմիդե» դպրոցի սաներին և պարսկերեն սովորող հայ աշակերտներին՝ նպատակ ունենալով ամրապնդել երկու ժողովուրդների միջև բարեկամական ու մշակութային կապերը:Միջոցառման ամենաառանցքային և հուզիչ պահը նվիրված էր պատերազմում զոհված աշակերտների հիշատակին: Միջոցառման մասնակիցները, ի նշան երախտագիտության և խորին հարգանքի, ծաղիկներ խոնարհեցին՝ հարգելով իրենց այն հասակակիցների հիշատակը, ովքեր զոհվել են հանուն հայրենիքի և գաղափարների:Մշակութային ծրագիրը հագեցած էր երկլեզու կատարումներով. հայ աշակերտները ներկայացրին պարսկերեն և հայերեն ընդհանուր ասացվածքներ, հնչեցին երգեր երկու լեզուներով: Այնուհետև անցկացվեց սեղանի հարդարման և մրգերի ձևավորման մրցույթ, որտեղ լավագույնների թվում հաղթողներից էր հայ աշակերտների խումբը։Միջոցառման ավարտին դպրոցականների համար ճանաչողական շրջայց կազմակերպվեց Կապույտ մզկիթի տարածքում, ինչը հնարավորություն տվեց երեխաներին ավելի մոտիկից ծանոթանալ իրանական մշակույթին և ճարտարապետությանը:Միջոցառման եզրափակիչ մասում Հայաստանում ԻԻՀ դեսպանության մշակույթի կենտրոնի տնօրեն Մոհամմադ Ասադի Մովահեդը, բարձր գնահատելով հայ և իրանցի աշակերտների ակտիվ մասնակցությունը, ընդգծեց նման նախաձեռնությունների շարունակականության կարևորությունը։ Նա նաև շեշտեց՝ հայ ժողովուրդն իր անկեղծ զորակցությամբ մշտապես եղել է Իրանի կողքին: Հիշեցնենք՝ փետրվարի 28-ի առավոտյան Իսրայելի և ԱՄՆ-ի զինված ուժերը սկսել են հարվածներ հասցնել Իրանին, այդ թվում ՝ Մինաբ քաղաքի շրջանում գտնվող ռազմական օբյեկտներին։ Նույն օրը հարված Է հասցվել Մինաբայի դպրոցին, զոհվել է մոտ 180 մարդ, մեծ մասամբ՝ 7-12 տարեկան աղջիկներ ։
իրանի իսլամական հանրապետություն
կապույտ մզկիթ
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, կապույտ մզկիթ, հայաստան
իրանի իսլամական հանրապետություն, կապույտ մզկիթ, հայաստան
Երևանի Կապույտ մզկիթում Աղջիկների օրվա միջոցառմանը հարգել են Իրանի զոհերի հիշատակը
19:33 19.04.2026 (Թարմացված է: 19:42 19.04.2026) Իրանի ժողովուրդը խորապես երախտապարտ է հայ ժողովրդին նման բարձր գնահատականի, ջերմության և մարդասիրական վերաբերմունքի համար, նշել է նա:
ԵՐԵՎԱՆ, 19 ապրիլի - Sputnik. Իրանի Իսլամական Հանրապետության մշակույթի կենտրոնի նախաձեռնությամբ Երևանի Կապույտ մզկիթում տեղի է ունեցել միջոցառում՝ նվիրված Աղջիկների օրվան: Տոնական հանդիպումը մեկտեղել էր Երևանի իրանական «Շահիդ Ֆահմիդե» դպրոցի սաներին և պարսկերեն սովորող հայ աշակերտներին՝ նպատակ ունենալով ամրապնդել երկու ժողովուրդների միջև բարեկամական ու մշակութային կապերը:
Միջոցառման ամենաառանցքային և հուզիչ պահը նվիրված էր պատերազմում զոհված աշակերտների հիշատակին: Միջոցառման մասնակիցները, ի նշան երախտագիտության և խորին հարգանքի, ծաղիկներ խոնարհեցին՝ հարգելով իրենց այն հասակակիցների հիշատակը, ովքեր զոհվել են հանուն հայրենիքի և գաղափարների:
Մշակութային ծրագիրը հագեցած էր երկլեզու կատարումներով. հայ աշակերտները ներկայացրին պարսկերեն և հայերեն ընդհանուր ասացվածքներ, հնչեցին երգեր երկու լեզուներով: Այնուհետև անցկացվեց սեղանի հարդարման և մրգերի ձևավորման մրցույթ, որտեղ լավագույնների թվում հաղթողներից էր հայ աշակերտների խումբը։
Միջոցառման ավարտին դպրոցականների համար ճանաչողական շրջայց կազմակերպվեց Կապույտ մզկիթի տարածքում, ինչը հնարավորություն տվեց երեխաներին ավելի մոտիկից ծանոթանալ իրանական մշակույթին և ճարտարապետությանը:
Միջոցառման եզրափակիչ մասում Հայաստանում ԻԻՀ դեսպանության մշակույթի կենտրոնի տնօրեն Մոհամմադ Ասադի Մովահեդը, բարձր գնահատելով հայ և իրանցի աշակերտների ակտիվ մասնակցությունը, ընդգծեց նման նախաձեռնությունների շարունակականության կարևորությունը։
«Այսօր տոնական տրամադրությանը զուգահեռ մենք հարգանքի տուրք մատուցեցինք Մինաբի անմեղ երեխաների հիշատակին: Տոնախմբության և սոցիալական պատասխանատվության այս սերտ կապը իրանա-իսլամական մշակույթի առանցքային բնութագրիչներից է»,- նշեց նա:
Նա նաև շեշտեց՝ հայ ժողովուրդն իր անկեղծ զորակցությամբ մշտապես եղել է Իրանի կողքին:
«Մենք պարբերաբար ստանում ենք բազմաթիվ դիմումներ և հաղորդագրություններ թե՛ մշակույթի կենտրոնում, թե՛ դեսպանատանը, որտեղ մարդիկ իրենց պատրաստակամությունն են հայտնում մարդասիրական օգնություն տրամադրելու և տարբեր նախաձեռնություններով հանդես գալու հարցում: Իրանի ժողովուրդը խորապես երախտապարտ է հայ ժողովրդին նման բարձր գնահատանքի, ջերմության և մարդասիրական վերաբերմունքի համար»:
Հիշեցնենք՝ փետրվարի 28-ի առավոտյան Իսրայելի և ԱՄՆ-ի զինված ուժերը սկսել են հարվածներ հասցնել Իրանին, այդ թվում ՝ Մինաբ քաղաքի շրջանում գտնվող ռազմական օբյեկտներին։ Նույն օրը հարված Է հասցվել
Մինաբայի դպրոցին, զոհվել է մոտ 180 մարդ, մեծ մասամբ՝ 7-12 տարեկան աղջիկներ ։
