Հայաստանի մի շարք հատվածներում ձյուն է գալիս. Պուշկինի թունելը հոսանքազրկվել է
09:10 10.04.2026 (Թարմացված է: 09:37 10.04.2026)
© Sputnik / Aram Nersesyan
Բաժանորդագրվել
Վարդենյաց լեռնանցքը դժվարանցանելի է կցորդիչով տրանսպորտային միջոցների համար։
ԵՐԵՎԱՆ, 10 ապրիլի – Sputnik. Հայաստանի որոշ շրջաններում ձյուն է գալիս։ Այս մասին հայտնում է Ճանապարհային դեպարտամենտը` ներկայացնելով ժամը 09։00–ի տվյալները։
«Գավառի, Ճամբարակի, Դիլիջանի, Ստեփանավանի, Սպիտակի, Արթիկի, Ախուրյանի, Աշոցքի, Արագածի տարածաշրջաններում, Վարդենյաց լեռնանցքում, Սիսիանի տարածաշրջանի «Զանգեր» կոչվող հատվածից մինչև Սառնակունք բնակավայր ձյուն է տեղում, իսկ Հրազդանի, Թումանյանի, Անիի, Ապարանի տարածաշրջաններում՝ ձնախառն անձրև»,– նշված է հաղորդագրությունում։
Ըստ դեպարտամենտի` Վարդենյաց լեռնանցքը դժվարանցանելի է կցորդիչով տրանսպորտային միջոցների համար։
Պուշկինի թունելը հոսանքազրկվել է էլեկտրականության մատակարարման համակարգի խափանման պատճառով։
