https://arm.sputniknews.ru/20260402/amnn-ev-israjely-khpel-en-kamrjin-vorn-amenabardzrn-er-linelu-merdzavvor-arevelqum-ka-2-zvoh-100569962.html
ԱՄՆ–ն և Իսրայելը խփել են կամրջին, որն ամենաբարձրն էր լինելու Մերձավոր Արևելքում․ կա 2 զոհ
ԱՄՆ–ն և Իսրայելը խփել են կամրջին, որն ամենաբարձրն էր լինելու Մերձավոր Արևելքում․ կա 2 զոհ
Sputnik Արմենիա
Ավելի վաղ ԶԼՄ-ները հայտնել էին, որ ամերիկա-իսրայելական հարձակում է տեղի ունեցել այն կամրջի վրա, որը պետք է միացնի Թեհրանն ու Քերեջը` դառնալով Մերձավոր Արևելքի... 02.04.2026, Sputnik Արմենիա
2026-04-02T21:07+0400
2026-04-02T21:07+0400
2026-04-02T21:29+0400
իրանի իսլամական հանրապետություն
տեսանյութեր
տեսանյութ
կամուրջ
իսրայել
https://cdn.am.sputniknews.ru/img/07ea/04/02/100569344_0:2:1123:634_1920x0_80_0_0_296028c0d17e1526033626f51d240535.jpg
ԵՐԵՎԱՆ, 2 ապրիլի - Sputnik. ԱՄՆ-ի և Իսրայելի ուժերը Իրանում հարված են հասցրել կամրջին, որը, ըստ նախագծի, պետք է միացներ Թեհրանն ու Քերեջը և դառնար Մերձավոր Արևելքի ամենամեծ կամուրջը։ Այս մասին հայտնել է նահանգապետի տեղակալ Քոդրաթոլլա Սեիֆը։Ավելի ուշ իրանական Fars գործակալությունը հայտնել է կառուցվող կամրջի վրա կրկնակի հարձակման մասին. այն տեղի է ունեցել այն պահին, երբ փրկարարները օգնություն էին ցուցաբերում առաջին հարվածից տուժածներին։Իրանի պաշտոնական աղբյուրները հայտնում են, որ օբյեկտի շինարարությունը նախատեսվում էր ավարտել առաջիկա ամիսներին։ԱՄՆ նախագահ Դոնալդ Թրամփն արդեն արձագանքել է Իրանում կամրջի վրա հարձակմանը և խոստացել, որ Թեհրանին «շատ ավելին է սպասվում»։ «Իրանի ամենամեծ կամուրջը փլուզվել է և այլևս երբեք չի օգտագործվի, և դեռ շատ ավելին է սպասվում։ Իրանը պետք է գործարք կնքի, քանի դեռ ուշ չէ», - գրել է ԱՄՆ նախագահը TruthSocial-ում։ Իրանական Fars լրատվական գործակալությունը, ի պատասխան հարձակման, հայտարարել է, որ Քուվեյթի, Սաուդյան Արաբիայի, Աբու Դաբիի և Հորդանանի կամուրջներն այժմ իրանական ուժերի օրինական թիրախներն են։Հիշեցնենք` ԱՄՆ–ն ու Իսրայելը փետրվարի 28-ի առավոտյան սկսեցին հարվածներ հասցնել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին ու նրա կինը, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Մարտի 18–ին հայտնի դարձավ, որ սպանվել են նաև Իրանի գերագույն ազգային անվտանգության խորհրդի քարտուղար Ալի Լարիջանին, նրա որդին ու հատուկ օգնականը` Մորթեզա Լարիջանին։Իրանը մարտի 1–ից պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին:
իրանի իսլամական հանրապետություն
իսրայել
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Удары США и Израиля частично разрушили самый высокий мост на Ближнем Востоке
Sputnik Արմենիա
Удары США и Израиля частично разрушили самый высокий мост на Ближнем Востоке
2026-04-02T21:07+0400
true
PT0M10S
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, տեսանյութեր, տեսանյութ, видео, կամուրջ, իսրայել
իրանի իսլամական հանրապետություն, տեսանյութեր, տեսանյութ, видео, կամուրջ, իսրայել
ԱՄՆ–ն և Իսրայելը խփել են կամրջին, որն ամենաբարձրն էր լինելու Մերձավոր Արևելքում․ կա 2 զոհ
21:07 02.04.2026 (Թարմացված է: 21:29 02.04.2026) Ավելի վաղ ԶԼՄ-ները հայտնել էին, որ ամերիկա-իսրայելական հարձակում է տեղի ունեցել այն կամրջի վրա, որը պետք է միացնի Թեհրանն ու Քերեջը` դառնալով Մերձավոր Արևելքի ամենամեծ կամուրջը։
ԵՐԵՎԱՆ, 2 ապրիլի - Sputnik. ԱՄՆ-ի և Իսրայելի ուժերը Իրանում հարված են հասցրել կամրջին, որը, ըստ նախագծի, պետք է միացներ Թեհրանն ու Քերեջը և դառնար Մերձավոր Արևելքի ամենամեծ կամուրջը։ Այս մասին հայտնել է նահանգապետի տեղակալ Քոդրաթոլլա Սեիֆը։
«B1 կամրջի վրա, որն իրանական ինժեներական մտքի ճանաչված գլուխգործոցն է, ամերիկա-իսրայելական վարչակարգի դաժան հարձակման հետևանքով զոհվել է երկու մարդ, ևս մի քանի բնակիչներ ու զբոսաշրջիկներ վիրավորվել են»,-ասել է պաշտոնյան։
Ավելի ուշ իրանական Fars գործակալությունը հայտնել է կառուցվող կամրջի վրա կրկնակի հարձակման մասին. այն տեղի է ունեցել այն պահին, երբ փրկարարները օգնություն էին ցուցաբերում առաջին հարվածից տուժածներին։
Իրանի պաշտոնական աղբյուրները հայտնում են, որ օբյեկտի շինարարությունը նախատեսվում էր ավարտել առաջիկա ամիսներին։
ԱՄՆ նախագահ Դոնալդ Թրամփն արդեն արձագանքել է Իրանում կամրջի վրա հարձակմանը և խոստացել, որ Թեհրանին «շատ ավելին է սպասվում»։
«Իրանի ամենամեծ կամուրջը փլուզվել է և այլևս երբեք չի օգտագործվի, և դեռ շատ ավելին է սպասվում։ Իրանը պետք է գործարք կնքի, քանի դեռ ուշ չէ», - գրել է ԱՄՆ նախագահը TruthSocial-ում։
Իրանական Fars լրատվական գործակալությունը, ի պատասխան հարձակման, հայտարարել է, որ Քուվեյթի, Սաուդյան Արաբիայի, Աբու Դաբիի և Հորդանանի կամուրջներն այժմ իրանական ուժերի օրինական թիրախներն են։
Հիշեցնենք` ԱՄՆ–ն ու Իսրայելը փետրվարի 28-ի առավոտյան սկսեցին
հարվածներ հասցնել Իրանին։ Սպանվեցին երկրի
գերագույն հոգևոր առաջնորդ այաթոլլա Ալի Խամենեին ու
նրա կինը, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Մարտի 18–ին հայտնի դարձավ, որ
սպանվել են նաև Իրանի գերագույն ազգային անվտանգության խորհրդի քարտուղար Ալի Լարիջանին, նրա որդին ու հատուկ օգնականը` Մորթեզա Լարիջանին։
Իրանը մարտի 1–ից պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին:
