https://arm.sputniknews.ru/20260327/7-amsvov-azatazrkvats-mardun-mahapatzhi-en-datapartel-hacadul-anvogh-kalanavvori-qujr-100328362.html
7 ամսով ազատազրկված մարդուն «մահապատժի» են դատապարտել․ հացադուլ անող կալանավորի քույր
7 ամսով ազատազրկված մարդուն «մահապատժի» են դատապարտել․ հացադուլ անող կալանավորի քույր
Sputnik Արմենիա
Առողջապահության նախարարությունից հայտնում են, որ կալանավորված անձն ինքն է իր ձեռագրով գրություն ուղարկել ու հրաժարվել բուժօգնությունից։ 27.03.2026, Sputnik Արմենիա
2026-03-27T19:44+0400
2026-03-27T19:44+0400
2026-03-27T21:23+0400
կալանավոր
քրեակատարողական հիմնարկ (քկհ)
https://cdn.am.sputniknews.ru/img/07e6/07/12/45423211_0:83:1600:983_1920x0_80_0_0_65201dd7ad098e15a20669c9774523db.jpg
ԵՐԵՎԱՆ, 27 մարտի – Sputnik. «Արմավիր» ՔԿՀ-ում առողջական խնդիրների պատճառով հացադուլ հայտարարած տղամարդը շարունակում է պահվել ՔԿՀ-ում՝ կարանտինային 6-րդ պատժախցում՝ առանց պատշաճ բուժօգնության։ Sputnik Արմենիայի հետ զրույցում հայտնեց 41-ամյա ազատազրկված անձ Գեղամ Պետրոսյանի քույրը։Ավելի վաղ հայտնել էինք, որ «Արմավիր» ՔԿՀ–ում պահվող անձանցից 3-ը մարտի 16-ից հացադուլ են հայտարարել։ Երկուսի հացադուլը պայմանավորված է իրենց առաջադրված մեղադրանքներով, մեկինը՝ առողջական խնդիրներով։Նրա տեղեկություններով՝ հացադուլ անողներից մեկն անգամ ինքնասպանության փորձ է արել, կարողացել են փրկել։ Նրանք էլ գործերի վերանայում են պահանջում։Ասում է՝ եղբայրը ո՛չ սպանություն է գործել, ո՛չ գողություն արել, ճանապարհատրանսպորտային խախտումների համար զրկված է եղել վարորդական իրավունքից, բայց շարունակել է վարել, ինչի համար էլ տուգանվել է 375 հազար դրամով ու ազատազրկվել 7 ամիս 4 օրով։Նրա խոսքով՝ տուգանքն էլ վճարել չեն կարող, եղբայրը 2 անչափահաս երեխաներ ունի՝ 10 և 12 տարեկան, մի քանի օրից 3-րդ երեխան լույս աշխարհ կգա, ընտանիքի միակ կերակրողն է։ Տարբեր աշխատանքներ է կատարել՝ բանվորից մինչև պահակ՝ չնայած բազմաթիվ ծանր հիվանդություններ ունի՝ սիրտ-անոթային, երիկամային անբավարարություն, բարձր ճնշում, դեղորայքային ալերգիա և այլն։ՀՀ առողջապահության նախարարի մամուլի խոսնակ Մարիամ Ծատրյանի խոսքով՝ ազատազրկված անձն ինքն իր ձեռքով է գրություն գրել և հրաժարվել բուժօգնությունից։«Օրեր առաջ, երբ եղել է պայմանավորվածություն տարբեր բուժկենտրոնների մի քանի մասնագետների (այդ թվում՝ նախարարի խորհրդատու) հետ քաղաքացու բուժզննումն ու ըստ այդմ՝ բուժօգնության տրամադրումը կազմակերպելու համար, իր ձեռքով գրված սեփական դիմումի համաձայն նա հրաժարվել է բուժօգնությունից, ինչի վերաբերյալ կազմվել է արձանագրություն»,- նշեց Ծատրյանը։Հավելեց՝ գրությունը չեն կարող հրապարակել, քանի որ բժշկական գաղտնիք է պարունակում։Պետրոսյանի քրոջ խոսքով՝ եղբորը ցանկացել են բուժկենտրոն հետազոտության տեղափոխել ՔԿՀ-ի ավտոմեքենայով, սակայն եղբայրը չի ցանկացել, քանի որ ինքնազգացողությունը վատ է եղել, ցանկացել է՝ շտապօգնության մեքենայով կազմակերպվի տեղափոխումը։ Այնուամենայնիվ, նախորդ գրությունից կարճ ժամանակ անց նա մեկ այլ գրություն է գրել՝ համաձայնելով բուժօգնությանը։ Այս պահին ընտանիքի խնդրանքն է, որ գոնե Գեղամին տեղափոխեն քաղաքացիական հիվանդանոց, որտեղ նրա առողջական վիճակը պատշաճ կհսկվի։ Քույրը վախենում է, որ ամեն օրվա հապաղումը կարող է ճակատագրական լինել եղբոր կյանքի համար։Փաստաբանը փորձել է թմրամիջոց տանել «Նուբարաշեն» ՔԿՀ. նրան ձերբակալել ենՆախարարի խոսնակ Մարիամ Ծատրյանի կարծիքով՝ քաղաքացին իր՝ պարբերաբար փոխվող դիրքորոշումներով ավելի է բարդացնում պատշաճ բուժօգնության կազմակերպման գործընթացը։Հիշեցնում է՝ հաշվի առնելով նրա դեղորայքային սուր ալերգիան, որի հետևանքով սովորական ցավազրկողն անգամ կարող է սրտի կանգի պատճառ դառնալ, համակարգչային տոմոգրաֆիկ հետազոտության կազմակերպման համար իրենք ստիպված են տարբեր նեղ մասնագետներ հրավիրել տարբեր բուժկենտրոններից, այդ թվում՝ ալերգոլոգ և այլք, որոնք կհսկեն նրա վիճակը, ուստի սեղմ ժամկետում նույնը կազմակերպել հնարավոր չէ։ Ինչ վերաբերում է տեղափոխման տրանսպորտային միջոցին՝ նախարարի խոսնակն ընդգծում է՝ եթե շտապ կամ անհետաձգելի դեպք չէ, այլ պլանային ստուգում, ապա նորմալ է ՔԿՀ մեքենայով տեղափոխությունը։Նրա խոսքով՝ ազատազրկվածի առողջական վիճակը շարունակում է լինել «Քրեակատարողական բժշկության կենտրոն» ՊՈԱԿ-ի հսկողության տակ, նաև քննարկվում է նոր բուժզննման անցկացման կազմակերպումը։ Եթե լինի շտապ և անհետաձգելի դեպքի ցուցում, տեղափոխումը կիրականացվի շտապ օգնության մեքենայով։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կալանավոր, քրեակատարողական հիմնարկ (քկհ)
կալանավոր, քրեակատարողական հիմնարկ (քկհ)
7 ամսով ազատազրկված մարդուն «մահապատժի» են դատապարտել․ հացադուլ անող կալանավորի քույր
19:44 27.03.2026 (Թարմացված է: 21:23 27.03.2026) Առողջապահության նախարարությունից հայտնում են, որ կալանավորված անձն ինքն է իր ձեռագրով գրություն ուղարկել ու հրաժարվել բուժօգնությունից։
ԵՐԵՎԱՆ, 27 մարտի – Sputnik. «Արմավիր» ՔԿՀ-ում առողջական խնդիրների պատճառով հացադուլ հայտարարած տղամարդը շարունակում է պահվել ՔԿՀ-ում՝ կարանտինային 6-րդ պատժախցում՝ առանց պատշաճ բուժօգնության։
Sputnik Արմենիայի հետ զրույցում հայտնեց 41-ամյա ազատազրկված անձ Գեղամ Պետրոսյանի քույրը։
Ավելի վաղ հայտնել էինք, որ «Արմավիր» ՔԿՀ–ում պահվող անձանցից 3-ը մարտի 16-ից հացադուլ են հայտարարել։ Երկուսի հացադուլը պայմանավորված է իրենց առաջադրված մեղադրանքներով, մեկինը՝ առողջական խնդիրներով։
«Քաղաքացիական հիվանդանոցները հրաժարվել են եղբորս ընդունել, քանի որ ալերգիկ է, դեղորայքից երկու անգամ սրտի կանգ է ունեցել, մեկը տանն է եղել։ Եղբայրս երիկամների սուր նոպաներ է ունենում, բայց անգամ ցավազրկող չեն տալիս, ոչ մի բուժօգնություն չի ստանում, միայն սոնոգրաֆիայի են տանում, ճնշումը չափում ու հետ բերում կարանտինային 6-րդ պատժախուց, որտեղ նրա հետ միասին նաև հացադուլ անող մյուս երկու ազատազրկվածներն են»,- ասաց քույրը։
Նրա տեղեկություններով՝ հացադուլ անողներից մեկն անգամ ինքնասպանության փորձ է արել, կարողացել են փրկել։ Նրանք էլ գործերի վերանայում են պահանջում։
Ասում է՝ եղբայրը ո՛չ սպանություն է գործել, ո՛չ գողություն արել, ճանապարհատրանսպորտային խախտումների համար զրկված է եղել վարորդական իրավունքից, բայց շարունակել է վարել, ինչի համար էլ տուգանվել է 375 հազար դրամով ու ազատազրկվել 7 ամիս 4 օրով։
Նրա խոսքով՝ տուգանքն էլ վճարել չեն կարող, եղբայրը 2 անչափահաս երեխաներ ունի՝ 10 և 12 տարեկան, մի քանի օրից 3-րդ երեխան լույս աշխարհ կգա, ընտանիքի միակ կերակրողն է։ Տարբեր աշխատանքներ է կատարել՝ բանվորից մինչև պահակ՝ չնայած բազմաթիվ ծանր հիվանդություններ ունի՝ սիրտ-անոթային, երիկամային անբավարարություն, բարձր ճնշում, դեղորայքային ալերգիա և այլն։
«Մի երկու օրից կլրանա 3 ամիսը, որ եղբայրս ՔԿՀ-ում է, բայց արդեն երևի մի 15-17 կգ քաշի կորուստ է ունեցել։ Իր հիվանդություններն անհամատեղելի են կալանքի հետ, բայց նրան շարունակում են պահել։ Ստացվում է, որ 7 ամսով կալանավորված մարդուն մահապատժի են դատապարտել։ Նրա բոլոր իրավունքները ոտնահարվում են»,- ասում է քույրը։
ՀՀ առողջապահության նախարարի մամուլի խոսնակ Մարիամ Ծատրյանի խոսքով՝ ազատազրկված անձն ինքն իր ձեռքով է գրություն գրել և հրաժարվել բուժօգնությունից։
«Օրեր առաջ, երբ եղել է պայմանավորվածություն տարբեր բուժկենտրոնների մի քանի մասնագետների (այդ թվում՝ նախարարի խորհրդատու) հետ քաղաքացու բուժզննումն ու ըստ այդմ՝ բուժօգնության տրամադրումը կազմակերպելու համար, իր ձեռքով գրված սեփական դիմումի համաձայն նա հրաժարվել է բուժօգնությունից, ինչի վերաբերյալ կազմվել է արձանագրություն»,- նշեց Ծատրյանը։
Հավելեց՝ գրությունը չեն կարող հրապարակել, քանի որ բժշկական գաղտնիք է պարունակում։
Պետրոսյանի քրոջ խոսքով՝ եղբորը ցանկացել են բուժկենտրոն հետազոտության տեղափոխել ՔԿՀ-ի ավտոմեքենայով, սակայն եղբայրը չի ցանկացել, քանի որ ինքնազգացողությունը վատ է եղել, ցանկացել է՝ շտապօգնության մեքենայով կազմակերպվի տեղափոխումը։ Այնուամենայնիվ, նախորդ գրությունից կարճ ժամանակ անց նա մեկ այլ գրություն է գրել՝ համաձայնելով բուժօգնությանը։
Այս պահին ընտանիքի խնդրանքն է, որ գոնե Գեղամին տեղափոխեն քաղաքացիական հիվանդանոց, որտեղ նրա առողջական վիճակը պատշաճ կհսկվի։ Քույրը վախենում է, որ ամեն օրվա հապաղումը կարող է ճակատագրական լինել եղբոր կյանքի համար։
Նախարարի խոսնակ Մարիամ Ծատրյանի կարծիքով՝ քաղաքացին իր՝ պարբերաբար փոխվող դիրքորոշումներով ավելի է բարդացնում պատշաճ բուժօգնության կազմակերպման գործընթացը։
Հիշեցնում է՝ հաշվի առնելով նրա դեղորայքային սուր ալերգիան, որի հետևանքով սովորական ցավազրկողն անգամ կարող է սրտի կանգի պատճառ դառնալ, համակարգչային տոմոգրաֆիկ հետազոտության կազմակերպման համար իրենք ստիպված են տարբեր նեղ մասնագետներ հրավիրել տարբեր բուժկենտրոններից, այդ թվում՝ ալերգոլոգ և այլք, որոնք կհսկեն նրա վիճակը, ուստի սեղմ ժամկետում նույնը կազմակերպել հնարավոր չէ։ Ինչ վերաբերում է տեղափոխման տրանսպորտային միջոցին՝ նախարարի խոսնակն ընդգծում է՝ եթե շտապ կամ անհետաձգելի դեպք չէ, այլ պլանային ստուգում, ապա նորմալ է ՔԿՀ մեքենայով տեղափոխությունը։
Նրա խոսքով՝ ազատազրկվածի առողջական վիճակը շարունակում է լինել «Քրեակատարողական բժշկության կենտրոն» ՊՈԱԿ-ի հսկողության տակ, նաև քննարկվում է նոր բուժզննման անցկացման կազմակերպումը։ Եթե լինի շտապ և անհետաձգելի դեպքի ցուցում, տեղափոխումը կիրականացվի շտապ օգնության մեքենայով։
