Թուրքիան ԱՄՆ-ի և Իրանի բանակցությունների համար հարթակ է առաջարկել
15:52 26.03.2026 (Թարմացված է: 15:53 26.03.2026)
Թուրքիայի նախագահականը
Բաժանորդագրվել
Անկարան պատրաստ է աջակցել երկխոսության անցկացման ցանկացած ձևաչափի և վայրի:
ԵՐԵՎԱՆ, 26 մարտի - Sputnik. Թուրքական կողմն իր հարթակն է առաջարկել ԱՄՆ-ին և Իրանին բանակցային գործընթացի վերսկսման համար, սակայն Անկարան կաջակցի կողմերի ցանկացած ընտրության: Այս մասին ՌԻԱ Նովոստիին հայտնել են Թուրքիայի նախագահի աշխատակազմից։
«Թուրքիան իր հարթակն է առաջարկել ԱՄՆ-ի և Իրանի բանակցությունների վերսկսման համար, սակայն վերջնական որոշումը կողմերինն է, և Անկարան պատրաստ է աջակցել նրանց համար ընդունելի երկխոսության ցանկացած ձևաչափի և վայրի։ Անկարայի համար առաջնային է տարածաշրջանում հրադադարն ու կայունությունը», - հայտարարել են Թուրքիայի նախագահի աշխատակազմում՝ ի պատասխան Թուրքիայի կողմից կողմերի բանակցությունների կազմակերպման հավանականությունը մեկնաբանելու խնդրանքին։
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Երկրում 40-օրյա սուգ է հայտարարվել: Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին:
