https://arm.sputniknews.ru/20260326/arcakhcineri-bnakaranajin-tsragiry-kpvokhvi-pashinjany-hvordvorum-e-qandel-bvokhchanery-100251456.html
Արցախցիների բնակարանային ծրագիրը կփոխվի. Փաշինյանը հորդորում է քանդել բոխչաները
Արցախցիների բնակարանային ծրագիրը կփոխվի. Փաշինյանը հորդորում է քանդել բոխչաները
Sputnik Արմենիա
ՀՀ աշխատանքի և սոցիալական հարցերի նախարար Արսեն Թորոսյանը նշեց, որ երեկվա դրությամբ ԼՂ–ից բռնի տեղահանված 5 232 անձի տրվել է սերտիֆիկատ, որից իրացվել է 2... 26.03.2026, Sputnik Արմենիա
2026-03-26T11:54+0400
2026-03-26T11:54+0400
2026-03-26T13:36+0400
հայաստան
նիկոլ փաշինյան
արսեն թորոսյան
արցախցի
https://cdn.am.sputniknews.ru/img/07e9/04/17/88123315_0:0:1100:619_1920x0_80_0_0_6776fbca77807512351e0cda9f362e93.jpg
ԵՐԵՎԱՆ, 26 մարտի – Sputnik. Արցախից բռնի տեղահանված ընտանիքների բնակարանային ապահովման պետական աջակցության ծրագրով նախատեսված աջակցության չափերը կվերանայվեն։ Համապատասխան որոշումն ընդունվեց ՀՀ կառավարության այսօրվա նիստի ժամանակ։ՀՀ աշխատանքի և սոցիալական հարցերի նախարար Արսեն Թորոսյանը նշեց, որ ընդլայնել են 4 մլն դրամ սահմանաչափով բնակավայրերի ցանկը, որոնք 611–ն են, և այդ ցանկը ավելացրել են 150 բնակավայրով։Թորոսյանի տվյալներով` 150 բնակավայր ունեցող երևանամերձ այս համայնքներում ապրում է ԼՂ–ից բռնի տեղահանված մոտ 25 հազար մարդ։Բռնի տեղահանված 25 000 արցախցի արտագաղթել է ՀՀ–ից. Նժդեհ ԻսկանդարյանԲացի այդ, նոր ծրագրի նոր փոփոխություններով առաջարկվում է ընտանիքի անդամ դիտարկել մինչև 2026 թ. դեկտեմբերի 31–ը ներառյալ ծնված երեխաներին` անկախ նրանից, թե ընտանիքի անդամները երբ են ներկայացրել առցանց դիմում–հայտարարություն և ստացել հավաստագիր։Փոփոխվել է նաև հիփոթեքային վարկի մարման աջակցությունը։ Այժմ, ըստ նախարարի, այս աջակցությունից կարող են օգտվել նաև այն շահառուները, որոնք անշարժ գույքի ձեռքբերման կամ անհատական տան կառուցման համար 2025 թ. հուլիսի 1–ի դրությամբ ստացել են ոչ թե հիփոթեքային վարկ, այլ այդ վարկի վերաֆինանսավորման նպատակով նրանց տրամադրվել է անշարժ գույքի գրավով սպառողական վարկ։Թորոսյանը նաև ներկայացրեց վիճակագրական վերջին տվյալները, ըստ որի` երեկվա դրությամբ տրվել է 5 232 սերտիֆիկատ, որից իրացվել է 2 336–ը (կա՛մ ձեռք են բերել տուն, կա՛մ կառուցում են)։Այս համատեքստում ՀՀ վարչապետ Նիկոլ Փաշինյանը կրկին անդրադարձավ խաղաղության, արցախցիների վերադարձի և տարածաշրջանային սպառնալիքների թեմաներին։Հիշեցնենք՝ Արցախից բռնի տեղահանված ընտանիքների բնակարանային ապահովման պետական աջակցության ծրագիրը մեկնարկել է 2024թ․ հունիսին։ 242 բնակավայրերում տուն ձեռք բերելու դեպքում 1 անձի հաշվով տրվում է 5 մլն դրամ աջակցություն, 142 բնակավայրում՝ 4 մլն դրամ։ Մնացած բնակավայրերում, այդ թվում՝ Երևանում (բացառությամբ՝ 1-ին և 2-րդ գոտու) տրվում է 3 միլիոն դրամի չափով աջակցություն։ Աջակցության գումարի չափը որոշվել է՝ վերլուծելով 2023թ․ անշարժ գույքի շուկայում արված առուվաճառքի գործարքների վիճակագրությունը։ՀՀ ներքին գործերի նախարարության միգրացիայի և քաղաքացիության ծառայության տվյալներով՝ 2023 թվականի սեպտեմբերից հետո Արցախից 115 365 մարդ է բռնի տեղահանվել։ Վերջին տվյլաներով` ՀՀ քաղաքացիություն է ստացել Արցախից բռնի տեղահանված 34 576 անձ։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, նիկոլ փաշինյան, արսեն թորոսյան, արցախցի
հայաստան, նիկոլ փաշինյան, արսեն թորոսյան, արցախցի
Արցախցիների բնակարանային ծրագիրը կփոխվի. Փաշինյանը հորդորում է քանդել բոխչաները
11:54 26.03.2026 (Թարմացված է: 13:36 26.03.2026) ՀՀ աշխատանքի և սոցիալական հարցերի նախարար Արսեն Թորոսյանը նշեց, որ երեկվա դրությամբ ԼՂ–ից բռնի տեղահանված 5 232 անձի տրվել է սերտիֆիկատ, որից իրացվել է 2 336–ը։
ԵՐԵՎԱՆ, 26 մարտի – Sputnik. Արցախից բռնի տեղահանված ընտանիքների բնակարանային ապահովման պետական աջակցության ծրագրով նախատեսված աջակցության չափերը կվերանայվեն։ Համապատասխան որոշումն ընդունվեց ՀՀ կառավարության այսօրվա նիստի ժամանակ։
ՀՀ աշխատանքի և սոցիալական հարցերի նախարար Արսեն Թորոսյանը նշեց, որ ընդլայնել են 4 մլն դրամ սահմանաչափով բնակավայրերի ցանկը, որոնք 611–ն են, և այդ ցանկը ավելացրել են 150 բնակավայրով։
«Խոսքը վերաբերում է Երևանին սահմանակից համայնքներին, նախկինում այս համայնքներում շահառուները կարող էին ստանալ միայն 3 մլն դրամի փոխհատուցում։ Արդյունքում Երևանը կմնա 3 մլն դրամի աջակցության սահմանում, մերձակա համայնքները` 4 մլն դրամի։ Այդ համայնքներն են` Աշտարակ, Արտաշատ, Մասիս, Փարաքար, Աբովյան, Նայիրի, Նոր Հաճն, Գառնի, Ջրվեժ։ Որոշ սահմանամերձ համայնքներ կշարունակեն մնալ 5 մլն դրամի աջակցության սահմաններում»,– նշեց նախարարը։
Թորոսյանի տվյալներով` 150 բնակավայր ունեցող երևանամերձ այս համայնքներում ապրում է ԼՂ–ից բռնի տեղահանված մոտ 25 հազար մարդ։
Բացի այդ, նոր ծրագրի նոր փոփոխություններով առաջարկվում է ընտանիքի անդամ դիտարկել մինչև 2026 թ. դեկտեմբերի 31–ը ներառյալ ծնված երեխաներին` անկախ նրանից, թե ընտանիքի անդամները երբ են ներկայացրել առցանց դիմում–հայտարարություն և ստացել հավաստագիր։
Փոփոխվել է նաև հիփոթեքային վարկի մարման աջակցությունը։ Այժմ, ըստ նախարարի, այս աջակցությունից կարող են օգտվել նաև այն շահառուները, որոնք անշարժ գույքի ձեռքբերման կամ անհատական տան կառուցման համար 2025 թ. հուլիսի 1–ի դրությամբ ստացել են ոչ թե հիփոթեքային վարկ, այլ այդ վարկի վերաֆինանսավորման նպատակով նրանց տրամադրվել է անշարժ գույքի գրավով սպառողական վարկ։
Թորոսյանը նաև ներկայացրեց վիճակագրական վերջին տվյալները, ըստ որի` երեկվա դրությամբ տրվել է 5 232 սերտիֆիկատ, որից իրացվել է 2 336–ը (կա՛մ ձեռք են բերել տուն, կա՛մ կառուցում են)։
Այս համատեքստում ՀՀ վարչապետ Նիկոլ Փաշինյանը կրկին անդրադարձավ խաղաղության, արցախցիների վերադարձի և տարածաշրջանային սպառնալիքների թեմաներին։
«Երբ տարիներ առաջ ասում էինք, որ մեր նավը պետք է հասնի խաղաղ նավահանգստի, մենք հիմա այն հասցրել ենք նավահանգստի, ուղղակի մեզ` այդ նավի ուղևորներիս, պետք է խաղաղվել։ Իսկ դա նշանակում է տնավորվել, բոխչաները քանդել և դասավորել պահարաններում, այսինքն` անցնել մշտական բնակության ռեժիմի։ Հակառակ դեպքում` եթե մեր տարածաշրջանում վերադարձի այդ օրակարգի թափանիվը պտտեցինք, տարածաշրջանից մեծ կտոր ականջն է մնալու»,– հայտարարեց նա։
Հիշեցնենք՝ Արցախից բռնի տեղահանված ընտանիքների բնակարանային ապահովման պետական աջակցության ծրագիրը մեկնարկել է 2024թ․ հունիսին։ 242 բնակավայրերում տուն ձեռք բերելու դեպքում 1 անձի հաշվով տրվում է 5 մլն դրամ աջակցություն, 142 բնակավայրում՝ 4 մլն դրամ։ Մնացած բնակավայրերում, այդ թվում՝ Երևանում (բացառությամբ՝ 1-ին և 2-րդ գոտու) տրվում է 3 միլիոն դրամի չափով աջակցություն։ Աջակցության գումարի չափը որոշվել է՝ վերլուծելով 2023թ․ անշարժ գույքի շուկայում արված առուվաճառքի գործարքների վիճակագրությունը։
ՀՀ ներքին գործերի նախարարության միգրացիայի և քաղաքացիության ծառայության տվյալներով՝ 2023 թվականի սեպտեմբերից հետո Արցախից 115 365 մարդ է բռնի տեղահանվել։
Վերջին տվյլաներով` ՀՀ քաղաքացիություն է ստացել Արցախից բռնի տեղահանված 34 576 անձ։
