https://arm.sputniknews.ru/20260317/tufapat-majtery-karvogh-en-chdimanal-tshartarapety-erevani-amirjan-pvoghvoci-veranvorvogman-masin-99945882.html
Տուֆապատ մայթերը կարող են չդիմանալ. ճարտարապետը` Երևանի Ամիրյան փողոցի վերանորոգման մասին
Տուֆապատ մայթերը կարող են չդիմանալ. ճարտարապետը` Երևանի Ամիրյան փողոցի վերանորոգման մասին
Sputnik Արմենիա
Պետրոսյանի խոսքով` մայթերը չպետք է լինեն չափազանց արտահայտիչ, որպեսզի չխաթարեն քաղաքի ճարտարապետական միջավայրը։ 17.03.2026, Sputnik Արմենիա
2026-03-17T21:51+0400
2026-03-17T21:51+0400
2026-03-17T22:15+0400
ճարտարապետ
երևան
մայթ
վերանորոգում
բազալտ
քար
տուֆ
փողոց
https://cdn.am.sputniknews.ru/img/07e4/08/0c/24085796_0:0:1600:901_1920x0_80_0_0_40c00f8d5657e13b71f2814e1fb21269.jpg
ԵՐԵՎԱՆ, 17 մարտի – Sputnik. Երևանում տուֆապատ մայթերի կիրառումը նոր երևույթ չէ։ Այս մասին Sputnik Արմենիայի հետ զրույցում ասաց ճարտարապետ Սարհատ Պետրոսյանը` անդրադառնալով Երևանի քաղաքապետարանի նախաձեռնած մայթերի բարեկարգման ու տուֆապատման աշխատանքներին։Նրա խոսքով` դեռևս անցյալ դարի առաջին կեսին քաղաքում նման լուծումներ եղել են, սակայն օգտագործվող նյութը էապես տարբերվել է ներկայիս տարբերակներից։Ճարտարապետը կարևորեց օգտագործվող տուֆի տեսակը։ Նրա գնահատմամբ՝ Երևանում ավանդաբար կիրառված մուգ դարչնագույն կամ սև տուֆը զգալիորեն ավելի դիմացկուն է, քան այսօր օգտագործվող որոշ տեսակներ։«Ներկայում հաճախ օգտագործվում է ավելի բաց գույնի՝ Անիի դարչնագույն տուֆը, որը տեսողական առումով գրավիչ է, սակայն կարող է զիջել դիմացկունությամբ»,– ընդգծեց նա։Էլեկտրական ինքնագլորները պատուհաս են դարձել Երևանի հետիոտների համարՊետրոսյանը դժվարացավ գնահատել, թե որքանով է Ամիրյան փողոցի նոր լուծումը ներդաշնակ լինելու շրջակա միջավայրին` հատկապես Հանրապետության հրապարակին։ Ճարտարապետը ներկայացրեց ընդհանուր սկզբունքը` նշելով, որ մայթերը չպետք է լինեն չափազանց արտահայտիչ, որպեսզի չխաթարեն քաղաքի ճարտարապետական միջավայրը։Ճարտարապետի կարծիքով` քաղաքային իշխանությունը որոշ ժամանակ անց ստիպված է լինելու կրկին փոխել մայթերը։ Նա չհերքեց` հատկապես եկեղեցիներում ակտիվ օգտագործվում է տուֆի հատակը, սակայն կրկին նշեց, որ մշակման առանձնահատկություններով ու հաստությամբ տարբեր են։Հիշեցնենք, որ Երևանի Ամիրյան փողոցում իրականացվում են սալիկների քանդման աշխատանքներ։ Բարեկարգման աշխատանքներն իրականացվելու են 3 փուլով` Ամիրյանի սկզբից մինչև Զաքյան փողոց, այնուհետև Մաշտոցի պողոտա, ապա Մաշտոցի պողոտայից մինչև Սարյան փողոց։ Ամիրյան փողոցի վերանորոգումը նախատեսվում է ավարտել մինչև ապրիլի վերջ։
երևան
մայթ
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ճարտարապետ, երևան, մայթ, վերանորոգում, բազալտ, քար, տուֆ, փողոց
ճարտարապետ, երևան, մայթ, վերանորոգում, բազալտ, քար, տուֆ, փողոց
Տուֆապատ մայթերը կարող են չդիմանալ. ճարտարապետը` Երևանի Ամիրյան փողոցի վերանորոգման մասին
21:51 17.03.2026 (Թարմացված է: 22:15 17.03.2026) Պետրոսյանի խոսքով` մայթերը չպետք է լինեն չափազանց արտահայտիչ, որպեսզի չխաթարեն քաղաքի ճարտարապետական միջավայրը։
ԵՐԵՎԱՆ, 17 մարտի – Sputnik. Երևանում տուֆապատ մայթերի կիրառումը նոր երևույթ չէ։ Այս մասին
Sputnik Արմենիայի հետ զրույցում ասաց ճարտարապետ Սարհատ Պետրոսյանը` անդրադառնալով Երևանի քաղաքապետարանի նախաձեռնած մայթերի բարեկարգման ու տուֆապատման աշխատանքներին։
Նրա խոսքով` դեռևս անցյալ դարի առաջին կեսին քաղաքում նման լուծումներ եղել են, սակայն օգտագործվող նյութը էապես տարբերվել է ներկայիս տարբերակներից։
«Երևանում մինչև 30-40-ական թվականները մենք ունեցել ենք բազմաթիվ մայթեր, որոնք տուֆապատ են եղել, բայց այնտեղի տուֆի քարերը եղել են 5-6 սանտիմետր հաստությամբ և շատ ավելի մեծ կտորներով։ Այդ քարերը զգալիորեն մեծ չափերի էին՝ երբեմն հասնելով 30–40 սանտիմետր լայնության, ինչը մի քանի անգամ գերազանցում է ներկայում կիրառվող սալիկների չափերը։ Նախկինում օգտագործված տուֆի հաստ և մեծ չափերն են ապահովել դրա դիմացկունությունը»,– ասաց նա։
Ճարտարապետը կարևորեց օգտագործվող տուֆի տեսակը։ Նրա գնահատմամբ՝ Երևանում ավանդաբար կիրառված մուգ դարչնագույն կամ սև տուֆը զգալիորեն ավելի դիմացկուն է, քան այսօր օգտագործվող որոշ տեսակներ։
«Ներկայում հաճախ օգտագործվում է ավելի բաց գույնի՝ Անիի դարչնագույն տուֆը, որը տեսողական առումով գրավիչ է, սակայն կարող է զիջել դիմացկունությամբ»,– ընդգծեց նա։
Պետրոսյանը դժվարացավ գնահատել, թե որքանով է Ամիրյան փողոցի նոր լուծումը ներդաշնակ լինելու շրջակա միջավայրին` հատկապես Հանրապետության հրապարակին։ Ճարտարապետը ներկայացրեց ընդհանուր սկզբունքը` նշելով, որ մայթերը չպետք է լինեն չափազանց արտահայտիչ, որպեսզի չխաթարեն քաղաքի ճարտարապետական միջավայրը։
«Կարծում եմ՝ դրանք պետք է լինեն ավելի պասիվ գույնի։ Հայկական իրականությունում առավել նպատակահարմար է բազալտի օգտագործումը։ Ներկայում կիրառվող տուֆի սալիկները կարող են խնդիրներ առաջացնել շահագործման ընթացքում՝ հատկապես դրանց փոքր չափերի և բարակ լինելու պատճառով»,– ավելացրեց Պետրոսյանը։
Ճարտարապետի կարծիքով` քաղաքային իշխանությունը որոշ ժամանակ անց ստիպված է լինելու կրկին փոխել մայթերը։ Նա չհերքեց` հատկապես եկեղեցիներում ակտիվ օգտագործվում է տուֆի հատակը, սակայն կրկին նշեց, որ մշակման առանձնահատկություններով ու հաստությամբ տարբեր են։
Հիշեցնենք, որ Երևանի Ամիրյան փողոցում իրականացվում են սալիկների քանդման աշխատանքներ։
Բարեկարգման աշխատանքներն իրականացվելու են 3 փուլով` Ամիրյանի սկզբից մինչև Զաքյան փողոց, այնուհետև Մաշտոցի պողոտա, ապա Մաշտոցի պողոտայից մինչև Սարյան փողոց։ Ամիրյան փողոցի վերանորոգումը նախատեսվում է ավարտել մինչև ապրիլի վերջ։
