https://arm.sputniknews.ru/20260314/nkarich-benqsii-inqnutjuny-bacahajtvel-e-99837926.html
Հանրահայտ նկարիչ Բենքսիի ինքնությունը բացահայտվել է
Հանրահայտ նկարիչ Բենքսիի ինքնությունը բացահայտվել է
Sputnik Արմենիա
Սթրիթ-արտի հայտնի նկարիչը երկար տարիներ ստեղծագործում է անանուն, ինչը նրա շուրջ խորհրդավորության քող է ստեղծել։ Հաճախ երգիծական բնույթի իր աշխատանքները նա... 14.03.2026, Sputnik Արմենիա
2026-03-14T10:42+0400
2026-03-14T10:42+0400
2026-03-14T10:44+0400
նկարիչ
բենքսի
ամն
https://cdn.am.sputniknews.ru/img/07ea/03/0e/99836266_0:71:3072:1799_1920x0_80_0_0_489120ff02d0795e216b62fb7098397f.jpg
ԵՐԵՎԱՆ, 14 մարտի – Sputnik. Բենքսի կեղծանվան հետևում թաքնվում է Բրիստոլում ծնված նկարիչ Ռոբին Գանինգհեմը, որի անունը հիմա Դևիդ Ջոնս է։ Այս մասին հայտնել են «Reuters» գործակալության լրագրողները՝ ամփոփելով մի քանի տարի տևած հետաքննության արդյունքները։Նշվում է, որ նկարչին «մատնել են» ուկրաինացիները. գործակալությունն օգտագործել է 2022 թվականին Ուկրաինա կատարած նրա այցի մասին հանրային տեղեկությունը։Հետաքննության մեջ նշվում է, որ Բենքսիի անունը ճիշտ էր բացահայտվել դեռևս 2008 թվականին։ Դա արել էր բրիտանական «The Mail on Sunday»–ը։ Լրատվամիջոցի լրագրողներն այն ժամանակ հայտնել էին, որ իրենց մեկ տարի տևած հետաքննությունը «փողոցային նկարչի ինքնության բացահայտմանը մոտեցել է» այնքան, որքան առհասարակ հնարավոր է։«Reuters»-ի հետաքննության համաձայն` Ռոբին Գանինգհեմը ենթադրաբար փոխել է անունը «The Mail on Sunday»-ի` 2008 թվականի հոդվածից հետո՝ անձի գաղտնիության նպատակով։«Reuters»-ի լրագրողները զրուցել են մեծ թվով մարդկանց հետ, վերլուծել են տարբեր փաստաթղթեր և Բենքսիի «թվային հետքերը»։ Գլխավոր տեղեկություններից մեկը եղել է նկարչի ձերբակալությունը 2000 թվականին։ Նյու Յորքի ոստիկանությունը նրան բերման էր ենթարկել Հադսոն սթրիթ 675 հասցեում գտնվող գովազդային վահանակի վրա գրաֆիտի անելու համար։ «Reuters»-ը գրում է, որ այն ժամանակ մեղքը խոստովանել էր Ռոբին Գանինգհեմը։ Նկարչի անունը բազմիցս հիշատակվում է ձերբակալության հետ կապված դատական և ոստիկանական փաստաթղթերում։
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նկարիչ, բենքսի, ամն
Հանրահայտ նկարիչ Բենքսիի ինքնությունը բացահայտվել է
10:42 14.03.2026 (Թարմացված է: 10:44 14.03.2026) Սթրիթ-արտի հայտնի նկարիչը երկար տարիներ ստեղծագործում է անանուն, ինչը նրա շուրջ խորհրդավորության քող է ստեղծել։ Հաճախ երգիծական բնույթի իր աշխատանքները նա ստեղծում է հանրային վայրերում և միաժամանակ աննկատ է մնում։
ԵՐԵՎԱՆ, 14 մարտի – Sputnik. Բենքսի կեղծանվան հետևում թաքնվում է Բրիստոլում ծնված նկարիչ Ռոբին Գանինգհեմը, որի անունը հիմա Դևիդ Ջոնս է։ Այս մասին հայտնել են «Reuters» գործակալության լրագրողները՝ ամփոփելով մի քանի տարի տևած հետաքննության արդյունքները։
Նշվում է, որ նկարչին «մատնել են» ուկրաինացիները. գործակալությունն օգտագործել է 2022 թվականին Ուկրաինա կատարած նրա այցի մասին հանրային տեղեկությունը։
Հետաքննության մեջ նշվում է, որ Բենքսիի անունը ճիշտ էր բացահայտվել դեռևս 2008 թվականին։ Դա արել էր բրիտանական «The Mail on Sunday»–ը։ Լրատվամիջոցի լրագրողներն այն ժամանակ հայտնել էին, որ իրենց մեկ տարի տևած հետաքննությունը «փողոցային նկարչի ինքնության բացահայտմանը մոտեցել է» այնքան, որքան առհասարակ հնարավոր է։
«Reuters»-ի հետաքննության համաձայն` Ռոբին Գանինգհեմը ենթադրաբար փոխել է անունը «The Mail on Sunday»-ի` 2008 թվականի հոդվածից հետո՝ անձի գաղտնիության նպատակով։
«Ռոբին Գանինգհեմ գոյություն չունի։ Ձեր տված անունը ես սպանել եմ շատ տարիներ առաջ»,- հետաքննության ժամանակ գործակալությանն ասել է Բենքսիի նախկին մենեջեր Սթիվ Լազարիդեսը։
«Reuters»-ի լրագրողները զրուցել են մեծ թվով մարդկանց հետ, վերլուծել են տարբեր փաստաթղթեր և Բենքսիի «թվային հետքերը»։ Գլխավոր տեղեկություններից մեկը եղել է նկարչի ձերբակալությունը 2000 թվականին։ Նյու Յորքի ոստիկանությունը նրան բերման էր ենթարկել Հադսոն սթրիթ 675 հասցեում գտնվող գովազդային վահանակի վրա գրաֆիտի անելու համար։ «Reuters»-ը գրում է, որ այն ժամանակ մեղքը խոստովանել էր Ռոբին Գանինգհեմը։ Նկարչի անունը բազմիցս հիշատակվում է ձերբակալության հետ կապված դատական և ոստիկանական փաստաթղթերում։
