https://arm.sputniknews.ru/20260311/hajastan-zbvosashrjikneri-hvosqy-2026-tvakanin-karvogh-e-hasnel-3-milivoni-99732440.html
Հայաստան զբոսաշրջիկների հոսքը 2026 թվականին կարող է հասնել 3 միլիոնի
Հայաստան զբոսաշրջիկների հոսքը 2026 թվականին կարող է հասնել 3 միլիոնի
Sputnik Արմենիա
Ռուսաստանցի զբոսաշրջիկները կայուն հետաքրքրություն են ցուցաբերում Հայաստանի նկատմամբ՝ որպես մշակութային, գաստրոնոմիական և քաղաքային զբոսաշրջության ուղղություն։ 11.03.2026, Sputnik Արմենիա
2026-03-11T18:23+0400
2026-03-11T18:23+0400
2026-03-11T18:27+0400
զբոսաշրջիկ
զբոսաշրջություն
հայաստան
ռուսաստան
https://cdn.am.sputniknews.ru/img/744/20/7442022_0:84:1601:984_1920x0_80_0_0_e7619a2cf46a9ffbbeb9631f94f3e187.jpg
ԵՐԵՎԱՆ, 11 մարտի - Sputnik. 2026 թվականին ակնկալվում է, որ դեպի Հայաստան զբոսաշրջային հոսքը կավելանա՝ հասնելով մինչև 3 միլիոնի։ Այս մասին Մոսկվայի զբոսաշրջության և հյուրընկալության ինդուստրիայի 32-րդ միջազգային «MITT-2026» ցուցահանդեսի շրջանակում Sputnik Արմենիային ասաց Հայաստանի զբոսաշրջության կոմիտեի մարքեթինգի մասնագետ Լուսինե Բասմաչյանը։Մոսկվայի «Կրոկուս Էքսպո» միջազգային ցուցահանդեսային կենտրոնում այսօր բացվել է «MITT-2026» ցուցահանդեսը: Մինչև մարտի 13-ը միջոցառման մասնակիցները և այցելուները կարող են հանդիպել համաշխարհային զբոսաշրջային ասոցիացիաների ներկայացուցիչների, ոլորտը կարգավորողների հետ, գտնել նոր հաճախորդներ և գործընկերներ, ինչպես նաև բիզնես ծրագրի եզակի միջոցառումներում տեղեկանալ արդյունաբերության միտումների մասին:Նրա խոսքով՝ 2025 թվականին ՌԴ-ն Հայաստանի համար զբոսաշրջային խոշորագույն շուկաներից մեկն էր։ Վիճակագրության տվյալներով՝ միայն 2026 թվականի հունվար և փետրվար ամիսներին Ռուսաստանից Հայաստան է այցելել 116 197 զբոսաշրջիկ։ Այս ցուցանիշը հաստատում է ռուսաստանցի զբոսաշրջիկների կայուն հետաքրքրությունը Հայաստանի նկատմամբ՝ որպես մշակութային, գաստրոնոմիական և քաղաքային զբոսաշրջության ուղղություն։ Ռուսաստանը ավանդաբար առաջատար դիրք է զբաղեցնում մեր երկիր ներգնա զբոսաշրջիկների քանակով։Մեր զրուցակիցը հույս հայտնեց, որ Ռուսաստանից զբոսաշրջային հոսքը կշարունակի աճել։«Զբոսաշրջություն և հանգիստ» անվանակարգով2018-19 թվականների ցուցահանդեսների Համառուսաստանյան վարկանիշում MITT-ը Ռուսաստանի ամենամեծ զբոսաշրջային ցուցահանդեսն է: Այն միջազգային բիզնես հարթակ է աշխարհի տարբեր երկրների, տարածաշրջանների և տուրիստական ընկերությունների համար, որոնք ներկայացնում են իրենց ապրանքներն ու ծառայությունները Ռուսաստանի շուկայում: Ցուցահանդեսը կոչված է նպաստելու Ռուսաստանի տարածաշրջանային զբոսաշրջության շուկայի զարգացմանը և միջազգային համագործակցության ամրապնդմանը, ստեղծելու միասնական հաղորդակցական բիզնես տարածք ամբողջ աշխարհի զբոսաշրջության ոլորտի մասնագետների համար:Ցուցահանդեսը ճանաչված է միջազգային զբոսաշրջային հանրության կողմից և աշխարհի խոշորագույն զբոսաշրջային ցուցահանդեսների հնգյակում է:
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
զբոսաշրջիկ, զբոսաշրջություն , հայաստան, ռուսաստան
զբոսաշրջիկ, զբոսաշրջություն , հայաստան, ռուսաստան
Հայաստան զբոսաշրջիկների հոսքը 2026 թվականին կարող է հասնել 3 միլիոնի
18:23 11.03.2026 (Թարմացված է: 18:27 11.03.2026) Ռուսաստանցի զբոսաշրջիկները կայուն հետաքրքրություն են ցուցաբերում Հայաստանի նկատմամբ՝ որպես մշակութային, գաստրոնոմիական և քաղաքային զբոսաշրջության ուղղություն։
ԵՐԵՎԱՆ, 11 մարտի - Sputnik. 2026 թվականին ակնկալվում է, որ դեպի Հայաստան զբոսաշրջային հոսքը կավելանա՝ հասնելով մինչև 3 միլիոնի։ Այս մասին Մոսկվայի զբոսաշրջության և հյուրընկալության ինդուստրիայի 32-րդ միջազգային «MITT-2026» ցուցահանդեսի շրջանակում Sputnik Արմենիային ասաց Հայաստանի զբոսաշրջության կոմիտեի մարքեթինգի մասնագետ Լուսինե Բասմաչյանը։
Մոսկվայի «Կրոկուս Էքսպո» միջազգային ցուցահանդեսային կենտրոնում այսօր բացվել է «MITT-2026» ցուցահանդեսը: Մինչև մարտի 13-ը միջոցառման մասնակիցները և այցելուները կարող են հանդիպել համաշխարհային զբոսաշրջային ասոցիացիաների ներկայացուցիչների, ոլորտը կարգավորողների հետ, գտնել նոր հաճախորդներ և գործընկերներ, ինչպես նաև բիզնես ծրագրի եզակի միջոցառումներում տեղեկանալ արդյունաբերության միտումների մասին:
«2025 թվականին Հայաստանի զբոսաշրջային ընդհանուր հոսքը կազմել է 2 մլն 300 հազար մարդ։ 2026 թվականին ակնկալում ենք, որ այն կհասնի 3 միլիոնի։ Այդ թվում Ռուսաստանից զբոսաշրջիկների տեսակարար կշիռը կազմում է 40%։ Ռուսաստանը մեզ համար թիրախային շուկա է։ Ռուսաստանցիների շրջանում առավել տարածված ուղղություններն են Երևանը, Սևանը, Արենին (գինու քարանձավների պատճառով) և Դիլիջանը»,- նշեց Բասմաչյանը։
Նրա խոսքով՝ 2025 թվականին ՌԴ-ն Հայաստանի համար զբոսաշրջային խոշորագույն շուկաներից մեկն էր։ Վիճակագրության տվյալներով՝ միայն 2026 թվականի հունվար և փետրվար ամիսներին Ռուսաստանից Հայաստան է այցելել 116 197 զբոսաշրջիկ։ Այս ցուցանիշը հաստատում է ռուսաստանցի զբոսաշրջիկների կայուն հետաքրքրությունը Հայաստանի նկատմամբ՝ որպես մշակութային, գաստրոնոմիական և քաղաքային զբոսաշրջության ուղղություն։ Ռուսաստանը ավանդաբար առաջատար դիրք է զբաղեցնում մեր երկիր ներգնա զբոսաշրջիկների քանակով։
Մեր զրուցակիցը հույս հայտնեց, որ Ռուսաստանից զբոսաշրջային հոսքը կշարունակի աճել։
«Զբոսաշրջություն և հանգիստ» անվանակարգով2018-19 թվականների ցուցահանդեսների Համառուսաստանյան վարկանիշում MITT-ը Ռուսաստանի ամենամեծ զբոսաշրջային ցուցահանդեսն է: Այն միջազգային բիզնես հարթակ է աշխարհի տարբեր երկրների, տարածաշրջանների և տուրիստական ընկերությունների համար, որոնք ներկայացնում են իրենց ապրանքներն ու ծառայությունները Ռուսաստանի շուկայում: Ցուցահանդեսը կոչված է նպաստելու Ռուսաստանի տարածաշրջանային զբոսաշրջության շուկայի զարգացմանը և միջազգային համագործակցության ամրապնդմանը, ստեղծելու միասնական հաղորդակցական բիզնես տարածք ամբողջ աշխարհի զբոսաշրջության ոլորտի մասնագետների համար:
Ցուցահանդեսը ճանաչված է միջազգային զբոսաշրջային հանրության կողմից և աշխարհի խոշորագույն զբոսաշրջային ցուցահանդեսների հնգյակում է:
