https://arm.sputniknews.ru/20260303/papvojany-dimel-e-iravapahnerin-vracakan-sahmany-kasharqvov-hatelu-ahazangeri-harcvov-99403838.html
Պապոյանը դիմել է իրավապահներին վրացական սահմանը կաշառքով հատելու ահազանգերի հարցով
Պապոյանը դիմել է իրավապահներին վրացական սահմանը կաշառքով հատելու ահազանգերի հարցով
Sputnik Արմենիա
Գևորգ Պապոյանի խոսքով` Հայաստան–Վրաստան միջկառավարական նիստում վաղը կքննարկեն նաև հայ տնտեսավորղների համար վրացական սահմանի խնդիրները։ 03.03.2026, Sputnik Արմենիա
2026-03-03T12:58+0400
2026-03-03T12:58+0400
2026-03-03T13:12+0400
գևորգ պապոյան
վրաստանի հանրապետություն
բեռնափոխադրում
https://cdn.am.sputniknews.ru/img/07e9/0b/15/96108697_0:0:1049:591_1920x0_80_0_0_6ea69a17317e6cb4c9a5f715853a6888.jpg
ԵՐԵՎԱՆ, 3 մարտի - Sputnik. ՀՀ էկոնոմիկայի նախարար Գևորգ Պապոյանը դիմել է իրավապահներին հայ-վրացական սահմանը կաշառքով հատելու վերաբերյալ բողոքների հարցով։Այսօր ԱԺ–ում հայտարարեց նախարարը` պատասխանելով ընդդիմադիր «Հայաստան» խմբակցության պատգամավոր Գառնիկ Դանիելյանի հարցին։Դանիելյանը հետաքրքրվել էր, թե դեռ որքա՞ն ժամանակ պետք է հայ տնտեսվարողները` բեռնափոխադրողները, վրացական սահման անցնեն կաշառքով։Ի պատասխան Դանիելյանն արձագանքեց, որ թե՛ ինքը, թե՛ նախարարը գիտեն, որ իրականում այդ խնդիրը կա։«Բազմաթիվ տեսանյութեր կան, կոնկրետ անձանց դեմքերն ու անուններն էլ կան, տնտեսվարողներն էլ կան»,– շարունակեց Դանիելյանը։Ընդդիմադիր պատգամավորն առաջարկեց հանդիպում կազմակերպել այդ տնտեսվարողների հետ։Նախարարն էլ արձագանքեց ասելով, թե տնտեսվարողները հաճախ են գալիս Էկոնոմիկայի նախարարություն, և այդ հանդիպումների ընթացքում խնդիրները կարգավորում են։ Նրա խոսքով` իրավական հարցերի համար իրենց նախարարություն պետք է չգան, այլ պետք է դիմեն իրավապահներին։ Միևնույն ժամանակ նշեց, որ վաղը Թբիլիսիում կայանալիք Միջկառավարական նիստին բոլոր հարցերը կքննարկվեն։Ավելի վաղ հայտնել էինք, որ հայ տարբեր արտահանողների ավելի քան 100 բեռնատար, որոնք հիմնականում բեռնված են շինանյութերով, մնացել են Վրաստանի տարածքում։ Փոխադրողներն ավելի վաղ Sputnik Արմենիային ասել էին, որ խնդիրը ծագել է փետրվարի 12-ին. բեռնատարները կանգնեցվել են Կոբի քաղաքի տերմինալում (TIR-պարկ), որը գտնվում է «Վերին Լարս» անցակետի մոտ (Կազբեգ): Վարորդները պնդում էին, որ փաստաթղթերի հետ կապված խնդիրներ չեն ունեցել. ձգձգման պատճառների հստակ բացատրություն վրացական կողմն իրենց չի տրամադրել:
վրաստանի հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գևորգ պապոյան, վրաստանի հանրապետություն, բեռնափոխադրում
գևորգ պապոյան, վրաստանի հանրապետություն, բեռնափոխադրում
Պապոյանը դիմել է իրավապահներին վրացական սահմանը կաշառքով հատելու ահազանգերի հարցով
12:58 03.03.2026 (Թարմացված է: 13:12 03.03.2026) Գևորգ Պապոյանի խոսքով` Հայաստան–Վրաստան միջկառավարական նիստում վաղը կքննարկեն նաև հայ տնտեսավորղների համար վրացական սահմանի խնդիրները։
ԵՐԵՎԱՆ, 3 մարտի - Sputnik. ՀՀ էկոնոմիկայի նախարար Գևորգ Պապոյանը դիմել է իրավապահներին հայ-վրացական սահմանը կաշառքով հատելու վերաբերյալ բողոքների հարցով։
Այսօր ԱԺ–ում հայտարարեց նախարարը` պատասխանելով ընդդիմադիր «Հայաստան» խմբակցության պատգամավոր Գառնիկ Դանիելյանի հարցին։
Դանիելյանը հետաքրքրվել էր, թե դեռ որքա՞ն ժամանակ պետք է հայ տնտեսվարողները` բեռնափոխադրողները, վրացական սահման անցնեն կաշառքով։
«Մարդ չի եղել, որ գա ասի՝ էդպիսի բան է եղել։ Հրապարակային հայտարարություններ են եղել, իմ ֆեյսբուքյան էջի մեկնաբանություններում էլ հարյուրավոր մարդիկ նման բան են գրել։ Դիմել եմ իրավապահներին, նրանք դիմել են այդ մեկնաբանություն արած մարդկանց, բայց չի գտնվել մեկ հոգի, որ գնա ասի` ես հաստատում եմ իմ գրածը։ Չգիտեմ՝ այդ լուրը ճի՞շտ է, թե՞ սխալ, բայց ես գիտեմ, որ ՀՀ–ում չի գտնվել մի հոգի, որ գնա ու հաստատի»,– ասաց Պապոյանը։
Ի պատասխան Դանիելյանն արձագանքեց, որ թե՛ ինքը, թե՛ նախարարը գիտեն, որ իրականում այդ խնդիրը կա։
«Բազմաթիվ տեսանյութեր կան, կոնկրետ անձանց դեմքերն ու անուններն էլ կան, տնտեսվարողներն էլ կան»,– շարունակեց Դանիելյանը։
Ընդդիմադիր պատգամավորն առաջարկեց հանդիպում կազմակերպել այդ տնտեսվարողների հետ։
«Ես այդ մարդկանց ձեռքից բռնած կբերեմ ձեզ մոտ։ Պետք չէ, որ մենք այդ խնդիրները շրջանցենք։ Շատ անգամ մարդիկ հրաժարվում են, քանի որ գիտեն, որ իրենց կարող են ֆիքսել, ու իրենք շատ ավելի լուրջ խնդիրների առաջ կարող են կանգնել։ Այսինքն` պետությունն իր պարտականությունները կատարելու փոխարեն այդ պարտականությունը դնում է խեղճ ու կրակ մարդկանց վրա»,– ասաց Գառնիկ Դանիելյանը։
Նախարարն էլ արձագանքեց ասելով, թե տնտեսվարողները հաճախ են գալիս Էկոնոմիկայի նախարարություն, և այդ հանդիպումների ընթացքում խնդիրները կարգավորում են։ Նրա խոսքով` իրավական հարցերի համար իրենց նախարարություն պետք է չգան, այլ պետք է դիմեն իրավապահներին։ Միևնույն ժամանակ նշեց, որ վաղը Թբիլիսիում կայանալիք Միջկառավարական նիստին բոլոր հարցերը կքննարկվեն։
Ավելի վաղ հայտնել էինք, որ հայ տարբեր արտահանողների ավելի քան 100 բեռնատար, որոնք հիմնականում բեռնված են շինանյութերով, մնացել են Վրաստանի տարածքում։ Փոխադրողներն ավելի վաղ Sputnik Արմենիային ասել էին, որ խնդիրը ծագել է փետրվարի 12-ին. բեռնատարները կանգնեցվել են Կոբի քաղաքի տերմինալում (TIR-պարկ), որը գտնվում է «Վերին Լարս» անցակետի մոտ (Կազբեգ): Վարորդները պնդում էին, որ փաստաթղթերի հետ կապված խնդիրներ չեն ունեցել. ձգձգման պատճառների հստակ բացատրություն վրացական կողմն իրենց չի տրամադրել:
