https://arm.sputniknews.ru/20260303/israjeli-banaky-hajtararel-e-vor-avartel-e-iranum-razmakan-tirakhnerin-harvatsnery-99431912.html
Իսրայելի բանակը հայտարարել է, որ ավարտել է Իրանում ռազմական թիրախներին հարվածները
Իսրայելի բանակը հայտարարել է, որ ավարտել է Իրանում ռազմական թիրախներին հարվածները
Sputnik Արմենիա
Նշվում է, որ հարվածները հասցվել են Թեհրանում, Սպահանում և Իրանի կենտրոնական հատվածում։ 03.03.2026, Sputnik Արմենիա
2026-03-03T20:25+0400
2026-03-03T20:25+0400
2026-03-03T20:34+0400
իսրայել
ցախալ
իրանի իսլամական հանրապետություն
https://cdn.am.sputniknews.ru/img/07e8/07/1f/78940390_0:167:1600:1067_1920x0_80_0_0_dc9a0bc628c8c135ab4113901985a81b.jpg
ԵՐԵՎԱՆ, 3 մարտի - Sputnik. Իսրայելի պաշտպանության բանակը (ՑԱԽԱԼ) ավարտել է Իրանում ռազմական թիրախների ուղղությամբ հարվածների շարքը՝ գրոհելով զենքի և բալիստիկ հրթիռների արտադրության օբյեկտները։ Այս մասին հայտնում է բանակի մամուլի ծառայությունը։Փետրվարի 28–ին ԱՄՆ-ն և Իսրայելը լայնամասշտաբ ռազմական գործողություն են սկսել ԻԻՀ-ի դեմ։ Թել Ավիվում հայտարարել են, որ հարվածների նպատակն է թույլ չտալ Թեհրանին միջուկային զենք ունենալ։ Թրամփն իր հերթին հայտարարել է իրանական նավատորմը և պաշտպանական արդյունաբերությունը ոչնչացնելու մտադրության մասին, ինչպես նաև երկրի քաղաքացիներին կոչ է արել տապալել վարչակարգը։Փետրվարի 29–ին իրանական հեռուստատեսությունը հայտարարեց գերագույն առաջնորդ Ալի Խամենեիի մահվան մասին։ Իրանական «Կարմիր մահիկի» տվյալներով՝ Միացյալ Նահանգների և Իսրայելի հարձակումների զոհ է դարձել առնվազն 787 մարդ։Ըստ ԶԼՄ-ների հաղորդումների՝ հրթիռները դիպչում են ոչ միայն ռազմական օբյեկտներին, այլև քաղաքացիական ենթակառուցվածքներին ինչպես Իրանում, այնպես էլ տարածաշրջանի այլ երկրներում։ Թեհրանն ի պատասխան գրոհում է իսրայելական տարածքը, ինչպես նաև Մերձավոր Արևելքում գտնվող ամերիկյան բազաները։Վլադիմիր Պուտինը նշել է, որ ԱՄՆ-ի և Իսրայելի ագրեսիան ոչնչացրել է իրանական միջուկային ծրագրի շուրջ բանակցությունների առաջընթացը։ Նախագահը կողմերին կոչ է արել վերադառնալ երկխոսությանը։ Նրա խոսքով՝ Մոսկվան հնարավոր ամեն ինչ կանի տարածաշրջանում իրավիճակի կայունացման համար։
իսրայել
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իսրայել, ցախալ, իրանի իսլամական հանրապետություն
իսրայել, ցախալ, իրանի իսլամական հանրապետություն
Իսրայելի բանակը հայտարարել է, որ ավարտել է Իրանում ռազմական թիրախներին հարվածները
20:25 03.03.2026 (Թարմացված է: 20:34 03.03.2026) Նշվում է, որ հարվածները հասցվել են Թեհրանում, Սպահանում և Իրանի կենտրոնական հատվածում։
ԵՐԵՎԱՆ, 3 մարտի - Sputnik. Իսրայելի պաշտպանության բանակը (ՑԱԽԱԼ) ավարտել է Իրանում ռազմական թիրախների ուղղությամբ հարվածների շարքը՝ գրոհելով զենքի և բալիստիկ հրթիռների արտադրության օբյեկտները։ Այս մասին հայտնում է բանակի մամուլի ծառայությունը։
«Որոշ ժամանակ առաջ իսրայելական ՌՕՈւ-ն, առաջնորդվելով ճշգրիտ հետախուզական տվյալներով, հարվածներ է հասցնել իրանական վարչակարգին պատկանող թիրախներին Թեհրանում և Իրանի կենտրոնական մասում՝ Սպահանում։ Իրանի ողջ տարածքում հասցված հարվածների ընթացքում ՑԱԽԱԼ-ի ուժերը գրոհել են արդյունաբերական օբյեկտները, որոնք իրանական վարչակարգն օգտագործում է զենքի, մասնավորապես՝ բալիստիկ հրթիռների արտադրության համար, որոնք սպառնալիք են ներկայացնում Իսրայել Պետության գոյության համար»,-ասված է հաղորդագրության մեջ։
Փետրվարի 28–ին ԱՄՆ-ն և Իսրայելը լայնամասշտաբ ռազմական գործողություն են սկսել ԻԻՀ-ի դեմ։ Թել Ավիվում հայտարարել են, որ հարվածների նպատակն է թույլ չտալ Թեհրանին միջուկային զենք ունենալ։ Թրամփն իր հերթին հայտարարել է իրանական նավատորմը և պաշտպանական արդյունաբերությունը ոչնչացնելու մտադրության մասին, ինչպես նաև երկրի քաղաքացիներին կոչ է արել տապալել վարչակարգը։
Փետրվարի 29–ին իրանական հեռուստատեսությունը հայտարարեց գերագույն առաջնորդ Ալի Խամենեիի մահվան մասին։ Իրանական «Կարմիր մահիկի» տվյալներով՝ Միացյալ Նահանգների և Իսրայելի հարձակումների զոհ է դարձել առնվազն 787 մարդ։
Ըստ ԶԼՄ-ների հաղորդումների՝ հրթիռները դիպչում են ոչ միայն ռազմական օբյեկտներին, այլև քաղաքացիական ենթակառուցվածքներին ինչպես Իրանում, այնպես էլ տարածաշրջանի այլ երկրներում։ Թեհրանն ի պատասխան գրոհում է իսրայելական տարածքը, ինչպես նաև Մերձավոր Արևելքում գտնվող ամերիկյան բազաները։
Վլադիմիր Պուտինը նշել է, որ ԱՄՆ-ի և Իսրայելի ագրեսիան ոչնչացրել է իրանական միջուկային ծրագրի շուրջ բանակցությունների առաջընթացը։ Նախագահը կողմերին կոչ է արել վերադառնալ երկխոսությանը։ Նրա խոսքով՝ Մոսկվան հնարավոր ամեն ինչ կանի տարածաշրջանում իրավիճակի կայունացման համար։
