https://arm.sputniknews.ru/20260226/kubaji-aperi-mvot-diversantneri-navakic-zinanvoc-e-argravvel-manramasner-99222028.html
Կուբայի ափերի մոտ դիվերսանտների նավակից զինանոց է առգրավվել. մանրամասներ
Կուբայի ափերի մոտ դիվերսանտների նավակից զինանոց է առգրավվել. մանրամասներ
Sputnik Արմենիա
Պարզվել է բոլոր վեց ձերբակալվածների և չորս զոհերից մեկի ինքնությունը։ 26.02.2026, Sputnik Արմենիա
2026-02-26T10:22+0400
2026-02-26T10:22+0400
2026-02-26T10:22+0400
կուբայի հանրապետություն
ամն
նավակ
https://cdn.am.sputniknews.ru/img/254/22/2542278_0:160:3075:1890_1920x0_80_0_0_72dfd8016eb6b76510a2ecabb059e024.jpg
ԵՐԵՎԱՆ, 26 փետրվարի – Sputnik. Ֆլորիդայում գրանցված ու Կուբայի ափերի մոտ տեղի ունեցած հրաձգության հետևանքով վնասազերծված մոտորանավակից զինանոց է առգրավվել։ Այս մասին հայտնում է ՌԻԱ Նովոստին՝ հղում անելով Կուբայի ներքին գործերի նախարարությանը։Ավելի վաղ հաղորդվել էր, որ ԱՄՆ դրոշի ներքո նավարկող նավը մտել է Կուբայի ջրերը և կրակ է բացել։ Կուբացի սահմանապահները պատասխան կրակով ոչնչացրել են նավի վրա գտնվող չորս հոգու։Գերատեսչությունից նշել են, որ Կուբայի սահմանապահ ստորաբաժանման վրա զինված հարձակումից հետո ձերբակալվածները ԱՄՆ–ում բնակվող կուբացիներ են։Պարզվել է բոլոր վեց ձերբակալվածների և չորս զոհերից մեկի ինքնությունը։«Նրանց մեծ մասը քրեական անցյալ ունի, այդ թվում՝ Ամիխայիլ Սանչես Գոնսալեսը և Լեորդան Էնրիկե Կրուս Գոմեսը, որոնք գտնվում են Կուբայի իշխանությունների կողմից որոնման մեջ ու ներառված են քրեական հետաքննության ենթակա անձանց և կազմակերպությունների ազգային ցուցակում` կապված ազգային տարածքում կամ այլ երկրներում ահաբեկչական գործողություններ կատարելու նպատակով ներգրավված լինելու հետ», – ասվում է նախարարության հաղորդագրության մեջ։Նախարարությունը նաև հայտնել է, որ ԱՄՆ-ից նավով ժամանած և կուբացի սահմանապահների հետ բախված զինված խմբի հանցակիցը ձերբակալվել է Կուբայի տարածքում։Մեկնաբանելով միջադեպը՝ ԱՄՆ պետքարտուղար Մարկո Ռուբիոն հայտարարել է, որ երկրի իշխանությունները Կուբայից տեղեկություններ են ստացել նավակի միջադեպի մասին և ստուգում են այն։«Շատ տեղեկություններ են ստացվում կուբացիներից։ Մենք անկախ կերպով կստուգենք այս տեղեկատվությունը և մեր եզրակացությունները կանենք», – լրագրողներին ասել է Ռուբիոն։ԱՄՆ պետքարտուղարը չի նշել ԱՄՆ-ի հավանական գործողությունները Կուբայի ափերի մոտ նավակի միջադեպի առնչությամբ՝ այն «չափազանց անսովոր» որակելով։
կուբայի հանրապետություն
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կուբայի հանրապետություն, ամն, նավակ
կուբայի հանրապետություն, ամն, նավակ
Կուբայի ափերի մոտ դիվերսանտների նավակից զինանոց է առգրավվել. մանրամասներ
Պարզվել է բոլոր վեց ձերբակալվածների և չորս զոհերից մեկի ինքնությունը։
ԵՐԵՎԱՆ, 26 փետրվարի – Sputnik. Ֆլորիդայում գրանցված ու Կուբայի ափերի մոտ տեղի ունեցած հրաձգության հետևանքով վնասազերծված մոտորանավակից զինանոց է առգրավվել։ Այս մասին հայտնում է
ՌԻԱ Նովոստին՝ հղում անելով Կուբայի ներքին գործերի նախարարությանը։
Ավելի վաղ հաղորդվել էր, որ ԱՄՆ դրոշի ներքո նավարկող
նավը մտել է Կուբայի ջրերը և կրակ է բացել։ Կուբացի սահմանապահները պատասխան կրակով ոչնչացրել են նավի վրա գտնվող չորս հոգու։
«Առգրավվել են գրոհային հրացաններ, կարճափող զենք, ինքնաշեն պայթուցիկ սարքեր («Մոլոտովի կոկտեյլներ»), զրահաբաճկոններ, հեռադիտակի նշանոցներ և քողարկման համազգեստներ», – ասվում է ՆԳՆ հաղորդագրության մեջ։
Գերատեսչությունից նշել են, որ Կուբայի սահմանապահ ստորաբաժանման վրա զինված հարձակումից հետո ձերբակալվածները ԱՄՆ–ում բնակվող կուբացիներ են։
Պարզվել է բոլոր վեց ձերբակալվածների և չորս զոհերից մեկի ինքնությունը։
«Նրանց մեծ մասը քրեական անցյալ ունի, այդ թվում՝ Ամիխայիլ Սանչես Գոնսալեսը և Լեորդան Էնրիկե Կրուս Գոմեսը, որոնք գտնվում են Կուբայի իշխանությունների կողմից որոնման մեջ ու ներառված են քրեական հետաքննության ենթակա անձանց և կազմակերպությունների ազգային ցուցակում` կապված ազգային տարածքում կամ այլ երկրներում ահաբեկչական գործողություններ կատարելու նպատակով ներգրավված լինելու հետ», – ասվում է նախարարության հաղորդագրության մեջ։
Նախարարությունը նաև հայտնել է, որ ԱՄՆ-ից նավով ժամանած և կուբացի սահմանապահների հետ բախված զինված խմբի հանցակիցը ձերբակալվել է Կուբայի տարածքում։
«Ազգային տարածքում ձերբակալվել է քաղաքացի Դունիել Էրնանդես Սանտոսը, որն ուղարկվել էրԱՄՆ-ից զինված ներթափանցման ընդունումն ապահովելու համար, որը խոստովանել է իր գործողությունները», – ասվում է հայտարարության մեջ։
Մեկնաբանելով միջադեպը՝ ԱՄՆ պետքարտուղար Մարկո Ռուբիոն հայտարարել է, որ երկրի իշխանությունները Կուբայից տեղեկություններ են ստացել նավակի միջադեպի մասին և ստուգում են այն։
«Շատ տեղեկություններ են ստացվում կուբացիներից։ Մենք անկախ կերպով կստուգենք այս տեղեկատվությունը և մեր եզրակացությունները կանենք», – լրագրողներին ասել է Ռուբիոն։
ԱՄՆ պետքարտուղարը չի նշել ԱՄՆ-ի հավանական գործողությունները Կուբայի ափերի մոտ նավակի միջադեպի առնչությամբ՝ այն «չափազանց անսովոր» որակելով։
