https://arm.sputniknews.ru/20260213/pashinjann-arajarkum-e-vor-rdn-vatshari-hhi-erkatughu-karavarman-iravunqy-barekam-erkri-98800236.html

Փաշինյանն առաջարկում է, որ ՌԴ–ն վաճառի ՀՀ–ի երկաթուղու կառավարման իրավունքը բարեկամ երկրի

Փաշինյանն առաջարկում է, որ ՌԴ–ն վաճառի ՀՀ–ի երկաթուղու կառավարման իրավունքը բարեկամ երկրի

Sputnik Արմենիա

Փաշինյանի պատկերացրած լուծումն այն է, որ մի այնպիսի երկիր, որը բարեկամական հարաբերություններ ունի և՛ Ռուսաստանի, և՛ Հայաստանի հետ, ուղղակի ՌԴ–ից գնի կոնսենցիոն... 13.02.2026, Sputnik Արմենիա

2026-02-13T21:36+0400

2026-02-13T21:36+0400

2026-02-13T21:36+0400

նիկոլ փաշինյան

երկաթուղի

հարավկովկասյան երկաթուղի (հկե)

հայաստան

ռուսաստան

թրամփի ուղի (tripp)

https://cdn.am.sputniknews.ru/img/07e9/07/12/91480650_0:129:1600:1029_1920x0_80_0_0_9e9519cd170cbd1589c5320040e6a9d6.jpg

ԵՐԵՎԱՆ, 13 փետրվարի – Sputnik. Ռուսաստանի կողմից երկաթուղու կառավարման առումով մեր ռազմավարական դիրքերի և մրցակցային առավելության կորուստ ենք ունենում։ Այդ մասին ՔՊ–ում քվեարկությունից հետո ճեպազրույցի ժամանակ ասաց ՀՀ վարչապետ Նիկոլ Փաշինյանը` անդրադառնալով «Թրամփի ուղու» շրջանակում երկաթուղու գործարկմանը և դրա որոշ հատվածների` Ռուսաստանի կողմից վերականգնմանը։Նրա խոսքով` կան ուժեր, որոնք ասում են` այնպես պետք է անել, որ Մեղրիից հետո, երբ երկաթգիծը մտնում է Նախիջևան, դրանից հետո շրջանցի Հայաստանը։Նա նշեց, որ Ռուսաստանի և շատ երկրների հարաբերություններ այսօր բավականին սրված են, և ՀՀ իշխանություններն ամեն անգամ բացատրում են` թեև երկաթուղին ՌԴ կառավարման ներքո է, սակայն Հայաստանի սեփականությունն է։«Ռուսաստանը, մեր համոզմամբ, որևէ ձևով չի ցանկանում ու գործնականում որևէ կերպ չի խոչընդոտի մեր տարածաշրջանային նախագծերին: Այս մասին ես ՌԴ նախագահի հետ էլ եմ խոսել, և ես գիտեմ, որ նա աջակից է բոլոր այս ծրագրերին։ Ուղղակի խնդիրն այն է, որ մի շարք երկրներում ավելի ծանրակշիռ է դառնում այն կարծիքը, որ Նախիջևանից հետո չպետք է Հայաստանով շարունակել, քանի որ երկաթուղին գտնվում է ՌԴ կառավարման ներքո։ Հիմա ես ասում եմ, ու այս տեղեկատվությունը պետք է թափանցիկ կիսենք Ռուսաստանի մեր գործընկերների հետ, որ մենք տեսնում ենք, որ նրանք, որոնք ասում են` պետք է Հայաստանը շրջանցել, նրանց թիվը մեծանում է։ Մենք հիմա նման իրավիճակի առաջ ենք հայտնվել»,– ընդգծեց ՀՀ վարչապետը։Նրա վստահեցմամբ` ՀՀ իշխանությունները ՌԴ–ի դեմ որևէ բան անելու որևէ ցանկություն կամ մտադրություն ոչ ունեցել են, ոչ էլ ունեն, սակայն հիմա երկաթուղու` ՌԴ կողմից կառավարման առումով Հայաստանը ռազմավարական դիրքերի կորուստ է ունենում։Թե որ երկրի մասին է խոսքը, նա չորոշակիացրեց և նաև անպատասխան թողեց լրագրողի դիտարկումը` արդյոք դա կարո՞ղ է լինել Իրանը` միայն նշելով. «Օրինակ` Ղազախստանը, ԱՄԷ–ն, Կատարը կամ որևէ այլ երկիր, որը հիմա իմ մտքով չանցավ, որոնք նույնքան ջերմ հարաբերություններ ունեն և՛ Հայաստանի, և՛ Ռուսաստանի հետ։ Ես գոնե այդպիսի երեք երկիր գիտեմ»։Լրագրողի ճշտող այն հարցին` արդյոք Ռուսաստանի դեմ ընդդիմացող այդ երկրները Թուրքիան և Ադրբեջա՞նն են, Փաշինյանն այլ կերպ պատասխանեց. «Չեմ կարող ասել. կան ներդրումային հետաքրքրություններ ունեցողներ, որոնք մտածում են` որտեղ արժե փող դնել»։Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:

2026

Լուրեր

am_HY

նիկոլ փաշինյան, երկաթուղի, հարավկովկասյան երկաթուղի (հկե), հայաստան, ռուսաստան, թրամփի ուղի (tripp)