https://arm.sputniknews.ru/20260212/katvoghikvosi-heracman-harkadranqy-sparnaliq-e-ashkharhi-bvolvor-hajeri-hamar-spjurqi-gvortsichner-98749770.html
Կաթողիկոսի հեռացման հարկադրանքը սպառնալիք է աշխարհի բոլոր հայերի համար․ սփյուռքի գործիչներ
Կաթողիկոսի հեռացման հարկադրանքը սպառնալիք է աշխարհի բոլոր հայերի համար․ սփյուռքի գործիչներ
Sputnik Արմենիա
Սփյուռքի ներկայացուցիչները կոչով դիմել են ՀՀ իշխանությանը, Հայաստանյայց առաքելական սուրբ եկեղեցուն և բոլոր սփյուռքահայերին։ 12.02.2026, Sputnik Արմենիա
2026-02-12T20:52+0400
2026-02-12T20:52+0400
2026-02-12T20:53+0400
հայաստան
սփյուռք
հայ առաքելական եկեղեցի
նուբար աֆեյան
հայեր
https://cdn.am.sputniknews.ru/img/07ea/02/0a/98660379_0:116:1200:791_1920x0_80_0_0_51d20da73e33ba37957d1be609a769fd.jpg
ԵՐԵՎԱՆ, 12 փետրվարի – Sputnik. Եկեղեցու ղեկավարության վրա հետևողական հարձակումներն ուղղակի սպառնալիք են աշխարհի բոլոր հայերի համար, որոնք ապավինում են եկեղեցուն` հոգևոր սնուցման համար։ Այս մասին ասված է սփյուռքահայ հայտնի գործիչներ Նուբար Աֆեյանի, Էնթոնի Բարսամյանի, Լորդ Արա Դարզիի, Էրիկ Էսրայելյանի, Վաչե Գաբրաշի, Վաչե Մանուկյանի, Ջոզեֆ Ուղուրլյանի և Պերճ Սեդրակյանի համատեղ հայտարարության մեջ։Հայկական սփյուռքի ներկայացուցիչները հիշեցրել են հայոց պատմությունը` որտեղից է սերում հայ ժողովուրդը, ինչերի միջով է անցել դարերի ընթացքում, բայց այդ ամենի հետ մեկտեղ երբևէ չի կոտրվել ու, չնայած բազմաթիվ հալածանքներին, շարունակել է հայ առաքելական եկեղեցու հետևորդ մնալ։ Հիշեցրել են նաև, որ երբ Հայոց ցեղասպանությունից հետո հայերը ցրվեցին աշխարհով մեկ, որպես մխիթարության և մեր հայրենիքի հետ կապի աղբյուր սփյուռք դարձած հայերը դիմեցին եկեղեցուն:Նրանք կոչ են անում, որ եկեղեցական կառավարման հետ կապված բոլոր հարցերը լուծվեն եկեղեցու կառավարման մարմինների միջոցով, որոնք գործում են 18 դար՝ Հայ առաքելական եկեղեցու ուսմունքի և ավանդույթների համաձայն:Սփյուռքահայ հայտնի գործիչները կոչով դիմել են նաև ՀՀ կառավարությանը և եկեղեցուն՝ հորդորելով լուծել բոլոր տարաձայնությունները՝ հարգելով եկեղեցու ինքնակառավարման կանոնները, հարգելով քաղաքական գործունեության և եկեղեցու առաքելության բաժանումը և պաշտպանելով սփյուռքի հայերի իրավունքը՝ դավանելու իրենց հավատքը առանց կառավարության կողմից քաղաքական միջամտության ազդեցության:Նրանք ընդգծել են՝ Հայոց ցեղասպանության զոհերի սերունդների համար բոլոր հայերին ոչնչացնելու ձախողված առաքելության մասին հիշողությունը և իրենց հետագա վերածննդի ճանապարհը ընթացիկ իրադարձությունները դարձնում են հատկապես ցավոտ և սպառնալից:Նրանց խոսքով` ժամանակն է հանգստացնել այս ներքին ճգնաժամը, որպեսզի հայոց պետությունը, հայոց եկեղեցին և հայկական սփյուռքը կարողանան առաջ շարժվել դեպի խաղաղության և բարգավաճման նոր դարաշրջան:«Մենք կոչ ենք անում սփյուռքի բոլոր հայերին բարձրացնել իրենց հավաքական ձայները և պահանջել իրենց իրավունքի իրացումը՝ դավանելու իրենց կրոնը քաղաքական միջամտությունից ազատ ինքնաբարեփոխվող եկեղեցում»,– եզրափակել են սփյուռքահայ գործիչները։Հիշեցնենք` տևական ժամանակ է` ՀՀ իշխանությունը արշավ է սկսել եկեղեցու ու հատկապես կաթողիկոսի դեմ։ 2026 թ–ի հունվարի 4-ին ՀՀ վարչապետ Նիկոլ Փաշինյանն ու կաթողիկոսի հեռացումը պահանջող 10 եպիսկոպոսները հայտարարեցին Հայ առաքելական եկեղեցու «բարենորոգման» մեկնարկի մասին ու հրապարակեցին այսպես կոչված իրենց «ճանապարհային քարտեզը»։ 10 եպիսկոպոսների ու Փաշինյանի ստորագրած փաստաթղթով ստեղծվում է համակարգող խորհուրդ, որը պետք է զբաղվի Հայ առաքելական եկեղեցու «բարեփոխման» կազմակերպչական հարցերով։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, սփյուռք, հայ առաքելական եկեղեցի, նուբար աֆեյան, հայեր
հայաստան, սփյուռք, հայ առաքելական եկեղեցի, նուբար աֆեյան, հայեր
Կաթողիկոսի հեռացման հարկադրանքը սպառնալիք է աշխարհի բոլոր հայերի համար․ սփյուռքի գործիչներ
20:52 12.02.2026 (Թարմացված է: 20:53 12.02.2026) Սփյուռքի ներկայացուցիչները կոչով դիմել են ՀՀ իշխանությանը, Հայաստանյայց առաքելական սուրբ եկեղեցուն և բոլոր սփյուռքահայերին։
ԵՐԵՎԱՆ, 12 փետրվարի – Sputnik. Եկեղեցու ղեկավարության վրա հետևողական հարձակումներն ուղղակի սպառնալիք են աշխարհի բոլոր հայերի համար, որոնք ապավինում են եկեղեցուն` հոգևոր սնուցման համար։ Այս մասին ասված է սփյուռքահայ հայտնի գործիչներ Նուբար Աֆեյանի, Էնթոնի Բարսամյանի, Լորդ Արա Դարզիի, Էրիկ Էսրայելյանի, Վաչե Գաբրաշի, Վաչե Մանուկյանի, Ջոզեֆ Ուղուրլյանի և Պերճ Սեդրակյանի համատեղ հայտարարության մեջ։
Հայկական սփյուռքի ներկայացուցիչները հիշեցրել են հայոց պատմությունը` որտեղից է սերում հայ ժողովուրդը, ինչերի միջով է անցել դարերի ընթացքում, բայց այդ ամենի հետ մեկտեղ երբևէ չի կոտրվել ու, չնայած բազմաթիվ հալածանքներին, շարունակել է հայ առաքելական եկեղեցու հետևորդ մնալ։ Հիշեցրել են նաև, որ երբ Հայոց ցեղասպանությունից հետո հայերը ցրվեցին աշխարհով մեկ, որպես մխիթարության և մեր հայրենիքի հետ կապի աղբյուր սփյուռք դարձած հայերը դիմեցին եկեղեցուն:
«Ուր էլ բնակվեինք, հայկական համայնքները հայտնի էին եկեղեցիների և դպրոցների կառուցմամբ՝ պահպանելու համար հավատն ու էթնիկ ժառանգությունը, որը մեզ հալածողները փորձել էին ոչնչացնել: Եկեղեցու ղեկավարության վրա հետեւողական հարձակումները և նրա առաջնորդի հարկադրական հեռացման սպառնալիքները ուղղակի սպառնալիք են աշխարհի բոլոր հայերի համար, որոնք ապավինում են եկեղեցուն` հոգևոր սնուցման համար»,- ասված է հայտարարությունում։
Նրանք կոչ են անում, որ եկեղեցական կառավարման հետ կապված բոլոր հարցերը լուծվեն եկեղեցու կառավարման մարմինների միջոցով, որոնք գործում են 18 դար՝ Հայ առաքելական եկեղեցու ուսմունքի և ավանդույթների համաձայն:
Սփյուռքահայ հայտնի գործիչները կոչով դիմել են նաև ՀՀ կառավարությանը և եկեղեցուն՝ հորդորելով լուծել բոլոր տարաձայնությունները՝ հարգելով եկեղեցու ինքնակառավարման կանոնները, հարգելով քաղաքական գործունեության և եկեղեցու առաքելության բաժանումը և պաշտպանելով սփյուռքի հայերի իրավունքը՝ դավանելու իրենց հավատքը առանց կառավարության կողմից քաղաքական միջամտության ազդեցության:
Նրանք ընդգծել են՝ Հայոց ցեղասպանության զոհերի սերունդների համար բոլոր հայերին ոչնչացնելու ձախողված առաքելության մասին հիշողությունը և իրենց հետագա վերածննդի ճանապարհը ընթացիկ իրադարձությունները դարձնում են հատկապես ցավոտ և սպառնալից:
«Եկեղեցին է, որ օգնել է բնակչությանը վերապրել և վերածնվել Ցեղասպանությունից հետո, նույն եկեղեցին է, որ անհրաժեշտ է աշխարհասփյուռ ազգի բարգավաճման համար: ՀՀ կառավարության մոտեցումը վտանգում է կտրել իր հարաբերությունները սփյուռքի հետ: Հայաստանը կանգնած է իր պատմության կարևոր խաչմերուկում: Հայաստանում եկեղեցու և պետության միջև ներքին բաժանումները չպետք է ավելի թուլացնեն աշխարհասփյուռ հայ ազգին»,- նշել են սփյուռքի ներկայացուցիչները:
Նրանց խոսքով` ժամանակն է հանգստացնել այս ներքին ճգնաժամը, որպեսզի հայոց պետությունը, հայոց եկեղեցին և հայկական սփյուռքը կարողանան առաջ շարժվել դեպի խաղաղության և բարգավաճման նոր դարաշրջան:
«Մենք կոչ ենք անում սփյուռքի բոլոր հայերին բարձրացնել իրենց հավաքական ձայները և պահանջել իրենց իրավունքի իրացումը՝ դավանելու իրենց կրոնը քաղաքական միջամտությունից ազատ ինքնաբարեփոխվող եկեղեցում»,– եզրափակել են սփյուռքահայ գործիչները։
Հիշեցնենք` տևական ժամանակ է` ՀՀ իշխանությունը արշավ է սկսել եկեղեցու ու հատկապես
կաթողիկոսի դեմ։ 2026 թ–ի հունվարի 4-ին ՀՀ վարչապետ Նիկոլ Փաշինյանն ու կաթողիկոսի հեռացումը պահանջող 10 եպիսկոպոսները
հայտարարեցին Հայ առաքելական եկեղեցու «բարենորոգման» մեկնարկի մասին ու հրապարակեցին այսպես կոչված իրենց «ճանապարհային քարտեզը»։ 10 եպիսկոպոսների ու Փաշինյանի ստորագրած փաստաթղթով ստեղծվում է համակարգող խորհուրդ, որը պետք է զբաղվի Հայ առաքելական եկեղեցու «բարեփոխման» կազմակերպչական հարցերով։
