Հայաստանի ճանապարհները ժամանակ առ ժամանակ փակվում են. ո՞ր հատվածներում է ձյուն գալիս
© Sputnik / Armine Aleksanyan
Բաժանորդագրվել
Գնդեվազ-Ջերմուկ ավտոճանապարհը փակ է բոլոր տրանսպորտային միջոցների համար։
ԵՐԵՎԱՆ, 11 փետրվարի – Sputnik. ՀՀ միջպետական և հանրապետական նշանակության բոլոր ավտոճանապարհներն այս պահինը բաց են: Տեղեկությունը հայտնում է Ճանապարհային դեպարտամենտը։
«Եղանակային անբարենպաստ պայմանների պատճառով, սաստիկ բքի, տեսանելիության բացակայության պայմաններում և երթևեկության անվտանգության նկատառումներից ելնելով՝ ճանապարհները ժամանակ առ ժամանակ փակվում են»,– ասված է հաղորդագրությունում։
Տիգրանաշեն-Զանգակատուն, Ջերմուկի խաչմերուկից մինչև Կապան և Ջուջևան-Ոսկեպար-Բաղանիս ավտոճանապարհները, Մեղրիի և Վարդենյաց լեռնանցքները փակ են կցորդիչով տրանսպորտային միջոցների համար։
Մ-3-ի՝ Ապարանով անցնող հատվածը և Սպիտակի ոլորանները դժվարանցանելի են կցորդիչով տրանսպորտային միջոցների համար։
Գնդեվազ-Ջերմուկ ավտոճանապարհը փակ է բոլոր տրանսպորտային միջոցների համար։
Աբովյանի, Հրազդանի, Սևանի, Գավառի, Մարտունիի, Ճամբարակի, Դիլիջանի, Իջևանի, Նոյեմբերյանի, Տաշիրի, Աշտարակի, Ապարանի, Արագածի, Սպիտակի, Վանաձորի, Ստեփանավանի, Արարատի, Եղեգնաձորի, Վայքի, Սիսիանի, Գորիսի, Կապանի, Մեղրիի, Թալինի, Անիի, Արթիկի, Ախուրյանի, Աշոցքի, Էջմիածնի, Բաղրամյանի տարածաշրջաններում ձյուն է գալիս։
