https://arm.sputniknews.ru/20260210/tuluzum-pghtsel-en-hajvoc-ceghaspanutjan-zvoheri-hishatakin-nvirvats-hushardzany-98668647.html

Թուլուզում պղծել են Հայոց ցեղասպանության զոհերի հիշատակին նվիրված հուշարձանը

Թուլուզում պղծել են Հայոց ցեղասպանության զոհերի հիշատակին նվիրված հուշարձանը

Sputnik Արմենիա

Խաչքարի հետևի հատվածում թողած ստորագրությունն ակնհայտորեն պատկանում է թուրքական ծայրահեղական «Գորշ գայլեր» խմբավորմանը: 10.02.2026, Sputnik Արմենիա

2026-02-10T18:52+0400

2026-02-10T18:52+0400

2026-02-10T18:55+0400

ֆրանսիա

հայոց ցեղասպանություն

խաչքար

վանդալիզմ

https://cdn.am.sputniknews.ru/img/07ea/02/0a/98663177_0:503:675:883_1920x0_80_0_0_5924acbbea56a420cba0ff63aec8fe6f.jpg

ԵՐԵՎԱՆ, 10 փետրվարի – Sputnik. Ֆրանսիայի Թուլուզ քաղաքում պղծել են Հայոց ցեղասպանության զոհերի հիշատակին նվիրված հուշարձանը։ Այս մասին X-ում հայտնել է ֆրանսաբնակ քուրդ ակտիվիստ Էլիս Էլվան Չելիքը։«Սա «հիմար քայլ» չէ, այլ լուրջ ոտնձգություն»,– գրել է նա։Չելիքի խոսքով` քաղաքապետարանի լռությունն անթույլատրելի է, մեղավորները պետք է բացահայտվեն և պատժվեն:Նա նաև նշել է, որ խաչքարի հետևի հատվածում թողած ստորագրությունն ակնհայտորեն պատկանում է թուրքական ծայրահեղական «Գորշ գայլեր» խմբավորմանը: Չելիքն ընդգծել է` անհասկանալի է, թե ինչու քաղաքապետարանն ու պետությունը չեն վերացնում «Գորշ գայլերի» կազմակերպությունները, ինչպիսին OTÜKEN-ն է:Հիշեցնենք` խաչքար-հուշարձանը, որը գտնվում է դ’Արմենի հրապարակում (Հայաստանի հրապարակ), նվիրված է 1915 թվականին զոհված 1,5 միլիոն հայերի հիշատակին։Հուշարձանը, որը տեղադրվել է 1993 թվականին, Հայաստանի կողմից փոխանցվել է Թուլուզ քաղաքին՝ ի նշան երախտագիտության 1988 թվականի երկրաշարժից հետո ցուցաբերված աջակցության համար։ Ավելի ուշ՝ 2015 թվականին, Հայոց ցեղասպանության 100-րդ տարելիցի կապակցությամբ հուշարձանին ավելացվել է հուշատախտակ։Այս վայրը հիշատակի խորհրդանիշ է և արտացոլում է ինչպես Ֆրանսիայի կողմից Հայոց ցեղասպանության ճանաչումը, այնպես էլ երկրում հայկական համայնքի բազմամյա ներկայությունը։

ֆրանսիա

2026

Լուրեր

am_HY

ֆրանսիա, հայոց ցեղասպանություն, խաչքար, վանդալիզմ