https://arm.sputniknews.ru/20260129/bazmafunkcivonal-kentrvon-karucelu-hamar-erevani-qaghaqapetarany-kotari-paskevichi-blury-98196966.html
Բազմաֆունկցիոնալ կենտրոն կառուցելու համար Երևանի քաղաքապետարանը կօտարի «Պասկևիչի բլուրը»
Բազմաֆունկցիոնալ կենտրոն կառուցելու համար Երևանի քաղաքապետարանը կօտարի «Պասկևիչի բլուրը»
Sputnik Արմենիա
«Պասկևիչի բլուրը» ժամանակին նախատեսվել էր ռուս-հայկական հուշահամալիրի կառուցման համար։ 29.01.2026, Sputnik Արմենիա
2026-01-29T11:15+0400
2026-01-29T11:15+0400
2026-01-29T11:15+0400
երևան
հհ կառավարություն
իվան պասկևիչ
շինարարություն
https://cdn.am.sputniknews.ru/img/07e7/02/15/55680382_58:66:941:563_1920x0_80_0_0_e5ad7b22bcd08aaa40bf1c9371411949.jpg
ԵՐԵՎԱՆ, 29 հունվարի – Sputnik. Բազմաֆունկցիոնալ կենտրոն կառուցելու համար Երևանի քաղաքապետարանը կօտարի և հանրության գերակա շահ կճանաչի Կենտրոն վարչական շրջանի Նորագյուղ թաղամասի «Պասկևիչի բլուրը» և հարակից տարածքները։ Համապատասխան որոշումն ընդունվեց ՀՀ կառավարության այսօրվա նիստի ժամանակ։Նշվում է, որ այս որոշումն ընդունել է Երևանի ավագանին 2024 թ. սեպտեմբերին:Ըստ այդ որոշման` Երևանի գլխավոր հատակագծով Երևանի կենտրոնի հարավ-արևմտյան տարածքում (մոտ 81 հա) Հրազդան կիրճի եզրով և Ծովակալ Իսակովի պողոտայով՝ Երևանյան լճից դեպի Հաղթանակի կամուրջ «Պասկևիչի բլուրի» և դրա հարակից մասում նախատեսվում է կառուցել բազմաֆունկցիոնալ` բնակելի, գործարար, դիվանագիտական և մշակութային միջազգային կենտրոն, բնակելի և համաքաղաքային նշանակության հանգստի գոտի:Քաղաքաշինական այս ծրագիրն իրականացնելու առաջարկ են ներկայացրել «ԴԻԹԻ ՔՈՆՍԹՐԱՔՇՆ» և «ԴԻԹԻ ԴԵՎԵԼՈՓՄԵՆԹ» ՓԲԸ–ները: Պետության անունից պայմանագիրը կկնքի Երևանի քաղաքապետ Տիգրան Ավինյանը:Նշվում է, որ կստեղծվեն նոր ճանապարհային ցանց, ստորգետնյա ավտոկայանատեղիներ, կանաչապատ տարածքներ, հիմնովին կնորացվեն ինժեներատեխնիկական ենթակառուցվածքները:Ի դեպ, «Պասկևիչի բլուրը» ժամանակին նախատեսվել էր ռուս-հայկական հուշահամալիրի կառուցման համար, սակայն ներկայումս, ըստ Երևանի քաղաքապետարանի ներկայացրած հիմնավորման` տարածքի զգալի մասը հիմնականում օգտագործվում է գյուղատնտեսական, մասնավորապես՝ այգեգործության նպատակներով, և մնացած մասը զբաղեցնում են անհատական բնակելի տները:Հիշեցնենք, որ գեներալ Պասկևիչը 1826-28 թթ.-ի ռուս-պարսկական պատերազմի ռուսական զորքերի հրամանատարներից մեկն է, 1828 թ.-ին Արևելյան Հայաստանի և Երևանի բերդի ազատագրման գլխավոր դերակատարը: Մասնակցել է նաև 1828-29 թվականների ռուս-թուրքական պատերազմին, իսկ ավելի վաղ՝ 1812-14 թվականներին, Հայրենական պատերազմին և Փարիզի գրավմանը։Պասկևիչի բլրին նշվել է Երևանի բերդի՝ պարսկական լծից ազատագրման տարեդարձը
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
երևան, հհ կառավարություն, իվան պասկևիչ, շինարարություն
երևան, հհ կառավարություն, իվան պասկևիչ, շինարարություն
Բազմաֆունկցիոնալ կենտրոն կառուցելու համար Երևանի քաղաքապետարանը կօտարի «Պասկևիչի բլուրը»
«Պասկևիչի բլուրը» ժամանակին նախատեսվել էր ռուս-հայկական հուշահամալիրի կառուցման համար։
ԵՐԵՎԱՆ, 29 հունվարի – Sputnik. Բազմաֆունկցիոնալ կենտրոն կառուցելու համար Երևանի քաղաքապետարանը կօտարի և հանրության գերակա շահ կճանաչի Կենտրոն վարչական շրջանի Նորագյուղ թաղամասի «Պասկևիչի բլուրը» և հարակից տարածքները։ Համապատասխան որոշումն ընդունվեց ՀՀ կառավարության այսօրվա նիստի ժամանակ։
Նշվում է, որ այս որոշումն ընդունել է Երևանի ավագանին 2024 թ. սեպտեմբերին:
Ըստ այդ որոշման` Երևանի գլխավոր հատակագծով Երևանի կենտրոնի հարավ-արևմտյան տարածքում (մոտ 81 հա) Հրազդան կիրճի եզրով և Ծովակալ Իսակովի պողոտայով՝ Երևանյան լճից դեպի Հաղթանակի կամուրջ «Պասկևիչի բլուրի» և դրա հարակից մասում նախատեսվում է կառուցել բազմաֆունկցիոնալ` բնակելի, գործարար, դիվանագիտական և մշակութային միջազգային կենտրոն, բնակելի և համաքաղաքային նշանակության հանգստի գոտի:
Քաղաքաշինական այս ծրագիրն իրականացնելու առաջարկ են ներկայացրել «ԴԻԹԻ ՔՈՆՍԹՐԱՔՇՆ» և «ԴԻԹԻ ԴԵՎԵԼՈՓՄԵՆԹ» ՓԲԸ–ները: Պետության անունից պայմանագիրը կկնքի Երևանի քաղաքապետ Տիգրան Ավինյանը:
«Երևան քաղաքի կենտրոնական մասը սպառել է մայրաքաղաքային գործառույթների իրականացման համար նախատեսված գրեթե բոլոր անհրաժեշտ տարածքային ռեզերվները: Նորագյուղ թաղամասի զարգացման քաղաքաշինական ծրագիրը կնպաստի տարածքների արդյունավետ կառավարման ու արդիական էկոհամակարգի ձևավորման միջոցով մայրաքաղաքի տարածական կենսունակության պոտենցիալի աճին, կենտրոնական հատվածի ֆունկցիոնալ ապակենտրոնացմանը և տրանսպորտային հոսքերի բեռնաթափմանը»,– ասված է որոշման հիմնավորման մեջ:
Նշվում է, որ կստեղծվեն նոր ճանապարհային ցանց, ստորգետնյա ավտոկայանատեղիներ, կանաչապատ տարածքներ, հիմնովին կնորացվեն ինժեներատեխնիկական ենթակառուցվածքները:
Ի դեպ, «Պասկևիչի բլուրը» ժամանակին նախատեսվել էր ռուս-հայկական հուշահամալիրի կառուցման համար, սակայն ներկայումս, ըստ Երևանի քաղաքապետարանի ներկայացրած հիմնավորման` տարածքի զգալի մասը հիմնականում օգտագործվում է գյուղատնտեսական, մասնավորապես՝ այգեգործության նպատակներով, և մնացած մասը զբաղեցնում են անհատական բնակելի տները:
Հիշեցնենք, որ գեներալ Պասկևիչը 1826-28 թթ.-ի ռուս-պարսկական պատերազմի ռուսական զորքերի հրամանատարներից մեկն է, 1828 թ.-ին Արևելյան Հայաստանի և Երևանի բերդի ազատագրման գլխավոր դերակատարը: Մասնակցել է նաև 1828-29 թվականների ռուս-թուրքական պատերազմին, իսկ ավելի վաղ՝ 1812-14 թվականներին, Հայրենական պատերազմին և Փարիզի գրավմանը։
