https://arm.sputniknews.ru/20260124/ksharunakvi-ardjvoq-vosku-gneri-bardzracumy-2026-tvakanin-hamashkharhajin-kankhatesumner-98073500.html
Կշարունակվի՞ արդյոք ոսկու գների բարձրացումը 2026 թվականին. համաշխարհային կանխատեսումներ
Կշարունակվի՞ արդյոք ոսկու գների բարձրացումը 2026 թվականին. համաշխարհային կանխատեսումներ
Sputnik Արմենիա
2025 թվականի ընթացքում ոսկու գինն աճել է 1,7 անգամ և այժմ կազմում է մեկ ունցիայի դիմաց 4 800 դոլար: 24.01.2026, Sputnik Արմենիա
2026-01-24T14:59+0400
2026-01-24T14:59+0400
2026-01-24T14:59+0400
ոսկի
գնաճ
առևտրի համաշխարհային կազմակերպություն
տարադրամի փոխարժեք
դոլար
ամն
https://cdn.am.sputniknews.ru/img/2002/38/20023866_0:158:3077:1889_1920x0_80_0_0_2492f19b0b19c2207d5d2525e46bc845.jpg
ԵՐԵՎԱՆ, 23 հունվարի — Sputnik. Ռեկորդային 2025 թվականից հետո 2026-ին ոսկու համաշխարհային գները կշարունակեն կտրուկ աճել: Այս մասին նշվում է միջազգային կանխատեսումների մեծ մասում:2025 թվականի ընթացքում ոսկու գինն աճել է 1,7 անգամ. ըստ LBMA-ի (Լոնդոնի թանկարժեք մետաղների շուկայի ասոցիացիա) գնանշումների՝ անցյալ տարվա սկզբին ոսկին արժեր մեկ ունցիայի դիմաց մոտ 2 760 դոլար, իսկ հիմա՝ ավելի քան 4 800 դոլար:Գներն աճել են աշխարհաքաղաքական սրացումների (Վենեսուելայի, Իրանի և Գրենլանդիայի շուրջ տեղի ունեցող իրադարձությունների), ինչպես նաև ԱՄՆ-ի հայտարարած «սակագնային պատերազմների» ֆոնին, որոնք բարդություններ են առաջացրել համաշխարհային առևտրում:Ոսկու բորսայական գինը ռեկորդային աճ է գրանցելՍովորաբար անկայուն իրավիճակներում ներդրողների համար «ապաստան» է համարվում ոսկու, ինչպես նաև ԱՄՆ դոլարով և ճապոնական իենով արժեթղթերի գնումը: Սակայն ներկայիս ցնցումները, ի տարբերություն նախորդ տարիների, հենց ԱՄՆ-ից են բխում, իսկ Ճապոնիայում սրվել են պետական պարտքի կառավարման խնդիրները:Դոլարի փոխարժեքը որոշակիորեն նվազել է, այդ թվում՝ տնտեսական ցուցանիշների հաշվին: Մասնավորապես, 2025 թվականի դեկտեմբերին (2024-ի դեկտեմբերի համեմատ) ԱՄՆ-ում նոր աշխատատեղերի թիվը կրճատվել է 4 անգամ (մոտ 200 հազարից հասնելով 50 հազարի):Ինչպես նշվում է LBMA-ի կանխատեսման մեջ, ոլորտի վերլուծաբանների հարցման հիման վրա, ամբողջ աշխարհի Կենտրոնական բանկերը 2026 թվականի ընթացքում կարող են, հաշվի առնելով նշված ռիսկերը, կրճատել իրենց դոլարային պահուստները՝ դրանք փոխարինելով այլ արժույթներով:Առայժմ այս միտումն այնքան էլ ցայտուն չէ արտահայտված. Արժույթի միջազգային հիմնադրամի վիճակագրության համաձայն՝ 2024 թվականի IV եռամսյակում դոլարի տեսակարար կշիռը կազմել է մոտ 58,5%, իսկ 2025-ի III եռամսյակում (վերջին հասանելի տվյալները)՝ 57%-ից մի փոքր պակաս: Մյուս կողմից, ոսկու բաժինը ընդհանուր պահուստներում 15%-ից հասել է գրեթե 20%-ի:2026-ին կանխատեսում ենք 4 տոննա ոսկի արդյունահանել․ ՀՀ ֆինանսների նախարարJP Morgan-ի կանխատեսմամբ՝ աշխարհում կաճի ոսկու պահանջարկը ոչ միայն որպես «ներդրումային ապաստան», որը մենք հիշատակեցինք, այլև որպես ապահովագրություն համաշխարհային արժույթների արժեզրկման դեմ: Ընկերության վերլուծաբանների գնահատմամբ՝ 2026 թվականին ամբողջ աշխարհի կենտրոնական բանկերն ու ներդրողները յուրաքանչյուր եռամսյակ միջինում ավելի քան 580 տոննա ոսկի կգնեն: Արդյունքում՝ 2026 թվականի վերջին ոսկու արժեքը կգերազանցի մեկ ունցիայի դիմաց 5 000 դոլարը։Նշենք, որ Հայաստանում ոսկի արդյունահանվում է, սակայն այն մաքուր տեսքով չի ձուլվում և արտահանվում է կիսաֆաբրիկատ համաձուլվածքների տեսքով: 2025 թվականին «Ոսկի՝ անմշակ կամ կիսամշակ» ապրանքային հոդվածով արտահանումը կազմել է մոտ 13,5 տոննա, իսկ ներմուծումը՝ մոտ 18,2 տոննա: Այդուհանդերձ, պետք է հաշվի առնել, որ այստեղ ներառված է ինչպես սեփական արտադրությունը, այնպես էլ վերավաճառքը:Սույն հրապարակումը ներդրումային խորհուրդ չէ։
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ոսկի, գնաճ, առևտրի համաշխարհային կազմակերպություն, տարադրամի փոխարժեք, դոլար, ամն
ոսկի, գնաճ, առևտրի համաշխարհային կազմակերպություն, տարադրամի փոխարժեք, դոլար, ամն
Կշարունակվի՞ արդյոք ոսկու գների բարձրացումը 2026 թվականին. համաշխարհային կանխատեսումներ
2025 թվականի ընթացքում ոսկու գինն աճել է 1,7 անգամ և այժմ կազմում է մեկ ունցիայի դիմաց 4 800 դոլար:
ԵՐԵՎԱՆ, 23 հունվարի — Sputnik. Ռեկորդային 2025 թվականից հետո 2026-ին ոսկու համաշխարհային գները կշարունակեն կտրուկ աճել: Այս մասին նշվում է միջազգային կանխատեսումների մեծ մասում:
2025 թվականի ընթացքում ոսկու գինն աճել է 1,7 անգամ. ըստ LBMA-ի (Լոնդոնի թանկարժեք մետաղների շուկայի ասոցիացիա) գնանշումների՝ անցյալ տարվա սկզբին ոսկին արժեր մեկ ունցիայի դիմաց մոտ 2 760 դոլար, իսկ հիմա՝ ավելի քան 4 800 դոլար:
Գներն աճել են աշխարհաքաղաքական սրացումների (Վենեսուելայի, Իրանի և Գրենլանդիայի շուրջ տեղի ունեցող իրադարձությունների), ինչպես նաև ԱՄՆ-ի հայտարարած «սակագնային պատերազմների» ֆոնին, որոնք բարդություններ են առաջացրել համաշխարհային առևտրում:
Սովորաբար անկայուն իրավիճակներում ներդրողների համար «ապաստան» է համարվում ոսկու, ինչպես նաև ԱՄՆ դոլարով և ճապոնական իենով արժեթղթերի գնումը: Սակայն ներկայիս ցնցումները, ի տարբերություն նախորդ տարիների, հենց ԱՄՆ-ից են բխում, իսկ Ճապոնիայում սրվել են պետական պարտքի կառավարման խնդիրները:
Դոլարի փոխարժեքը որոշակիորեն նվազել է, այդ թվում՝ տնտեսական ցուցանիշների հաշվին: Մասնավորապես, 2025 թվականի դեկտեմբերին (2024-ի դեկտեմբերի համեմատ) ԱՄՆ-ում նոր աշխատատեղերի թիվը կրճատվել է 4 անգամ (մոտ 200 հազարից հասնելով 50 հազարի):
Այս և այլ ցուցիչները ներդրողներին հիմք են տալիս ենթադրելու, որ այս տարի ԱՄՆ Դաշնային պահուստային համակարգը (Կենտրոնական բանկը) կնվազեցնի վերաֆինանսավորման դրույքաչափը՝ տնտեսությունն աշխուժացնելու համար: Սակայն դրույքաչափի նվազեցումը կարող է նվազեցնել դոլարային արժեթղթերի շահութաբերությունը, հետևաբար՝ նաև դրանց պահանջարկը: Պահանջարկի նվազմանը զուգահեռ վերջին շաբաթներին ներդրողները վաճառում են ԱՄՆ պետական պարտատոմսերը:
Ինչպես նշվում է LBMA-ի կանխատեսման մեջ, ոլորտի վերլուծաբանների հարցման հիման վրա, ամբողջ աշխարհի Կենտրոնական բանկերը 2026 թվականի ընթացքում կարող են, հաշվի առնելով նշված ռիսկերը, կրճատել իրենց դոլարային պահուստները՝ դրանք փոխարինելով այլ արժույթներով:
Առայժմ այս միտումն այնքան էլ ցայտուն չէ արտահայտված. Արժույթի միջազգային հիմնադրամի վիճակագրության համաձայն՝ 2024 թվականի IV եռամսյակում դոլարի տեսակարար կշիռը կազմել է մոտ 58,5%, իսկ 2025-ի III եռամսյակում (վերջին հասանելի տվյալները)՝ 57%-ից մի փոքր պակաս: Մյուս կողմից, ոսկու բաժինը ընդհանուր պահուստներում 15%-ից հասել է գրեթե 20%-ի:
JP Morgan-ի կանխատեսմամբ՝ աշխարհում կաճի ոսկու պահանջարկը ոչ միայն որպես «ներդրումային ապաստան», որը մենք հիշատակեցինք, այլև որպես ապահովագրություն համաշխարհային արժույթների արժեզրկման դեմ: Ընկերության վերլուծաբանների գնահատմամբ՝ 2026 թվականին ամբողջ աշխարհի կենտրոնական բանկերն ու ներդրողները յուրաքանչյուր եռամսյակ միջինում ավելի քան 580 տոննա ոսկի կգնեն: Արդյունքում՝ 2026 թվականի վերջին ոսկու արժեքը կգերազանցի մեկ ունցիայի դիմաց 5 000 դոլարը։
Նշենք, որ Հայաստանում ոսկի արդյունահանվում է, սակայն այն մաքուր տեսքով չի ձուլվում և արտահանվում է կիսաֆաբրիկատ համաձուլվածքների տեսքով: 2025 թվականին «Ոսկի՝ անմշակ կամ կիսամշակ» ապրանքային հոդվածով արտահանումը կազմել է մոտ 13,5 տոննա, իսկ ներմուծումը՝ մոտ 18,2 տոննա: Այդուհանդերձ, պետք է հաշվի առնել, որ այստեղ ներառված է ինչպես սեփական արտադրությունը, այնպես էլ վերավաճառքը:
Սույն հրապարակումը ներդրումային խորհուրդ չէ։
