https://arm.sputniknews.ru/20260109/ishkhanutjunn-arajin-angam-nvor-martavarutjun-kirarec-nakhkin-patgamavvory-irani-masin-97619464.html
Իշխանությունն առաջին անգամ նոր մարտավարություն կիրառեց. նախկին պատգամավորը՝ Իրանի մասին
Իշխանությունն առաջին անգամ նոր մարտավարություն կիրառեց. նախկին պատգամավորը՝ Իրանի մասին
Sputnik Արմենիա
Իրանում բողոքի ցույցերը զարգանում են բարդ ու բազմաշերտ սցենարով, որտեղ միահյուսվում են ներքին սոցիալական դժգոհությունը, կառավարման խնդիրները և արտաքին ճնշման... 09.01.2026, Sputnik Արմենիա
2026-01-09T23:00+0400
2026-01-09T23:00+0400
2026-01-09T23:00+0400
իրանի իսլամական հանրապետություն
իսրայել
բողոքի ակցիա
ամն
ռոբերտ բեգլարյան
https://cdn.am.sputniknews.ru/img/07e6/02/09/38469401_0:37:1600:938_1920x0_80_0_0_53000299727b921363b4357809e9c91a.jpg
ԵՐԵՎԱՆ, 9 հունվարի - Sputnik. Իրանում բողոքի ցույցերի ակտիվությունն օջախային բնույթի է. խոշոր քաղաքների որոշ շրջաններում իրավիճակը հանգիստ է, մյուսներում շարունակում են ակցիաները, այդ թվում՝ իշխանամետ ուժերի հակաքայլերը: Sputnik Արմենիայի հետ զրույցում ասաց Իրանի Իսլամական Հանրապետության Մեջլիսի նախկին պատգամավոր Ռոբերտ Բեգլարյանը: Նրա խոսքով՝ Իրանի իշխանություններն առաջին անգամ նոր մարտավարություն կիրառեցին՝ փորձեցին հստակ տարանջատել, այսպես ասած, բողոքի ձևերը՝ ժողովրդի սոցիալական բողոքի ձայնը տարբերակելով երկրում տեղի ունեցող այլ գործընթացներից։Նրա խոսքով՝ քաղաքական կառավարման տեսանկյունից նման մոտեցումը կարող է նպաստել լարվածության մակարդակի նվազմանը։ Սակայն գործնականում այն միշտ չէ, որ գործում է, քանի որ փողոցային ակտիվության պայմաններում հաճախ չափազանց դժվար է հստակ գիծ գծել խաղաղ ցուցարարների և արմատական տրամադրված խմբերի միջև։Երկրում տեղի ունեցող իրադարձություններին զուգահեռ արձանագրվում են նաև ինտերնետ կապի խափանումներ։ Ենթադրվում է, որ սահմանափակումները ժամանակավոր բնույթի են և կիրառվում են իրավիճակի վերահսկման և լարվածության ավելացումը կանխելու նպատակով: Միևնույն ժամանակ, ըստ տեղեկությունների, էլեկտրաէներգիայի, գազի մատակարարումները, ինչպես նաև այլ կոմունալ համակարգերի գործունեությունն իրականացվում են բնականոն ռեժիմով:Լուրջ մտահոգություն է առաջացնում արտաքին ուժերի հնարավոր միջամտությունը։ Լրատվական դաշտում տարածվում են ամերիկյան և իսրայելական ԶԼՄ-ների տեղեկությունները, տարբեր փորձագետների հայտարարություններ Իրանի ներքին գործընթացների վրա ազդելու փորձերի, ինչպես նաև բողոքի ակցիաներին մասնակից խմբերի հնարավոր զինման և նրանց գործողությունները համակարգելու վերաբերյալ:Բեգլարյանի կարծիքով՝ արտաքին ազդեցության մասին տեղեկությունները կարող են բերել նրան, որ իշխանությունները խստացնեն բողոքի ալիքի զսպման միջոցառումները, ինչը կարող է բերել ներքաղաքական իրավիճակի հետագա բարդացմանը:Նրա խոսքով՝ ԱՄՆ-ն ու Իսրայելը ներկայիս աշխարհաքաղաքական կոնֆիգուրացիայում Իրանին դիտարկում են որպես թուլացած խաղացող: Սա հատկապես վերաբերում է Իսրայելին. վերջին ռազմական իրադարձություններից հետո Իրանում տեղի ունեցողը տեղավորվում է ճնշման և ռազմավարական զսպման տրամաբանության մեջ։Ինչ վերաբերում Է Իրանի գերագույն առաջնորդ այաթոլլահ Ալի Խամենեիի այն հայտարարությանը, թե Իրանը չի նահանջի ջարդարարների և բողոքի ցույցերին զուգահեռ ապակայունացման փորձերի առաջ, Բեգլարյանը կարծում է, որ այն ուղղված էր ինչպես արտաքին, այնպես էլ ներքին լսարանին:«Իրանը պետություն է, որն ավանդաբար նշանակալի դեր է խաղում միջազգային ասպարեզում և ունի արտաքին քաղաքական վարքի սեփական մոդելը։ Իր աշխարհաքաղաքական դիրքի պատճառով երկիրը չի կարող անմասն մնալ թե ներսում, թե դրսում տեղի ունեցող իրադարձություններից»,- նշեց Բեգլարյանը։Այս համատեքստում Իրանի ղեկավարության կոշտ հռետորաբանությունն ուղղված է առաջին հերթին արտաքին աշխարհին։ Երկրի իշխանությունները ցույց են տալիս ճնշմանը հակազդելու պատրաստակամություն, հատկապես ամերիկացի և իսրայելցի քաղաքական գործիչների կտրուկ հայտարարություններից հետո:
https://arm.sputniknews.ru/20260109/iranum-6-mard-e-zvohvel-tehrani-datakhazy-jarderi-masnakicnerin-sparnacel-e-mahapatzhvov-97616953.html
իրանի իսլամական հանրապետություն
իսրայել
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, իսրայել, բողոքի ակցիա, ամն, ռոբերտ բեգլարյան
իրանի իսլամական հանրապետություն, իսրայել, բողոքի ակցիա, ամն, ռոբերտ բեգլարյան
Իշխանությունն առաջին անգամ նոր մարտավարություն կիրառեց. նախկին պատգամավորը՝ Իրանի մասին
Իրանում բողոքի ցույցերը զարգանում են բարդ ու բազմաշերտ սցենարով, որտեղ միահյուսվում են ներքին սոցիալական դժգոհությունը, կառավարման խնդիրները և արտաքին ճնշման գործոնը:
ԵՐԵՎԱՆ, 9 հունվարի - Sputnik. Իրանում բողոքի ցույցերի ակտիվությունն օջախային բնույթի է. խոշոր քաղաքների որոշ շրջաններում իրավիճակը հանգիստ է, մյուսներում շարունակում են ակցիաները, այդ թվում՝ իշխանամետ ուժերի հակաքայլերը:
Sputnik Արմենիայի հետ զրույցում ասաց Իրանի Իսլամական Հանրապետության Մեջլիսի նախկին պատգամավոր Ռոբերտ Բեգլարյանը: Նրա խոսքով՝ Իրանի իշխանություններն առաջին անգամ նոր մարտավարություն կիրառեցին՝ փորձեցին հստակ տարանջատել, այսպես ասած, բողոքի ձևերը՝ ժողովրդի սոցիալական բողոքի ձայնը տարբերակելով երկրում տեղի ունեցող այլ գործընթացներից։
«Իշխանությունը հրապարակավ ընդունում է սոցիալական դժգոհության գոյությունն ու ոչ բռնի պահանջների լեգիտիմությունը՝ միաժամանակ դրանք հստակ տարանջատելով երկրում իրավիճակը ապակայունացնել փորձող արմատական, խուլիգանական խմբերի գործողություններից»,- նշեց Բեգլարյանը:
Նրա խոսքով՝ քաղաքական կառավարման տեսանկյունից նման մոտեցումը կարող է նպաստել լարվածության մակարդակի նվազմանը։ Սակայն գործնականում այն միշտ չէ, որ գործում է, քանի որ փողոցային ակտիվության պայմաններում հաճախ չափազանց դժվար է հստակ գիծ գծել խաղաղ ցուցարարների և արմատական տրամադրված խմբերի միջև։
Երկրում տեղի ունեցող իրադարձություններին զուգահեռ արձանագրվում են նաև ինտերնետ կապի խափանումներ։ Ենթադրվում է, որ սահմանափակումները ժամանակավոր բնույթի են և կիրառվում են իրավիճակի վերահսկման և լարվածության ավելացումը կանխելու նպատակով: Միևնույն ժամանակ, ըստ տեղեկությունների, էլեկտրաէներգիայի, գազի մատակարարումները, ինչպես նաև այլ կոմունալ համակարգերի գործունեությունն իրականացվում են բնականոն ռեժիմով:
Լուրջ մտահոգություն է առաջացնում արտաքին ուժերի հնարավոր միջամտությունը։ Լրատվական դաշտում տարածվում են ամերիկյան և իսրայելական ԶԼՄ-ների տեղեկությունները, տարբեր փորձագետների հայտարարություններ Իրանի ներքին գործընթացների վրա ազդելու փորձերի, ինչպես նաև բողոքի ակցիաներին մասնակից խմբերի հնարավոր զինման և նրանց գործողությունները համակարգելու վերաբերյալ:
Բեգլարյանի կարծիքով՝ արտաքին ազդեցության մասին տեղեկությունները կարող են բերել նրան, որ իշխանությունները խստացնեն բողոքի ալիքի զսպման միջոցառումները, ինչը կարող է բերել ներքաղաքական իրավիճակի հետագա բարդացմանը:
«Եթե արտաքին գործոնը դրվի որպես անկյունաքարային, դա կբերի ավելի կոշտ գործիքների կիրառման։ Ընդ որում, ակնհայտ է, որ մի շարք պետություններ շահագրգռված են Իրանի թուլացմամբ և ապակայունացմամբ», - ընդգծեց նա։
Նրա խոսքով՝ ԱՄՆ-ն ու Իսրայելը ներկայիս աշխարհաքաղաքական կոնֆիգուրացիայում Իրանին դիտարկում են որպես թուլացած խաղացող: Սա հատկապես վերաբերում է Իսրայելին. վերջին ռազմական իրադարձություններից հետո Իրանում տեղի ունեցողը տեղավորվում է ճնշման և ռազմավարական զսպման տրամաբանության մեջ։
Ինչ վերաբերում Է Իրանի գերագույն առաջնորդ այաթոլլահ Ալի Խամենեիի այն հայտարարությանը, թե Իրանը չի նահանջի ջարդարարների և բողոքի ցույցերին զուգահեռ ապակայունացման փորձերի առաջ, Բեգլարյանը կարծում է, որ այն ուղղված էր ինչպես արտաքին, այնպես էլ ներքին լսարանին:
«Իրանը պետություն է, որն ավանդաբար նշանակալի դեր է խաղում միջազգային ասպարեզում և ունի արտաքին քաղաքական վարքի սեփական մոդելը։ Իր աշխարհաքաղաքական դիրքի պատճառով երկիրը չի կարող անմասն մնալ թե ներսում, թե դրսում տեղի ունեցող իրադարձություններից»,- նշեց Բեգլարյանը։
Այս համատեքստում Իրանի ղեկավարության կոշտ հռետորաբանությունն ուղղված է առաջին հերթին արտաքին աշխարհին։ Երկրի իշխանությունները ցույց են տալիս ճնշմանը հակազդելու պատրաստակամություն, հատկապես ամերիկացի և իսրայելցի քաղաքական գործիչների կտրուկ հայտարարություններից հետո:
