https://arm.sputniknews.ru/20260108/3-aghmkaharujc-mijadep-gjumrium-kan-viravvorner-97581166.html
3 աղմկահարույց միջադեպ Գյումրիում. կան վիրավորներ
3 աղմկահարույց միջադեպ Գյումրիում. կան վիրավորներ
Sputnik Արմենիա
Նախաձեռնվել են քրեական վարույթներ, սակայն ենթադրյալ հանցագործները դիմել են փախուստի։ 08.01.2026, Sputnik Արմենիա
2026-01-08T17:03+0400
2026-01-08T17:03+0400
2026-01-08T17:03+0400
հայաստան
գյումրի
դանակահարություն
վեճ
կրակոց
դաջվածք
https://cdn.am.sputniknews.ru/img/1159/99/11599914_0:0:1391:782_1920x0_80_0_0_c42f9ed50fb766b87fd9e329a9bc93dd.jpg
ԵՐԵՎԱՆ, 8 հունվարի – Sputnik. Sputnik Արմենիայի տեղեկություններով` տարեվերջին և տոնական օրերին Գյումրիում մի քանի աղմկահարույց միջադեպ է տեղի ունեցել, որոնց հետևանքով կան վիրավորներ։Նախկինում դատապարտված անձը 2025 թվականի դեկտեմբերի 25-ին Գյումրու Մուշ թաղամասում որոշել է նոր դաջվածք անել քաղաքում հայտնի սրահներից մեկում։ Տեղեկանալով, որ մասնագետը ազատ ժամ չունի, նա կրակել է (այս պահին հայտնի չէ, թե ինչով) դաջվածքի մասնագետ 43-ամյա Արման Խ․-ի աջ աչքին ու դիմել փախուստի։ Տուժածը տեղափոխվել է «Գյումրի» բժշկական կենտրոն, վիճակը ծանր է, նա կոմայի մեջ է։Քննչական կոմիտեից հաստատեցին միջադեպի մասին տեղեկությունը։Տղամարդու նկատմամբ խափանման միջոց ընտրվել է կալանքը, հայտարարվել է հետախուզում:Հունվարի 2-ին էլ վիճաբանություն և դանակահարություն է տեղի ունեցել Գյումրիում։ Նախնական տվյալով` 24–ամյա Սմբատ Դ․-ն Կնունյանց փողոցում դանակահարել է Հայաստանի բուհերից մեկի ամբիոնի վարիչ Արմեն Թ․-ին և դիմել փախուստի։Գյումրու բժշկական կենտրոնի մամուլի ծառայությունից Sputnik Արմենիային հայտնեցին, որ շտապօգնության մեքենայով ԲԿ է տեղափոխվել Երևանի բնակիչ Ա. Թ-ն։ Ախտորոշվել է կրծքավանդակի ձախ կեսի կտրած-ծակած արյունահոսող վերք։ Համապատասխան բուժօգնություն ստանալուց հետո տղամարդը հունվարի 5-ին դուրս է գրվել հիվանդանոցից։Քննչական կոմիտեից Sputnik Արմենիային հայտնեցին, որ դեպքի փաստով քրեական վարույթ է նախաձեռնվել առողջությանը միջին ծանրության վնաս պատճառելու հոդվածով, կատարվում է նախաքննություն:Հունվարի 2–ի լույս 3–ի գիշերն էլ հրազենի գործադրմամբ միջադեպ է տեղի ունեցել Գյումրի քաղաքում։ Բնակիչներից մեկը 5-6 տղաների նկատողություն է արել բարձր խոսելու համար, հետո կրակել է նրանց ուղղությամբ` տղաներից 2–ին պատճառելով հրազենային վնասվածք։ Ըստ տեղեկությունների` երիտասարդների թվում եղել են գյումրեցի հայտնի ծանրամարտիկներ ու նրանց ազգականներից մեկը։Քննչական կոմիտեից Sputnik Արմենիայի հետ զրույցում հերքեցին հայտնի ծանրամարտիկների մասնակցությունը , բայց հաստատեցին միջադեպի փաստը։Դեպքի փաստով մեկ անձի նկատմամբ հանրային քրեական հետապնդում է հարուցվել Քրեական օրենսգրքի 44-155-րդ հոդվածի 1-ին մասով (սպանության փորձ) (3 դրվագ) և 335-րդ հոդվածի 1-ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը): Տղամարդու նկատմամբ խափանման միջոց է ընտրվել կալանքը, հայտարարվել է հետախուզում:
գյումրի
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, գյումրի, դանակահարություն, վեճ, կրակոց, դաջվածք
հայաստան, գյումրի, դանակահարություն, վեճ, կրակոց, դաջվածք
3 աղմկահարույց միջադեպ Գյումրիում. կան վիրավորներ
Նախաձեռնվել են քրեական վարույթներ, սակայն ենթադրյալ հանցագործները դիմել են փախուստի։
ԵՐԵՎԱՆ, 8 հունվարի – Sputnik. Sputnik Արմենիայի տեղեկություններով` տարեվերջին և տոնական օրերին Գյումրիում մի քանի աղմկահարույց միջադեպ է տեղի ունեցել, որոնց հետևանքով կան վիրավորներ։
Նախկինում դատապարտված անձը 2025 թվականի դեկտեմբերի 25-ին Գյումրու Մուշ թաղամասում որոշել է նոր դաջվածք անել քաղաքում հայտնի սրահներից մեկում։ Տեղեկանալով, որ մասնագետը ազատ ժամ չունի, նա կրակել է (այս պահին հայտնի չէ, թե ինչով) դաջվածքի մասնագետ 43-ամյա Արման Խ․-ի աջ աչքին ու դիմել փախուստի։ Տուժածը տեղափոխվել է «Գյումրի» բժշկական կենտրոն, վիճակը ծանր է, նա կոմայի մեջ է։
Քննչական կոմիտեից հաստատեցին միջադեպի մասին տեղեկությունը։
«Մեկ անձի նկատմամբ հանրային քրեական հետապնդում է հարուցվել Քրեական օրենսգրքի 44-155-րդ հոդվածի 1-ին մասով (սպանության փորձը) և 335-րդ հոդվածի 1-ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը)»,– հայտնեցին ՔԿ–ից։
Տղամարդու նկատմամբ խափանման միջոց ընտրվել է կալանքը, հայտարարվել է հետախուզում:
Հունվարի 2-ին էլ վիճաբանություն և դանակահարություն է տեղի ունեցել Գյումրիում։ Նախնական տվյալով` 24–ամյա Սմբատ Դ․-ն Կնունյանց փողոցում դանակահարել է Հայաստանի բուհերից մեկի ամբիոնի վարիչ Արմեն Թ․-ին և դիմել փախուստի։
Գյումրու բժշկական կենտրոնի մամուլի ծառայությունից
Sputnik Արմենիային հայտնեցին, որ շտապօգնության մեքենայով ԲԿ է տեղափոխվել Երևանի բնակիչ Ա. Թ-ն։ Ախտորոշվել է կրծքավանդակի ձախ կեսի կտրած-ծակած արյունահոսող վերք։ Համապատասխան բուժօգնություն ստանալուց հետո տղամարդը հունվարի 5-ին դուրս է գրվել հիվանդանոցից։
Քննչական կոմիտեից
Sputnik Արմենիային հայտնեցին, որ դեպքի փաստով քրեական վարույթ է նախաձեռնվել առողջությանը միջին ծանրության վնաս պատճառելու հոդվածով, կատարվում է նախաքննություն:
Հունվարի 2–ի լույս 3–ի գիշերն էլ հրազենի գործադրմամբ միջադեպ է տեղի ունեցել Գյումրի քաղաքում։ Բնակիչներից մեկը 5-6 տղաների նկատողություն է արել բարձր խոսելու համար, հետո կրակել է նրանց ուղղությամբ` տղաներից 2–ին պատճառելով հրազենային վնասվածք։ Ըստ տեղեկությունների` երիտասարդների թվում եղել են գյումրեցի հայտնի ծանրամարտիկներ ու նրանց ազգականներից մեկը։
Քննչական կոմիտեից Sputnik Արմենիայի հետ զրույցում հերքեցին հայտնի ծանրամարտիկների մասնակցությունը , բայց հաստատեցին միջադեպի փաստը։
Դեպքի փաստով մեկ անձի նկատմամբ հանրային քրեական հետապնդում է հարուցվել Քրեական օրենսգրքի 44-155-րդ հոդվածի 1-ին մասով (սպանության փորձ) (3 դրվագ) և 335-րդ հոդվածի 1-ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը): Տղամարդու նկատմամբ խափանման միջոց է ընտրվել կալանքը, հայտարարվել է հետախուզում:
