Հայաստանում կան փակ և դժվարանցանելի ավտոճանապարհներ
© Sputnik / David Galstyan
Բաժանորդագրվել
ՀՀ ներքին գործերի նախարարությունը վարորդներին հորդորում է երթևեկել բացառապես ձմեռային անվադողերով։
ԵՐԵՎԱՆ, 3 հունվարի – Sputnik. Հայաստանում կան փակ և դժվարանցանելի ավտոճանապարհներ։ Այս մասին հայտնում է ՀՀ ՆԳՆ մամուլի ծառայությունը։
Եվ այսպես, հաղորդագրության համաձայն`
Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող, Վարդենյաց լեռնանցքը, Բերդ-Ճամբարակ (բուք), Գանձաքար-Իծաքար և Լանջառ-Լուսաշող (բուք) ավտոճանապարհները:
Նորավան-Լծեն-Տաթև, «Զանգերից» դեպի Սիսիան ավտոճանապարհները, «Մեղրու սար» կոչվող հատվածը և Դիլիջանի ոլորանները փակ են կցորդիչով տրանսպորտային միջոցների համար։
Ոսկեպարի ոլորանները փակ են կցորդիչով բեռնատարների համար, դժվարանցանելի՝ մյուս տեսակի տրանսպորտային միջոցների համար։
Արթիկ-Մարալիկ և Արթիկ-Պեմզաշեն ավտոճանապարհները դժվարանցանելի են։
Վանաձոր-Դիլիջան, Երասխ-Զանգակատուն, Սպիտակ-Գյումրի ավտոճանապարհները դժվարանցանելի են կցորդիչով բեռնատարների համար։
Գեղարքունիքի մարզի, Ապարանի, Արագածի, Սպիտակի, Թումանյանի, Տաշիրի, Աբովյանի, Հրազդանի, Նաիրիի, Վայքի, Սիսիանի, Գորիսի, Աշոցքի, Ամասիայի և Վանաձորի տարածաշրջանների ավտոճանապարհներին տեղ-տեղ առկա է մերկասառույց։
ՀՀ ներքին գործերի նախարարությունը վարորդներին հորդորում է երթևեկել բացառապես ձմեռային անվադողերով։
