https://arm.sputniknews.ru/20260101/iranum-bvoghvoqi-cujcery-veratshel-en-vostikanutjan-het-bakhumneri-zvohvel-e-2-mard--zlm-97419548.html
Իրանում բողոքի ցույցերը վերաճել են ոստիկանության հետ բախումների, զոհվել է 2 մարդ. ԶԼՄ
Իրանում բողոքի ցույցերը վերաճել են ոստիկանության հետ բախումների, զոհվել է 2 մարդ. ԶԼՄ
Sputnik Արմենիա
ԵՐԵՎԱՆ, 1 հունվարի - Sputnik. Իրանի հարավ-արևմուտքում բողոքի ակցիաները վերաճել են ոստիկանության հետ բախումների, զոհվել է երկու մարդ, մի քանի իրավապահներ... 01.01.2026, Sputnik Արմենիա
2026-01-01T20:23+0400
2026-01-01T20:23+0400
2026-01-01T20:23+0400
իրանի իսլամական հանրապետություն
բողոքի ակցիա
ոստիկան
բախումներ
զոհ
https://cdn.am.sputniknews.ru/img/07e9/0c/1e/97371763_0:78:1500:922_1920x0_80_0_0_962683a4d68c7e182f8e8d17cb410636.jpg
ԵՐԵՎԱՆ, 1 հունվարի - Sputnik. Իրանի հարավ-արևմուտքում բողոքի ակցիաները վերաճել են ոստիկանության հետ բախումների, զոհվել է երկու մարդ, մի քանի իրավապահներ վնասվածքներ են ստացել: Այս մասին հայտնում է իրանական «Fars» գործակալությունը։Բախումները տեղի են ունեցել այսօր առավոտյան։ Ներկայում քաղաքում իրավիճակը կայունացել է։ Ցույցը ցրելու համար ոստիկանությունն արցունքաբեր գազ է կիրառել։Ավելի վաղ «Press TV» հեռուստաալիքը հայտնել էր Կուխդաշտ քաղաքում Իսլամական հեղափոխության պահապանների կորպուսի հետ կապ ունեցող կամավորի և «Բասիջ» կազմակերպության անդամի մահվան մասին:Իրանում բողոքի զանգվածային ակցիաները սկսվել են դեկտեմբերի վերջին՝ ազգային արժույթ ռիալի կտրուկ արժեզրկման ֆոնին: Դժգոհության հիմնական պատճառները փոխարժեքի տատանումներն ու մեծածախ ու մանրածախ գների աճն էին։ Սոցցանցերում տարածվել են Թեհրանում և այլ քաղաքներում բողոքի ցույցերի տեսանյութերը։Նշված իրադարձությունների ֆոնին Իրանի Կենտրոնական բանկի ղեկավար Մոհամմադ Ֆարզինը հրաժարական է տվել։ Այդ պաշտոնում դեկտեմբերի 31-ին երկրի նախագահի հրամանագրով նշանակվել է Աբդոլնասեր Հեմմաթին։Իրանում գնաճի մակարդակը բարձր է. երկրի ԿԲ-ի տվյալներով՝ տարեկան ցուցանիշը հասել է 38,9 -ի: Ազգային արժույթը կտրուկ անկում է ապրել. եթե մինչև 2018 թվականին միջուկային գործարքից ԱՄՆ-ի դուրս գալը դոլարի ոչ պաշտոնական փոխարժեքը կազմում էր մոտ 50 հազար ռիալ, ապա այժմ ազատ շուկայում այն հասնում է մոտ 1,4 մլն ռիալ:
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, բողոքի ակցիա, ոստիկան, բախումներ, զոհ
իրանի իսլամական հանրապետություն, բողոքի ակցիա, ոստիկան, բախումներ, զոհ
ԵՐԵՎԱՆ, 1 հունվարի - Sputnik. Իրանի հարավ-արևմուտքում բողոքի ակցիաները վերաճել են ոստիկանության հետ բախումների, զոհվել է երկու մարդ, մի քանի իրավապահներ վնասվածքներ են ստացել: Այս մասին հայտնում է իրանական «Fars» գործակալությունը։
Լրատվականի տվյալներով՝ միջադեպերը տեղի են ունեցել Չեխարմեխալ և Բախտիարիա նահանգի Լորդեգան քաղաքում: Ցուցարարներից ոմանք քարեր են նետել վարչական շենքերի և բանկերի ուղղությամբ՝ վնասելով մի շարք շինություններ։
Բախումները տեղի են ունեցել այսօր առավոտյան։ Ներկայում քաղաքում իրավիճակը կայունացել է։ Ցույցը ցրելու համար ոստիկանությունն արցունքաբեր գազ է կիրառել։
Ավելի վաղ «Press TV» հեռուստաալիքը հայտնել էր Կուխդաշտ քաղաքում Իսլամական հեղափոխության պահապանների կորպուսի հետ կապ ունեցող կամավորի և «Բասիջ» կազմակերպության անդամի մահվան մասին:
Իրանում բողոքի զանգվածային ակցիաները սկսվել են դեկտեմբերի վերջին՝ ազգային արժույթ ռիալի կտրուկ արժեզրկման ֆոնին: Դժգոհության հիմնական պատճառները փոխարժեքի տատանումներն ու մեծածախ ու մանրածախ գների աճն էին։ Սոցցանցերում տարածվել են Թեհրանում և այլ քաղաքներում բողոքի ցույցերի տեսանյութերը։
Նշված իրադարձությունների ֆոնին Իրանի Կենտրոնական բանկի ղեկավար Մոհամմադ Ֆարզինը հրաժարական է տվել։ Այդ պաշտոնում դեկտեմբերի 31-ին երկրի նախագահի հրամանագրով նշանակվել է Աբդոլնասեր Հեմմաթին։
Իրանում գնաճի մակարդակը բարձր է. երկրի ԿԲ-ի տվյալներով՝ տարեկան ցուցանիշը հասել է 38,9 -ի: Ազգային արժույթը կտրուկ անկում է ապրել. եթե մինչև 2018 թվականին միջուկային գործարքից ԱՄՆ-ի դուրս գալը դոլարի ոչ պաշտոնական փոխարժեքը կազմում էր մոտ 50 հազար ռիալ, ապա այժմ ազատ շուկայում այն հասնում է մոտ 1,4 մլն ռիալ:
