Սիցիլիայում Էտնա հրաբխից մինչև 400 մետր բարձրության լավա է ժայթքել
16:15 28.12.2025 (Թարմացված է: 16:31 28.12.2025)
© AP Photo / Salvatore Allegra/Anadolu
Բաժանորդագրվել
Էտնայի ակտիվության նոր փուլը սկսվել է դեկտեմբերի 24-ին։
ԵՐԵՎԱՆ, 28 դեկտեմբերի — Sputnik. Սիցիլիայում Էտնա հրաբուխը 400 մետր բարձրության լավա է արտանետել, հաղորդում է ՌԻԱ Նովոստին՝ վկայակոչելով Իտալիայի Երկրաֆիզիկայի և հրաբխագիտության ազգային ինստիտուտը (Ingv):
«Մի քանի ժամ տևած հարաբերական հանգստությունից հետո (դեկտեմբերի 27-ին-խմբ.) հյուսիսարևելյան խառնարանում լավայի ժայթքման նոր դրվագ է սկսվել։ Ակտիվությունն արագորեն ուժեղացել է՝ առաջացնելով 300-400 մետր բարձրությամբ լավայի շիթեր և պիրոկլաստիկ նյութով հագեցած արտանետման սյուն, որը բարձրացել է Էթնայի գագաթից մի քանի կիլոմետր վերև, այնուհետև քամին այն տեղափոխել է արևմուտք», - ասվում է հաղորդագրության մեջ:
Նշվում է, որ Էտնայի ակտիվության նոր փուլը սկսվել է դեկտեմբերի 24-ին: Վերջին տվյալների համաձայն (շաբաթ երեկոյան), զգալի ամպամածությունը թույլ չի տալիս ուշադիր գնահատել հրաբխի իրադարձությունները, բայց տեսախցիկներից մեկը արձանագրել է «շիկացած նյութի» արտանետում։
«Մթնշաղի գալուն պես, տեսախցիկների պատկերները ցույց են տալիս ուժեղ և շարունակական բռնկումներ, որոնք համապատասխանում են հյուսիսարևելյան խառնարանին»,- ասվում է ինստիտուտի վերջին տեղեկագրում:
Էտնայի ակտիվությունը չի ազդել Կատանյա քաղաքի մոտակա օդանավակայանի աշխատանքի վրա։ Ingv-ն գրում է, որ ավիահանգույցի համար տագնապի կարմիր (վերջին) մակարդակ է գործում՝ համաձայն Vona թռիչքների անվտանգության միջազգային կազմակերպության դասակարգման:
Էտնայի ակտիվությունը չի ազդել Կատանյա քաղաքի մոտակա օդանավակայանի աշխատանքի վրա։ Ingv-ն գրում է, որ ավիահանգույցի համար տագնապի կարմիր (վերջին) մակարդակ է գործում՝ համաձայն Vona թռիչքների անվտանգության միջազգային կազմակերպության դասակարգման:
