Ձյուն, մառախուղ. ի՞նչ իրավիճակ է Հայաստանի ճանապարհներին
09:23 26.12.2025 (Թարմացված է: 09:29 26.12.2025)
© Sputnik / Armine Aleksanyan
Բաժանորդագրվել
Գորիսի տարածաշրջանի ավտոճանապարհներին մառախուղ է։
ԵՐԵՎԱՆ, 26 դեկտեմբերի – Sputnik. Հայաստանի մի շարք հատվածներում ձյուն է գալիս: Տեղեկությունը հայտնում է Ճանապարհային դեպարտամենտը։
«Ժամը 9։00-ի դրությամբ ձյուն է տեղում Սևանի, Ճամբարակի, Վարդենիսի, Ապարանի, Արագածի, Սպիտակի, Վանաձորի, Թալինի, Անիի, Արթիկի, Ախուրյանի, Աշոցքի, Տավուշի, Վայքի տարածաշրջաններում և Սիսիանի տարածաշրջանի «Զանգեր» կոչվող հատվածից դեպի Գորայք, իսկ Թումանյանի տարածաշրջանում՝ ձնախառն անձրև»,– ասված է հաղորդագրությունում։
Ըստ դեպարտամենտի` Գորիսի տարածաշրջանի ավտոճանապարհներին մառախուղ է, տեսանելիությունը՝ 50-60 մետր։
Սպիտակի ոլորանները փակ են կցորդիչով տրանսպորտային միջոցների համար։
Միջպետական և հանրապետական նշանակության բոլոր ավտոճանապարհները բաց են։
