Մարգարիտա Սիմոնյանը դարձել է Կուբանի Պրիմորսկո-Ախթարսկի շրջանի պատվավոր քաղաքացի
16:14 21.12.2025 (Թարմացված է: 16:15 21.12.2025)
RT և Sputnik գլխավոր խմբագիր Մարգարիտա Սիմոնյանը. Արխիվային լուսանկար
© Sputnik
Բաժանորդագրվել
Որոշումը միաձայն ընդունվել է շրջանի պատգամավորների կողմից:
ԵՐԵՎԱՆ, 21 դեկտեմբերի — Sputnik. «Ռոսիա սեգոդնյա» միջազգային մեդիախմբի և RT հեռուստաալիքի գլխավոր խմբագիր Մարգարիտա Սիմոնյանին շնորհվել է Կրասնոդարի երկրամասի Պրիմորսկո-Ախթարսկի քաղաքային օկրուգի պատվավոր քաղաքացի կոչումը, տեղեկանում ենք շրջանի պատգամավորների խորհրդի որոշումից:
«Կրասնոդարի երկրամասի Պրիմորսկո-Ախթարսկի մունիցիպալ շրջանի պատվավոր քաղաքացի կոչում շնորհել Մարգարիտա Սիմոնի Սիմոնյանին», – ասվում է փաստաթղթում:
Շրջանի ղեկավար Մաքսիմ Բոնդարենկոն Telegram-ալիքում հրապարակել է որոշումը՝ նշելով, որ այն պատգամավորների կողմից ընդունվել է միաձայն:
«Մարգարիտա Սիմոնին շատ է սիրում Պրիմորսկո-Ախթարսկի շրջանը և դաշնային հեռուստաալիքներով մեծ սիրով է խոսում դրա զբոսաշրջային գրավչության և գեղեցիկ բնության մասին... Նա լրագրող՝ մեծատառով, առատաձեռն հոգի, Կուբանի և Ռուսաստանի հայրենասեր և այժմ Պրիմորսկո-Ախթարսկի քաղաքային շրջանի պատվավոր քաղաքացի է», - հայտարարել է Բոնդարենկոն։
«Մարգարիտա Սիմոնին շատ է սիրում Պրիմորսկո-Ախթարսկի շրջանը և դաշնային հեռուստաալիքներով մեծ սիրով է խոսում դրա զբոսաշրջային գրավչության և գեղեցիկ բնության մասին... Նա լրագրող՝ մեծատառով, առատաձեռն հոգի, Կուբանի և Ռուսաստանի հայրենասեր և այժմ Պրիմորսկո-Ախթարսկի քաղաքային շրջանի պատվավոր քաղաքացի է», - հայտարարել է Բոնդարենկոն։
Անցյալ հինգշաբթի Սիմոնյանին շնորհվել է Կրասնոդար քաղաքի պատվավոր քաղաքացի կոչումը։
«Ռոսիա սեգոդնյա» մեդիա խմբի և RT-ի գլխավոր խմբագիր Մարգարիտա Սիմոնյանը ծնվել և կրթություն է ստացել Կրասնոդարում և իր լրագրողական կարիերան սկսել է որպես Կրասնոդարի հեռուստառադիոընկերության թղթակից։
