https://arm.sputniknews.ru/20251218/ghkh-mi-sharq-andamneri-liazvorutjunnery-dadarecvel-en-10-episkvopvosneri-hajtararutjuny-97009511.html
ԳՀԽ մի շարք անդամների լիազորությունները դադարեցվել են․ 10 եպիսկոպոսների հայտարարությունը
ԳՀԽ մի շարք անդամների լիազորությունները դադարեցվել են․ 10 եպիսկոպոսների հայտարարությունը
Sputnik Արմենիա
Գարեգին Երկրորդի հեռացումը պահանջող եպիսկոպոսները պնդում են, որ կաթողիկոսը միանձնյա և կանոնախախտ գործունեություն է իրականացրել, ինչն էլ ըստ իրենց, հանգեցրել է... 18.12.2025, Sputnik Արմենիա
2025-12-18T15:01+0400
2025-12-18T15:01+0400
2025-12-18T15:10+0400
հայաստան
կաթողիկոս
եկեղեցի
եպիսկոպոս
https://cdn.am.sputniknews.ru/img/07e9/0b/1b/96308837_0:78:1500:922_1920x0_80_0_0_3fbd3afdea655da7b533519a703131e6.jpg
ԵՐԵՎԱՆ, 18 դեկտեմբերի – Sputnik. Գերագույն հոգևոր խորհրդի մի շարք անդամների լիազորությունները դադարեցվել են։ Այս մասին հայտարարել են Ամենայն հայոց կաթողիկոսի հրաժարականը պահանջող եպիսկոպոսները։Նշվում է, որ սրբազանների մի մասը ԳՀԽ անդամ է ընտրվել 4 տարի ժամկետով՝ 2017 թվականի հունիսի 6-8-ը, Մայր աթոռում հրավիրված Եկեղեցական-ներկայացուցչական ժողովի (ԵՆԺ) կողմից։ Եպիսկոպոսներն ընդգծել են, որ ըստ կանոնադրության՝ 2 տարին մեկ անգամ պետք է հրավիրվի ԵՆԺ, և ԳՀԽ կանոնադրության համաձայն՝ 4 տարին լրացած անդամի լիազորությունները դադարելու դեպքում պետք է կատարվեն ԳՀԽ անդամների նոր ընտրություններ։Կաթողիկոսի հրաժարականը պահանջող եպիսկոպոսները պնդում են, որ Հայ առաքելական եկեղեցու գործադիր իշխանության մարմինը շարունակել է գործել՝ խախտելով ԳՀԽ կանոնադրությունը։ Նրանց խոսքով` ԵՆԺ և ԳՀԽ կանոնադրություններում բացակայում են նաև այն կարգավորումները, որոնք կարող են հիմք ծառայել եկեղեցու բարձրագույն մարմինների ժողովների չհրավիրման համար։Եպիսկոպոսները շեշտում են, որ Գարեգին Բ կաթողիկոսը միանձնյա և կանոնախախտ գործունեություն է իրականացրել, ինչն էլ, ըստ նրանց, հանգեցրել է Մայր Աթոռի ու Հայաստանյայց առաքելական սուրբ եկեղեցու կառավարման ճգնաժամի։Նրանք վերահաստատել են խնդիրների հանգուցալուծումը Ամենայն հայոց կաթողիկոսին հանգստյան կոչելու իրենց պահանջը և ընդգծել՝ անհրաժեշտ է նոր կանոնադրություն մշակել և ընդունել։Եպիսկոպոսները նշել են, թե այս ամենից ելնելով` դեկտեմբերի 18-ին Մայր աթոռ Սուրբ Էջմիածնում Ամենայն հայոց կաթողիկոսի կողմից հրավիրված Գերագույն հոգևոր խորհրդի նիստն անվավեր է, իսկ 2021 թվականից հետո այս մարմնի կայացրած որոշումները կարող են դիտարկվել ոչ իրավաչափ։Կաթողիկոսի հեռացումը պահանջող բարձրաստիճան հոգևորականների խոսքով՝ անհրաժեշտ է անհապաղ դադարեցնել ներկայիս ԳՀԽ գործունեությունը և նոր անդամների նշանակումը մինչև ԵՆ նոր ժողովի հրավիրումը։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, կաթողիկոս, եկեղեցի, եպիսկոպոս
հայաստան, կաթողիկոս, եկեղեցի, եպիսկոպոս
ԳՀԽ մի շարք անդամների լիազորությունները դադարեցվել են․ 10 եպիսկոպոսների հայտարարությունը
15:01 18.12.2025 (Թարմացված է: 15:10 18.12.2025) Գարեգին Երկրորդի հեռացումը պահանջող եպիսկոպոսները պնդում են, որ կաթողիկոսը միանձնյա և կանոնախախտ գործունեություն է իրականացրել, ինչն էլ ըստ իրենց, հանգեցրել է Մայր աթոռի ու Հայաստանյայց առաքելական սուրբ եկեղեցու կառավարման ճգնաժամի։
ԵՐԵՎԱՆ, 18 դեկտեմբերի – Sputnik. Գերագույն հոգևոր խորհրդի մի շարք անդամների լիազորությունները դադարեցվել են։ Այս մասին հայտարարել են Ամենայն հայոց կաթողիկոսի հրաժարականը պահանջող եպիսկոպոսները։
«Դեկտեմբերի 15-ին Ամենայն հայոց կաթողիկոս Գարեգին Բ-ն Գերագույն հոգևոր խորհրդի մի շարք անդամների տեղեկացրել է, որ Հայրապետական տնօրինությամբ դադարեցրել է Գերագույն հոգևոր խորհրդի (ԳՀԽ) կազմում նրանց լիազորությունները՝ չնշելով հիմքերը և պատճառները»,- ասված է հայտարարությունում։
Նշվում է, որ սրբազանների մի մասը ԳՀԽ անդամ է ընտրվել 4 տարի ժամկետով՝ 2017 թվականի հունիսի 6-8-ը, Մայր աթոռում հրավիրված Եկեղեցական-ներկայացուցչական ժողովի (ԵՆԺ) կողմից։ Եպիսկոպոսներն ընդգծել են, որ ըստ կանոնադրության՝ 2 տարին մեկ անգամ պետք է հրավիրվի ԵՆԺ, և ԳՀԽ կանոնադրության համաձայն՝ 4 տարին լրացած անդամի լիազորությունները դադարելու դեպքում պետք է կատարվեն ԳՀԽ անդամների նոր ընտրություններ։
Կաթողիկոսի հրաժարականը պահանջող եպիսկոպոսները պնդում են, որ Հայ առաքելական եկեղեցու գործադիր իշխանության մարմինը շարունակել է գործել՝ խախտելով ԳՀԽ կանոնադրությունը։ Նրանց խոսքով` ԵՆԺ և ԳՀԽ կանոնադրություններում բացակայում են նաև այն կարգավորումները, որոնք կարող են հիմք ծառայել եկեղեցու բարձրագույն մարմինների ժողովների չհրավիրման համար։
Եպիսկոպոսները շեշտում են, որ Գարեգին Բ կաթողիկոսը միանձնյա և կանոնախախտ գործունեություն է իրականացրել, ինչն էլ, ըստ նրանց, հանգեցրել է Մայր Աթոռի ու Հայաստանյայց առաքելական սուրբ եկեղեցու կառավարման ճգնաժամի։
Նրանք վերահաստատել են խնդիրների հանգուցալուծումը Ամենայն հայոց կաթողիկոսին հանգստյան կոչելու իրենց պահանջը և ընդգծել՝ անհրաժեշտ է նոր կանոնադրություն մշակել և ընդունել։
Եպիսկոպոսները նշել են, թե այս ամենից ելնելով` դեկտեմբերի 18-ին Մայր աթոռ Սուրբ Էջմիածնում Ամենայն հայոց կաթողիկոսի կողմից հրավիրված Գերագույն հոգևոր խորհրդի նիստն անվավեր է, իսկ 2021 թվականից հետո այս մարմնի կայացրած որոշումները կարող են դիտարկվել ոչ իրավաչափ։
Կաթողիկոսի հեռացումը պահանջող բարձրաստիճան հոգևորականների խոսքով՝ անհրաժեշտ է անհապաղ դադարեցնել ներկայիս ԳՀԽ գործունեությունը և նոր անդամների նշանակումը մինչև ԵՆ նոր ժողովի հրավիրումը։
