https://arm.sputniknews.ru/20251213/belarusy-hapk-erkrneri-dem-agresian-havasarecrel-e-iren-ughghvats-sparnaliqnerin-96852144.html
Բելառուսը ՀԱՊԿ երկրների դեմ ագրեսիան հավասարեցրել է իրեն ուղղված սպառնալիքներին
Բելառուսը ՀԱՊԿ երկրների դեմ ագրեսիան հավասարեցրել է իրեն ուղղված սպառնալիքներին
Sputnik Արմենիա
Նորացված ռազմական դոկտրինի շրջանակում փոփոխություններ են կատարվել անվտանգության ապահովման մասին օրենքներում։ 13.12.2025, Sputnik Արմենիա
2025-12-13T15:54+0400
2025-12-13T15:54+0400
2025-12-13T15:57+0400
բելառուս
հավաքական անվտանգության պայմանագիր կազմակերպություն (հապկ)
ալեքսանդր լուկաշենկո
https://cdn.am.sputniknews.ru/img/07e9/09/19/93884293_0:0:2874:1617_1920x0_80_0_0_566edd7df91255448844a932a5cf42a1.jpg
ԵՐԵՎԱՆ, 13 դեկտեմբերի – Sputnik. Բելառուսը ՀԱՊԿ անդամ երկրների դեմ ագրեսիան հավասարեցրել է իրեն ուղղված ռազմական սպառնալիքներին։ Համապատասխան օրենքը ստորագրել է նախագահ Ալեքսանդր Լուկաշենկոն։Մասնավորապես ռազմական սպառնալիքների ցանկում ներառված է «Միութենական պետության, Հավաքական անվտանգության պայմանագրի կազմակերպության անդամ պետության դեմ կատարված զինված ագրեսիայի ակտը որևէ պետության կամ պետությունների կոալիցիայի կողմից» կետը:Ըստ այդմ` բելառուսական բանակի խնդիրների մեջ է ներառվել հատկացված ուժերն ու ռեսուրսները օգտագործելու մշտական պատրաստականությունը՝ լուծելու համար այն ճգնաժամային իրավիճակները, որոնք կարող են հանգեցնել զինված հակամարտությունների բռնկման Բելառուսի կամ դաշնակից պետությունների տարածքում։Հիշեցնենք, որ ՀԱՊԿ անդամ են Ռուսաստանը, Հայաստանը, Բելառուսը, Ղազախստանը, Ղրղզստանը և Տաջիկստանը:Հիշեցնենք` 2024 թվականի փետրվարին հայտնի դարձավ, որ Երևանը սառեցրել է իր մասնակցությունը ՀԱՊԿ–ին:ՀՀ վարչապետ Նիկոլ Փաշինյանը մարտի 12-ին չբացառեց, որ ՀՀ–ն կարող է դուրս գալ Հավաքական անվտանգության պայմանագրի կազմակերպությունից, եթե ՀԱՊԿ–ը չպատասխանի Հայաստանի բարձրացրած հարցին` ո՞րն է ՀԱՊԿ–ի պատասխանատվության գոտին Հայաստանում։ ՀԱՊԿ-ը պատասխանեց, որ Հայաստանում իր պատասխանատվության գոտին է համարում երկրի ինքնիշխան տարածքը։ Մայիսի 8-ին ՀՀ ԱԳՆ–ն հայտնեց, որ Հայաստանը չի մասնակցի ՀԱՊԿ–ի գործունեության ֆինանսավորմանը։ Փաշինյանը հունիսի 14–ին Ազգային ժողովում հայտարարեց, որ հաջորդ տրամաբանական քայլը լինելու է ՀԱՊԿ–ից դուրս գալը:Իսկ սեպտեմբերի 18-ին Համաշխարհային հայկական համաժողովի ժամանակ հայտարարեց, որ Հայաստանը ՀԱՊԿ–ի հետ հարաբերություններում մոտ է անդառնալի կետին։ Նրա խոսքով` կազմակերպությունը սպառնալիքներ է ստեղծել երկրի ինքնիշխանության համար։Կրեմլն արձագանքեց Փաշինյանի հայտարարությանը։ ՌԴ նախագահի մամուլի քարտուղար Դմիտրի Պեսկովն ընդգծեց, որ ՀԱՊԿ-ից որևէ վտանգ չի բխում, հակառակը` կազմակերպությունը կոչված է պաշտպանելու իր անդամ երկրների ինքնիշխանությունը։2025 թվականի դեկտեմբերի 27-ին Բիշքեկում ՀԱՊԿ գագաթնաժողովից հետո Վլադիմիր Պուտինն ընդգծեց, որ Հայաստանի դիրքորոշումը երկրի ինքնիշխան ընտրությունն է, ինչը կազմակերպությունում հարգում են։
բելառուս
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
բելառուս, հավաքական անվտանգության պայմանագիր կազմակերպություն (հապկ), ալեքսանդր լուկաշենկո
բելառուս, հավաքական անվտանգության պայմանագիր կազմակերպություն (հապկ), ալեքսանդր լուկաշենկո
Բելառուսը ՀԱՊԿ երկրների դեմ ագրեսիան հավասարեցրել է իրեն ուղղված սպառնալիքներին
15:54 13.12.2025 (Թարմացված է: 15:57 13.12.2025) Նորացված ռազմական դոկտրինի շրջանակում փոփոխություններ են կատարվել անվտանգության ապահովման մասին օրենքներում։
ԵՐԵՎԱՆ, 13 դեկտեմբերի – Sputnik. Բելառուսը ՀԱՊԿ անդամ երկրների դեմ ագրեսիան հավասարեցրել է իրեն ուղղված ռազմական սպառնալիքներին։ Համապատասխան օրենքը ստորագրել է նախագահ Ալեքսանդր Լուկաշենկոն։
Փաստաթղթով փոփոխություններ են կատարվում ռազմական անվտանգության և պաշտպանության ապահովման հարցերին վերաբերող օրենսդրական ակտերում՝ հաշվի առնելով նորացված ռազմական դոկտրինի դրույթները։
Մասնավորապես ռազմական սպառնալիքների ցանկում ներառված է «Միութենական պետության, Հավաքական անվտանգության պայմանագրի կազմակերպության անդամ պետության դեմ կատարված զինված ագրեսիայի ակտը որևէ պետության կամ պետությունների կոալիցիայի կողմից» կետը:
Ըստ այդմ` բելառուսական բանակի խնդիրների մեջ է ներառվել հատկացված ուժերն ու ռեսուրսները օգտագործելու մշտական պատրաստականությունը՝ լուծելու համար այն ճգնաժամային իրավիճակները, որոնք կարող են հանգեցնել զինված հակամարտությունների բռնկման Բելառուսի կամ դաշնակից պետությունների տարածքում։
Հիշեցնենք, որ ՀԱՊԿ անդամ են Ռուսաստանը, Հայաստանը, Բելառուսը, Ղազախստանը, Ղրղզստանը և Տաջիկստանը:
Հիշեցնենք` 2024 թվականի փետրվարին
հայտնի դարձավ, որ Երևանը սառեցրել է իր մասնակցությունը ՀԱՊԿ–ին:
ՀՀ վարչապետ
Նիկոլ Փաշինյանը մարտի 12-ին չբացառեց, որ ՀՀ–ն կարող է դուրս գալ Հավաքական անվտանգության պայմանագրի կազմակերպությունից, եթե ՀԱՊԿ–ը չպատասխանի Հայաստանի բարձրացրած հարցին` ո՞րն է ՀԱՊԿ–ի պատասխանատվության գոտին Հայաստանում։
ՀԱՊԿ-ը պատասխանեց, որ Հայաստանում իր պատասխանատվության գոտին է համարում երկրի ինքնիշխան տարածքը։ Մայիսի 8-ին
ՀՀ ԱԳՆ–ն հայտնեց, որ Հայաստանը չի մասնակցի ՀԱՊԿ–ի գործունեության ֆինանսավորմանը։
Փաշինյանը հունիսի 14–ին Ազգային ժողովում հայտարարեց, որ հաջորդ տրամաբանական քայլը լինելու է ՀԱՊԿ–ից դուրս գալը:
Իսկ սեպտեմբերի 18-ին Համաշխարհային հայկական համաժողովի ժամանակ հայտարարեց, որ
Հայաստանը ՀԱՊԿ–ի հետ հարաբերություններում մոտ է անդառնալի կետին։ Նրա խոսքով` կազմակերպությունը սպառնալիքներ է ստեղծել երկրի ինքնիշխանության համար։
Կրեմլն արձագանքեց Փաշինյանի հայտարարությանը։ ՌԴ նախագահի մամուլի քարտուղար
Դմիտրի Պեսկովն ընդգծեց, որ ՀԱՊԿ-ից որևէ վտանգ չի բխում, հակառակը` կազմակերպությունը կոչված է պաշտպանելու իր անդամ երկրների ինքնիշխանությունը։
2025 թվականի դեկտեմբերի 27-ին Բիշքեկում ՀԱՊԿ գագաթնաժողովից հետո Վլադիմիր Պուտինն ընդգծեց, որ Հայաստանի դիրքորոշումը երկրի ինքնիշխան ընտրությունն է, ինչը կազմակերպությունում հարգում են։
