https://arm.sputniknews.ru/20251212/tailandi-ev-kambvojaji-ghekavarnery-hamadzajnel-en-hradadar-hastatel-tramp-96843952.html
Թաիլանդի և Կամբոջայի ղեկավարները համաձայնել են հրադադար հաստատել. Թրամփ
Թաիլանդի և Կամբոջայի ղեկավարները համաձայնել են հրադադար հաստատել. Թրամփ
Sputnik Արմենիա
Թաիլանդի և Կամբոջայի առաջնորդները հոկտեմբերին հռչակագիր էին ստորագրել կարգավորման մասին, սակայն դեկտեմբերին հակամարտությունը վերսկսվել է: 12.12.2025, Sputnik Արմենիա
2025-12-12T22:46+0400
2025-12-12T22:46+0400
2025-12-12T22:46+0400
թաիլանդ
կամբոջա
բախումներ
դոնալդ թրամփ
ամն
https://cdn.am.sputniknews.ru/img/07e9/0a/0e/94584669_0:84:1600:984_1920x0_80_0_0_7b13e7a6607dd28e53c0be3f616e27d9.jpg
ԵՐԵՎԱՆ,12 դեկտեմբերի – Sputnik. ԱՄՆ նախագահ Դոնալդ Թրամփը հայտարարել է, որ Թաիլանդի և Կամբոջայի առաջնորդները վերջերս կայացած հեռախոսազրույցի ընթացքում համաձայնել են հրադադար հաստատել:Թաիլանդի և Կամբոջայի սահմանամերձ շրջաններում ռազմական գործողությունների սրացումը սկսվել է անցած հանգստյան օրերին։ Կողմերը միմյանց մեղադրել են հրադադարը խախտելու մեջ, Թաիլանդի ռազմաօդային ուժերը ավիահարվածներ են հասցրել։Ավելի վաղ կամբոջական ԶԼՄ-ները հայտնել էին, որ կատաղի մարտերը շարունակվում են թայ-կամբոջական սահմանի ողջ երկայնքով: Վերջին տվյալներով՝ Կամբոջայի սահմանամերձ նահանգների վրա թայլանդացի զինվորականների հարձակումների պատճառով ավելի քան 54,5 հազար մարդ լքել են իրենց տները, Թաիլանդում ընդհանուր առմամբ տարհանվել է 400 հազար բնակիչ, որոնցից 125 հազարը գտնվում են ժամանակավոր տեղակայման կետերում՝ սահմանամերձ նահանգներում:Թաիլանդի և Կամբոջայի միջև սահմանային հակամարտությունը, որը սկսվել էր գարնանը, հուլիսի վերջին վերաճել է ինտենսիվ մարտական բախումների՝ ծանր սպառազինության, հրետանու և ավիացիայի կիրառմամբ: Ռազմական գործողություններն ավարտվել են ԱՄՆ-ի, Չինաստանի և 2025 թվականին ԱՍԵԱՆ-ում նախագահող Մալայզիայի միջնորդությամբ հրադադարի հաստատմամբ։2025 թվականի հոկտեմբերի վերջին Թաիլանդի և Կամբոջայի առաջնորդները հակամարտության կարգավորման մասին հռչակագիր են ստորագրել։ Արարողությունը կայացել է Կուալա Լումպուրում՝ ԱՍԵԱՆ-ի գագաթնաժողովի շրջ անակում։Համաձայնագրի ստորագրմանը հետևել է գագաթնաժողովին ժամանած ԱՄՆ նախագահ Դոնալդ Թրամփը:
թաիլանդ
կամբոջա
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
թաիլանդ, կամբոջա, բախումներ, դոնալդ թրամփ, ամն
թաիլանդ, կամբոջա, բախումներ, դոնալդ թրամփ, ամն
Թաիլանդի և Կամբոջայի ղեկավարները համաձայնել են հրադադար հաստատել. Թրամփ
Թաիլանդի և Կամբոջայի առաջնորդները հոկտեմբերին հռչակագիր էին ստորագրել կարգավորման մասին, սակայն դեկտեմբերին հակամարտությունը վերսկսվել է:
ԵՐԵՎԱՆ,12 դեկտեմբերի – Sputnik. ԱՄՆ նախագահ Դոնալդ Թրամփը հայտարարել է, որ Թաիլանդի և Կամբոջայի առաջնորդները վերջերս կայացած հեռախոսազրույցի ընթացքում համաձայնել են հրադադար հաստատել:
«Այսօր առավոտյան ես շատ լավ զրույց ունեցա Թաիլանդի վարչապետ Անութին Չանվիրակունի և Կամբոջայի վարչապետ Հուն Մանեթի հետ՝ կապված նրանց վաղեմի հակամարտության չափազանց տխուր վերսկսման հետ։ Նրանք համաձայնել են դադարեցնել բոլոր ռազմական գործողությունները՝ սկսած այս երեկոյից, և վերադառնալ նախնական խաղաղ համաձայնագրին, որը ես նրանց հետ կնքել եմ Մալայզիայի հրաշալի վարչապետ Անվար Իբրահիմի օգնությամբ»,-գրել է Թրամփը Truth Social սոցցանցում։
Թաիլանդի և Կամբոջայի սահմանամերձ շրջաններում ռազմական գործողությունների սրացումը սկսվել է անցած հանգստյան օրերին։ Կողմերը միմյանց մեղադրել են հրադադարը խախտելու մեջ, Թաիլանդի ռազմաօդային ուժերը ավիահարվածներ են հասցրել։
Ավելի վաղ կամբոջական ԶԼՄ-ները հայտնել էին, որ կատաղի մարտերը շարունակվում են թայ-կամբոջական սահմանի ողջ երկայնքով: Վերջին տվյալներով՝ Կամբոջայի սահմանամերձ նահանգների վրա թայլանդացի զինվորականների հարձակումների պատճառով ավելի քան 54,5 հազար մարդ լքել են իրենց տները, Թաիլանդում ընդհանուր առմամբ տարհանվել է 400 հազար բնակիչ, որոնցից 125 հազարը գտնվում են ժամանակավոր տեղակայման կետերում՝ սահմանամերձ նահանգներում:
Թաիլանդի և Կամբոջայի միջև սահմանային հակամարտությունը, որը սկսվել էր գարնանը, հուլիսի վերջին վերաճել է ինտենսիվ մարտական բախումների՝ ծանր սպառազինության, հրետանու և ավիացիայի կիրառմամբ: Ռազմական գործողություններն ավարտվել են ԱՄՆ-ի, Չինաստանի և 2025 թվականին ԱՍԵԱՆ-ում նախագահող Մալայզիայի միջնորդությամբ հրադադարի հաստատմամբ։
2025 թվականի հոկտեմբերի վերջին Թաիլանդի և Կամբոջայի առաջնորդները հակամարտության կարգավորման մասին հռչակագիր են ստորագրել։ Արարողությունը կայացել է Կուալա Լումպուրում՝ ԱՍԵԱՆ-ի գագաթնաժողովի շրջ անակում։Համաձայնագրի ստորագրմանը հետևել է գագաթնաժողովին ժամանած ԱՄՆ նախագահ Դոնալդ Թրամփը:
