Հայաստանում ո՞ւմ են համարում քաղբանտարկյալ. հարցում
13:39 12.12.2025 (Թարմացված է: 15:08 12.12.2025)
Բաժանորդագրվել
Հարցումն իրականացվել է 1001 մարդու շրջանում։
ԵՐԵՎԱՆ, 12 դեկտեմբերի – Sputnik. Հարցվածների 61.3%–ը կարծում է, որ Հայաստանում կան քաղբանտարկյալներ։ Այսօր «Գելափ Ինթերնեշնլ Ասոցիացիայի» հայաստանյան ներկայացուցչության տնօրեն Արամ Նավասարդյանը ներկայացրեց սոցիոլոգիական հարցումների պատասխանը։ Նրա խոսքով` 23%–ը կարծում է, որ քաղբանտարկյալ չկա, իսկ 19.7%–ը դժվարացել է պատասխանել։
Այդ 61.3% տոկոսին խնդրել են պատասխանել` ում են համարում քաղբանտարկյալ։ Ստորև հարցման արդյունքներն են.
64,9%` գործարար Սամվել Կարապետյան,
36,2%` Բագրատ արքեպիսկոպոս Գալստանյան,
33%` Միքայել արքեպիսկոպոս Աջապահյան,
19,4%` Գյումրու քաղաքապետ Վարդան Ղուկասյան,
4,7%` բլոգեր Նարեկ Սամսոնյան,
4,7%` «Սրբազան պայքար» շարժման անդամ Լիդյա Մանթաշյան (հարցման պահին կալանքի տակ է եղել),
3,2%` բլոգեր Վազգեն Սաղաթելյան,
2,9%` Մասիսի քաղաքապետ Դավիթ Համբարձումյան,
1,4%` ՀՀԿ փոխնախագահ Արմեն Աշոտյան։
Նշենք, որ հարցում իրականացվել է 1001 մարդու շրջանում նոյեմբերի 27–ից դեկտեմբերի 5–ը։
