Ձյուն, անձրև, մառախուղ․ ինչ վիճակ է հանրապետության ճանապարհներին
18:25 07.12.2025 (Թարմացված է: 18:26 07.12.2025)
Ջերմուկ. Արխիվային լուսանկար
© Sputnik / provided by Visit Jermuk, an official platform representing the tourist attractions of Jermuk
Բաժանորդագրվել
Միջպետական և հանրապետական նշանակության բոլոր ավտոճանապարհները բաց են։
ԵՐԵՎԱՆ, 7 դեկտեմբերի – Sputnik․ Այսօր հանրապետության տարբեր շրջաններում տեղումներ են ձյան և անձրևի տեսքով։ Ճանապարհային դեպարտամենտից հայտնում են, որ Վարդենյաց լեռնանցքում ձյուն է տեղում և խիտ մառախուղ է․ տեսանելիությունը՝ 2-5 մետր։
Արտաշատի, Թալինի տարածաշրջաններում և Սպիտակի, Դիլիջանի ոլորաններում ևս մառախուղ է, տեսանելիությունը 100-150 մետր է։
Արագածի, Արթիկի տարածաշրջաններում ձնախառն անձրև է, իսկ Մասիսի, Արտաշատի, Արարատի, Եղեգնաձորի, Վայքի, Սիսիանի, Գորիսի, Թալինի, Ախուրյանի, Ապարանի, Սպիտակի, Դիլիջանի, Աբովյանի, Հրազդանի, Սևանի, Գավառի, Մարտունու տարածաշրջաններում՝ անձրև։
Միաժամանակ, միջպետական և հանրապետական նշանակության բոլոր ավտոճանապարհները բաց են, իրականացնում են մաքրման և աղ-ավազով մշակման աշխատանքներ:
Ճանապարհային դեպարտամենտը հորդորում է վարորդներին լինել ուշադիր և երթևեկել բացառապես ձմեռային անվադողերով։
