https://arm.sputniknews.ru/20251204/erevanum-arhamarhel-en-etikan-zakharvovan-eahk-mkh-banakcajin-njuteri-hraparakman-masin-96533383.html
Երևանում արհամարհել են էթիկան. Զախարովան՝ ԵԱՀԿ ՄԽ բանակցային նյութերի հրապարակման մասին
Երևանում արհամարհել են էթիկան. Զախարովան՝ ԵԱՀԿ ՄԽ բանակցային նյութերի հրապարակման մասին
Sputnik Արմենիա
Ռուսաստանը հետևողականորեն ձգտել է ղարաբաղյան հակամարտության քաղաքական-դիվանագիտական կարգավորմանը։ 04.12.2025, Sputnik Արմենիա
2025-12-04T17:23+0400
2025-12-04T17:23+0400
2025-12-04T17:23+0400
մարիա զախարովա
արցախ
ռուսաստան
ղարաբաղյան հակամարտություն
https://cdn.am.sputniknews.ru/img/07e9/0c/04/96525565_0:0:1920:1080_1920x0_80_0_0_20697762940f32ba89f14baf01bb8e6d.jpg
Երևանի կողմից ԵԱՀԿ Մինսկի խմբի համանախագահների աշխատանքային նյութերի և պետությունների ղեկավարների նամակագրության հրապարակումը, առանց շահագրգիռ կողմերի հետ նախնական համաձայնեցման, դիվանագիտական պրակտիկայով սահմանված էթիկական նորմերի խախտում է: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։Դեկտեմբերի 2-ին Հայաստանի կառավարությունը հրապարակեց փաստաթղթեր, որոնց հիման վրա մինչև 2020 թվականը Լեռնային Ղարաբաղի վերաբերյալ բանակցություններ էին վարվում: Նոյեմբերի սկզբին հրապարակումն ազդարարել էր վարչապետ Նիկոլ Փաշինյանը՝ ի պատասխան ընդդիմության պահանջների։Կառավարության կայքում տեղադրված է 13 ֆայլ՝ 2011 թվականին Կազանում քննարկված նախագիծը, 2019 թվականի միջնորդների առաջարկները, երրորդ նախագահ Սերժ Սարգսյանի՝ 2016 թվականի օգոստոսին ՌԴ նախագահ Վլադիմիր Պուտինին ուղղված նամակը և մի շարք այլ նյութեր:Մարիա Զախարովան նշել է, որ այդ փաստաթղթերի հրապարակումից հետո Ռուսաստանը հնարավոր է համարում դրանց մասով հանդես գալ սեփական գնահատականով։ Զախարովայի խոսքով՝ ներկայացված նյութերը հերքում են պաշտոնական Երևանի կողմից վերջին շրջանում առաջ մղվող թեզերը:Զախարովան ընդգծել է, որ Ռուսաստանի դիրքորոշումն անփոփոխ հիմնվում էր երկու առանցքային սկզբունքների միջև հավասարակշռության որոնման վրա՝ Ադրբեջանի Հանրապետության տարածքային ամբողջականությունը հարգելու և Լեռնային Ղարաբաղի բնիկ բնակչության իրավունքներն ու շահերը միջազգայնորեն ճանաչված նորմերով ու չափանիշներով ապահովելու վրա:
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մարիա զախարովա, արցախ, ռուսաստան, ղարաբաղյան հակամարտություն, видео
մարիա զախարովա, արցախ, ռուսաստան, ղարաբաղյան հակամարտություն, видео
Երևանում արհամարհել են էթիկան. Զախարովան՝ ԵԱՀԿ ՄԽ բանակցային նյութերի հրապարակման մասին
Ռուսաստանը հետևողականորեն ձգտել է ղարաբաղյան հակամարտության քաղաքական-դիվանագիտական կարգավորմանը։
Երևանի կողմից ԵԱՀԿ Մինսկի խմբի համանախագահների աշխատանքային նյութերի և պետությունների ղեկավարների նամակագրության հրապարակումը, առանց շահագրգիռ կողմերի հետ նախնական համաձայնեցման, դիվանագիտական պրակտիկայով սահմանված էթիկական նորմերի խախտում է: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Դեկտեմբերի 2-ին Հայաստանի կառավարությունը
հրապարակեց փաստաթղթեր, որոնց հիման վրա մինչև 2020 թվականը Լեռնային Ղարաբաղի վերաբերյալ բանակցություններ էին վարվում: Նոյեմբերի սկզբին հրապարակումն ազդարարել էր վարչապետ Նիկոլ Փաշինյանը՝ ի պատասխան ընդդիմության պահանջների։
Կառավարության կայքում տեղադրված է 13 ֆայլ՝ 2011 թվականին Կազանում քննարկված նախագիծը, 2019 թվականի միջնորդների առաջարկները, երրորդ նախագահ Սերժ Սարգսյանի՝ 2016 թվականի օգոստոսին ՌԴ նախագահ Վլադիմիր Պուտինին ուղղված նամակը և մի շարք այլ նյութեր:
Մարիա Զախարովան նշել է, որ այդ փաստաթղթերի հրապարակումից հետո Ռուսաստանը հնարավոր է համարում դրանց մասով հանդես գալ սեփական գնահատականով։ Զախարովայի խոսքով՝ ներկայացված նյութերը հերքում են պաշտոնական Երևանի կողմից վերջին շրջանում առաջ մղվող թեզերը:
«ՄԱԿ-ի և ԵԱՀԿ-ի հրապարակված փաստաթղթերը, որոնց մշակմանն ու ընդունմանը Ռուսաստանն ակտիվորեն աջակցել է, հաստատում են, որ մեր երկիրը՝ որպես ազգային միջնորդ և Մինսկի խմբի համանախագահ, երեք տասնամյակ հետևողականորեն ձգտել է հասնել Լեռնային Ղարաբաղի հակամարտության քաղաքական-դիվանագիտական կարգավորմանը»,-հայտարարել է նա:
Զախարովան ընդգծել է, որ Ռուսաստանի դիրքորոշումն անփոփոխ հիմնվում էր երկու առանցքային սկզբունքների միջև հավասարակշռության որոնման վրա՝ Ադրբեջանի Հանրապետության տարածքային ամբողջականությունը հարգելու և Լեռնային Ղարաբաղի բնիկ բնակչության իրավունքներն ու շահերը միջազգայնորեն ճանաչված նորմերով ու չափանիշներով ապահովելու վրա:
