Հայաստանում սուր շնչառական վարակների աճ է գրանցվել
19:16 28.11.2025 (Թարմացված է: 19:51 28.11.2025)
© Sputnik / Asatur Yesayants
Բաժանորդագրվել
ՀՎԿԱԿ–ը նշել, որ դեպքերի 80%-ը կազմում է 0-18 տարեկանների խումբը։
ԵՐԵՎԱՆ, 28 նոյեմբերի – Sputnik. ՀՀ-ում շարունակում է արձանագրվել սուր շնչառական վարակներով (ՍՇՎ) պայմանավորված հիվանդացության ակտիվություն: Այս մասին հայտնում է ՀՀ ԱՆ հիվանդությունների վերահսկման և կանխարգելման ազգային կենտրոնը:
Նշվում է, որ ՍՇՎ-ով պայմանավորված հիվանդացության ցուցանիշը նախորդ շաբաթվա համեմատ աճել է 1.2 անգամ։
«Ընդհանուր դեպքերի 80%-ը կազմում է 0-18 տարեկանների խումբը։ ՀՀ–ում շրջանառվում են գրիպի Ա տեսակի H3N2 ենթատեսակի հարուցիչները, իսկ այլ շնչառական վարակներից՝ ռինովիրուսի, բոկավիրուսի, ադենովիրուսի, պարագրիպի հարուցիչները։ Նախադպրոցական, հանրակրթական ուսումնական հաստատություններում սուր շնչառական վարակների սեզոնին ընդառաջ ներդրվել է «համաճարակային ֆիլտր», որի արդյունքում հստակ նշված ցուցիչն անցնելու դեպքում տվյալ դպրոցը կամ ուսումնական հաստատությունն անցնում է հեռավար ուսուցման»,– ասված է հայտարարությունում։
ՀՎԿԱԿ–ը նշել է, որ ուսումնական հաստատություններում ընդհանուր 55635 բացակայություններից 8064–ը պայմանավորված են սուր շնչառական վարակներով։
