https://arm.sputniknews.ru/20251125/shaqarn-arjan-mej-ankanvon-ijnum-bardzranum-e-pastabany-vardan-ghukasjani-vitshaki-masin-96197378.html
Շաքարն արյան մեջ անկանոն իջնում-բարձրանում է․ փաստաբանը՝ Վարդան Ղուկասյանի վիճակի մասին
Շաքարն արյան մեջ անկանոն իջնում-բարձրանում է․ փաստաբանը՝ Վարդան Ղուկասյանի վիճակի մասին
Sputnik Արմենիա
Փաստաբան Զարուհի Փոստանջյանը նշում է, որ Վարդան Ղուկասյանին համակարգված և հետևողական բուժում է անհրաժեշտ։ 25.11.2025, Sputnik Արմենիա
2025-11-25T13:45+0400
2025-11-25T13:45+0400
2025-11-25T13:46+0400
զարուհի փոստանջյան
վարդան ղուկասյան
հիվանդություն
կալանք
https://cdn.am.sputniknews.ru/img/07e9/0b/12/95971087_0:0:1279:719_1920x0_80_0_0_db097577322e8fdac3645d65b0896390.jpg
ԵՐԵՎԱՆ, 25 նոյեմբերի – Sputnik. Գյումրու համայնքապետ Վարդան Ղուկասյանի առողջական վիճակը մտահոգիչ է, նրա շաքարի պարունակությունը անկանոն իջնում-բարձրանում է։ Այս մասին Sputnik Արմենիայի հետ զրույցում ասաց Վարդան Ղուկասյանի փաստաբան Զարուհի Փոստանջյանը։«Լուրջ հիվանդություններ ունի պարոն Ղուկասյանը, որոնք անհամատեղելի են կալանքի հետ։ Պետությունն իր պարտականությունները չի կատարում, հետևողականորեն և համակարգված մերժում է նրան բժշկական օգնություն տրամադրելու իրավունքը։ Նրան չեն տեղափոխում հիվանդանոց։ Նա տառապում է 2-րդ տիպի դիաբետով, որն ունի լաբիլ ընթացք։ Հենց իմ պահանջով օրեր առաջ բուժքույրը չափեց նրա շաքարի պարունակությունն արյան մեջ, հասել էր 20-ի, բայց երեկ էլ իջել էր մինչև 3։ Այս պարագայում մարդը կարող է կոմայի մեջ ընկնել։ Ինքն է իր վիճակը կարգավորում համապատասխան դեղորայքով, այնինչ դա պետք է լինի էնդոկրինոլոգի վերահսկողությամբ»,- նշեց Փոստանջյանը։Փաստաբանը նաև շեշտեց, որ Վարդան Ղուկասյանի մոտ ախտորոշված է նաև աորտայի անևրիզմա, ինչը շատ վտանգավոր է։ Ընդգծեց՝ դրա պատռվածքի դեպքում, հավանականությունը, որ հնարավոր կլինի մարդու կյանք փրկել՝ քիչ է։ Փոստանջյանը նաև վստահեցրեց՝ հենց Սուրբ Գրիգոր Լուսավորիչ հիվանդանոցից են ասել, որ պարտադիր է հիվանդանոցային բուժումը։ Վարդան Ղուկասյանին նաև սրտամկանի հետ կապված կոնտրաստային ԿՏ է անհրաժեշտ, որպեսզի պարզվեն չափերը՝ որքան է մեծացած և ինչ բուժում է պետք դրա համար։Նա ընդգծեց՝ խուցը, որտեղ պահվում է Ղուկասյանը, 15 քմ է, ունի 2 պատուհան, 1 սանհանգույց, որը խցից առանձնանում է վարագույրով։ Այդ խցում 4 մարդ կա, որոնցից 2-ը ծխող են, ինչն, ըստ փաստաբանի, վնաս է Ղուկասյանի առողջությանը։Հիշեցնենք՝ հոկտեմբերի 20-ին ուժայինները ներխուժեցին Գյումրու քաղաքապետարան, որպեսզի բերման ենթարկեն համայնքապետ Վարդան Ղուկասյանին։ Հակակոռուպցիոն կոմիտեն հայտարարեց, որ 8 անձ է ձերբակալվել մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։ Հոկտեմբերի 21-ի առավոտյան Գյումրու համայնքապետ Վարդան Ղուկասյանը կալանավորվեց 2 ամսով։Հոկտեմբերի 26-ին հայտնի դարձավ, որ Ղուկասյանին նոր մեղադրանք է առաջադրվել Հայաստանի` այլ երկրների հետ միություն կազմելու վերաբերյալ մտքերի համար։ ՔԿ–ն նոյեմբերի 21-ին հայտնեց, որ նրա նկատմամբ հանրային քրեական հետապնդում է հարուցվել նաև ՔՕ 297-րդ հոդվածի 2-րդ մասի 1-ին և 3-րդ կետերով (մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով կատարված խուլիգանությունը։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
զարուհի փոստանջյան, վարդան ղուկասյան, հիվանդություն, կալանք
զարուհի փոստանջյան, վարդան ղուկասյան, հիվանդություն, կալանք
Շաքարն արյան մեջ անկանոն իջնում-բարձրանում է․ փաստաբանը՝ Վարդան Ղուկասյանի վիճակի մասին
13:45 25.11.2025 (Թարմացված է: 13:46 25.11.2025) Փաստաբան Զարուհի Փոստանջյանը նշում է, որ Վարդան Ղուկասյանին համակարգված և հետևողական բուժում է անհրաժեշտ։
ԵՐԵՎԱՆ, 25 նոյեմբերի – Sputnik. Գյումրու համայնքապետ Վարդան Ղուկասյանի առողջական վիճակը մտահոգիչ է, նրա շաքարի պարունակությունը անկանոն իջնում-բարձրանում է։ Այս մասին
Sputnik Արմենիայի հետ զրույցում ասաց Վարդան Ղուկասյանի փաստաբան Զարուհի Փոստանջյանը։
«Լուրջ հիվանդություններ ունի պարոն Ղուկասյանը, որոնք անհամատեղելի են կալանքի հետ։ Պետությունն իր պարտականությունները չի կատարում, հետևողականորեն և համակարգված մերժում է նրան բժշկական օգնություն տրամադրելու իրավունքը։ Նրան չեն տեղափոխում հիվանդանոց։ Նա տառապում է 2-րդ տիպի դիաբետով, որն ունի լաբիլ ընթացք։ Հենց իմ պահանջով օրեր առաջ բուժքույրը չափեց նրա շաքարի պարունակությունն արյան մեջ, հասել էր 20-ի, բայց երեկ էլ իջել էր մինչև 3։ Այս պարագայում մարդը կարող է կոմայի մեջ ընկնել։ Ինքն է իր վիճակը կարգավորում համապատասխան դեղորայքով, այնինչ դա պետք է լինի էնդոկրինոլոգի վերահսկողությամբ»,- նշեց Փոստանջյանը։
Փաստաբանը նաև շեշտեց, որ Վարդան Ղուկասյանի մոտ ախտորոշված է նաև աորտայի անևրիզմա, ինչը շատ վտանգավոր է։ Ընդգծեց՝ դրա պատռվածքի դեպքում, հավանականությունը, որ հնարավոր կլինի մարդու կյանք փրկել՝ քիչ է։ Փոստանջյանը նաև վստահեցրեց՝ հենց Սուրբ Գրիգոր Լուսավորիչ հիվանդանոցից են ասել, որ պարտադիր է հիվանդանոցային բուժումը։ Վարդան Ղուկասյանին նաև սրտամկանի հետ կապված կոնտրաստային ԿՏ է անհրաժեշտ, որպեսզի պարզվեն չափերը՝ որքան է մեծացած և ինչ բուժում է պետք դրա համար։
«Այդ խորհրդատվությունը մինչ այս պահը չի իրականացվել, այնինչ, նոյեմբերի 7-ին է տրվել այդ ախտորոշումը։ Այս փաստաթղթերը և՛ դատարանին է ներկայացված, և՛ առողջապահության նախարարությանը, և քրեակատարողական հիմնարկին։ ՔԿՀ-ում պայմաններն այնպիսին են, որ մեկ հիվանդությունն էլ կարող է մահվան հանգեցնել»,- ասաց Փոստանջյանը։
Նա ընդգծեց՝ խուցը, որտեղ պահվում է Ղուկասյանը, 15 քմ է, ունի 2 պատուհան, 1 սանհանգույց, որը խցից առանձնանում է վարագույրով։ Այդ խցում 4 մարդ կա, որոնցից 2-ը ծխող են, ինչն, ըստ փաստաբանի, վնաս է Ղուկասյանի առողջությանը։
Հիշեցնենք՝ հոկտեմբերի 20-ին ուժայինները ներխուժեցին
Գյումրու քաղաքապետարան, որպեսզի բերման ենթարկեն համայնքապետ Վարդան Ղուկասյանին։
Հակակոռուպցիոն կոմիտեն հայտարարեց, որ 8 անձ է ձերբակալվել մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։ Հոկտեմբերի 21-ի առավոտյան Գյումրու համայնքապետ Վարդան Ղուկասյանը
կալանավորվեց 2 ամսով։
Հոկտեմբերի 26-ին հայտնի դարձավ, որ Ղուկասյանին
նոր մեղադրանք է առաջադրվել Հայաստանի` այլ երկրների հետ միություն կազմելու վերաբերյալ մտքերի համար։ ՔԿ–ն նոյեմբերի 21-ին
հայտնեց, որ նրա նկատմամբ հանրային քրեական հետապնդում է հարուցվել նաև ՔՕ 297-րդ հոդվածի 2-րդ մասի 1-ին և 3-րդ կետերով (մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով կատարված խուլիգանությունը։
