https://arm.sputniknews.ru/20251121/hh-karavarutjuny-nvor-orinagits-e-patrastum-nerdrumneri-masin-manramasner-96099647.html
ՀՀ կառավարությունը նոր օրինագիծ է պատրաստում ներդրումների մասին. մանրամասներ
ՀՀ կառավարությունը նոր օրինագիծ է պատրաստում ներդրումների մասին. մանրամասներ
Sputnik Արմենիա
Օրինագծում ամրագրվում են ներդրողների նկատմամբ խտրականությունը, ինչպես նաև գույքից զրկելը կանխելու երաշխիքներ։ 21.11.2025, Sputnik Արմենիա
2025-11-21T17:06+0400
2025-11-21T17:06+0400
2025-11-21T17:08+0400
ներդրում
օրենք
հհ կառավարություն
հայաստան
տնտեսություն
https://cdn.am.sputniknews.ru/img/2265/39/22653919_0:0:1600:901_1920x0_80_0_0_07b9da597ab42e89ef0beafd54735c60.jpg
ԵՐԵՎԱՆ, 21 նոյեմբերի - Sputnik. Հայաստանի կառավարությունը «Ներդրումների մասին» նոր օրինագիծ է պատրաստում։ Այս մասին ՀՀ ֆինանսների նախարար Վահե Հովհաննիսյանը հայտարարել է Հայաստանում աշխատանքի արտադրողականության և տնտեսական մրցակցության վերաբերյալ Համաշխարհային բանկի զեկույցի շնորհանդեսի ժամանակ:Նշենք, որ նախագծում, որն ավելի վաղ հրապարակվել էր օրինագծերի քննարկման հարթակում, ամրագրվում են ներդրողների նկատմամբ խտրականությունը, ինչպես նաև գույքից զրկելը կանխելու երաշխիքներ: Դրա հետ մեկտեղ նշվում են բացառիկ դեպքեր, երբ այն կարող է իրականացվել պետության կողմից։ Օրենքը նաև կսահմանի ատյաններ ներդրումային վեճերը լուծելու համար:Որպես հիմնավորում նշվում է, որ 1994 թվականին ընդունված «Օտարերկրյա ներդրումների մասին» օրենքը նախ հնացած է, երկրորդ՝ չի կարգավորում տեղական (ոչ արտասահմանյան) բիզնեսի ներդրումները։ՀՀ–ն և աշխարհում ամենամեծ հիմնադրամներից մեկը քննարկել են ներդրումների հնարավորությունըԲացի այդ, ինչպես նշել է Հովհաննիսյանը, բիզնեսը բողոքում է հարկային օրենսդրության հաճախակի և հաճախ անկանխատեսելի փոփոխություններից։Ընդունելով դա՝ ֆինանսների նախարարությունը որոշել է հարկային փոփոխությունների փաթեթը ձևավորել տարեկան մեկ անգամ՝ ներդաշնակեցնելով բյուջեի ընդունման գործընթացին։Խոսելով հարկային քաղաքականության մասով իր ղեկավարած նախարարության մոտեցումների մասին՝ Հովհաննիսյանը նշել է, որ այս փուլում կառավարությունը նպատակահարմար չի համարում բարձրացնել հարկային դրույքաչափերը. բիզնեսին պետք է նոր ներդրումների և արդյունավետության բարձրացման հնարավորություն տալ: Նույն նպատակով նախարարությունը կներկայացնի արտադրական սարքավորումների արագացված ամորտիզացիայի (հաշվետվություններում ծախսերի դուրսգրման) վերաբերյալ նախագիծ (որպեսզի բիզնեսին ֆինանսապես ավելի ձեռնտու լինի հնարավորինս հաճախ թարմացնել իր սարքավորումները):ՀՀ–ում արտասահմանյան ներդրումները նվազել են. հիմնական անկումը եղել է ՌԴ-ից և օֆշորներիցԱվելի վաղ հաղորդվել էր, որ օտարերկրյա ներդրումների զուտ ներհոսքը Հայաստան 2025 թվականի առաջին կիսամյակում կազմել է մոտ 48 մլրդ դրամ (125 մլն դոլար)։ Այս մասին են վկայում ՀՀ վիճակագրական կոմիտեի տվյալները։ 2024 թվականի առաջին կիսամյակում այդ ցուցանիշը կազմել է 107,2 մլրդ դրամ (279 մլն դոլար)։ Հայաստանում օտարերկրյա ներդրումները նվազել են, հիմնական անկումը Ռուսաստանից ու օֆշորներից մուտքերի նվազումն է։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ներդրում, օրենք, հհ կառավարություն, հայաստան, տնտեսություն
ներդրում, օրենք, հհ կառավարություն, հայաստան, տնտեսություն
ՀՀ կառավարությունը նոր օրինագիծ է պատրաստում ներդրումների մասին. մանրամասներ
17:06 21.11.2025 (Թարմացված է: 17:08 21.11.2025) Օրինագծում ամրագրվում են ներդրողների նկատմամբ խտրականությունը, ինչպես նաև գույքից զրկելը կանխելու երաշխիքներ։
ԵՐԵՎԱՆ, 21 նոյեմբերի - Sputnik. Հայաստանի կառավարությունը «Ներդրումների մասին» նոր օրինագիծ է պատրաստում։ Այս մասին ՀՀ ֆինանսների նախարար Վահե Հովհաննիսյանը հայտարարել է Հայաստանում աշխատանքի արտադրողականության և տնտեսական մրցակցության վերաբերյալ Համաշխարհային բանկի զեկույցի շնորհանդեսի ժամանակ:
Նշենք, որ նախագծում, որն ավելի վաղ հրապարակվել էր օրինագծերի քննարկման հարթակում, ամրագրվում են ներդրողների նկատմամբ խտրականությունը, ինչպես նաև գույքից զրկելը կանխելու երաշխիքներ: Դրա հետ մեկտեղ նշվում են բացառիկ դեպքեր, երբ այն կարող է իրականացվել պետության կողմից։ Օրենքը նաև կսահմանի ատյաններ ներդրումային վեճերը լուծելու համար:
Որպես հիմնավորում նշվում է, որ 1994 թվականին ընդունված «Օտարերկրյա ներդրումների մասին» օրենքը նախ հնացած է, երկրորդ՝ չի կարգավորում տեղական (ոչ արտասահմանյան) բիզնեսի ներդրումները։
Բացի այդ, ինչպես նշել է Հովհաննիսյանը, բիզնեսը բողոքում է հարկային օրենսդրության հաճախակի և հաճախ անկանխատեսելի փոփոխություններից։
Ընդունելով դա՝ ֆինանսների նախարարությունը որոշել է հարկային փոփոխությունների փաթեթը ձևավորել տարեկան մեկ անգամ՝ ներդաշնակեցնելով բյուջեի ընդունման գործընթացին։
«Կա նաև քննադատություն, որ օրինագծերը բավարար չափով չեն քննարկվում շուկայի մասնակիցների հետ։ Մենք ցանկանում ենք լրացնել այդ բացը», – ասել է նախարարը։
Խոսելով հարկային քաղաքականության մասով իր ղեկավարած նախարարության մոտեցումների մասին՝ Հովհաննիսյանը նշել է, որ այս փուլում կառավարությունը նպատակահարմար չի համարում բարձրացնել հարկային դրույքաչափերը. բիզնեսին պետք է նոր ներդրումների և արդյունավետության բարձրացման հնարավորություն տալ: Նույն նպատակով նախարարությունը կներկայացնի արտադրական սարքավորումների արագացված ամորտիզացիայի (հաշվետվություններում ծախսերի դուրսգրման) վերաբերյալ նախագիծ (որպեսզի բիզնեսին ֆինանսապես ավելի ձեռնտու լինի հնարավորինս հաճախ թարմացնել իր սարքավորումները):
Ավելի վաղ հաղորդվել էր, որ օտարերկրյա ներդրումների զուտ ներհոսքը Հայաստան 2025 թվականի առաջին կիսամյակում կազմել է մոտ 48 մլրդ դրամ (125 մլն դոլար)։ Այս մասին են վկայում ՀՀ վիճակագրական կոմիտեի տվյալները։ 2024 թվականի առաջին կիսամյակում այդ ցուցանիշը կազմել է 107,2 մլրդ դրամ (279 մլն դոլար)։ Հայաստանում օտարերկրյա ներդրումները նվազել են, հիմնական անկումը Ռուսաստանից ու օֆշորներից մուտքերի նվազումն է։
