https://arm.sputniknews.ru/20251118/mir-qarteri-hamakargum-qnnarkvum-en-kensachapakan-vtsharumneri-herankarnery-95933914.html
«Միր» քարտերի համակարգում քննարկվում են կենսաչափական վճարումների հեռանկարները
«Միր» քարտերի համակարգում քննարկվում են կենսաչափական վճարումների հեռանկարները
Sputnik Արմենիա
Անհրաժեշտ է հանրությանը հնարավորինս բացատրել, թե ինչ է կենսաչափությունը ֆինանսների մեջ, որպեսզի բիզնեսը և քաղաքացիները դրա հուսալիության վերաբերյալ կասկածներ... 18.11.2025, Sputnik Արմենիա
2025-11-18T08:55+0400
2025-11-18T08:55+0400
2025-11-18T08:55+0400
«միր» քարտ
ռուսաստան
բանկ
https://cdn.am.sputniknews.ru/img/07e9/0b/0e/95858069_0:36:1500:880_1920x0_80_0_0_36bbce190c4cebde37b2d8e3d60dd549.jpg
ԵՐԵՎԱՆ, 18 նոյեմբերի - Sputnik. «Միր» վճարային համակարգը քննարկում է կենսաչափական վճարումների ներդրման հեռանկարները։ Այս մասին լրագրողներին հայտնել է Ազգային վճարային քարտերի համակարգի (ռուսական «Միր» վճարային քարտերի համակարգի օպերատոր) գործադիր տնօրեն Դմիտրի Դուբինինը նոյեմբերի 11-12-ը Երևանում կայացած ՊԼԱՍ միջազգային ֆինանսական ֆորումի արդյունքներով։Հարցին, թե հետաքրքիր է արդյոք կենսաչափական վճարումների հնարավորությունը (լինի դա մատնահետքերի կամ այլ եզակի կենսաչափական տվյալների միջոցով-խմբ.) ռուսական բիզնեսին (բանկերին, մարկետփլեյսներին և այլ շահագրգիռ կողմերին), Դուբինինը դրական պատասխան է տվել՝ հավելելով, որ ընկերությունը քննարկում է տարբերակները և միջնաժամկետ հեռանկարում աշխատում է դրանց համար լուծումների վրա:Հարցն այն է, որ կենսաչափության հարցում հասարակության մեջ շատ է անվստահությունն ու կասկածը. որքան ուժեղ են դրանք, այդքան շատ է տեղեկատվական վակուումը, հավելել է նա։Երկարաժամկետ հեռանկարում ընկերությունը նաև ուսումնասիրում է հետքվանտային գաղտնագրության տեխնոլոգիաները, այսինքն՝ անձնական և ֆինանսական տվյալների պաշտպանության այնպիսի մակարդակ, որը հաշվի կառնի քվանտային համակարգիչների և դրանց հաշվողական հզորությունների առաջացումը, որոնք կարող են օգտագործել ոչ միայն շուկայի բարեխիղճ մասնակիցները, այլև խաբեբաները:Նա հավելել է, որ ընկերությունն արդեն հավաքագրել է տեխնոլոգիական մասնագետների թիմ և աշխատանքային խմբեր է ձևավորել ռուսաստանյան շուկայի մասնակիցների հետ։ Այնուամենայնիվ, ընկերությունը պատրաստ է նաև կիսվել իր փորձով հայ գործընկերների հետ։Ավելացնենք՝ ըստ տվյալների, որը ներկայացրել է Ռուսաստանի բանկի Ազգային վճարային համակարգերի վարչության տնօրեն Ալլա Բակինան, նոր վճարային տեխնոլոգիաների (կամ վճարումների ընդունման) պահանջարկը ռուսական շուկայում կայուն աճում է։ 2024 թվականին պայմանականորեն ասած ՝ ոչ հիմնական վճարային մեթոդները (այսինքն՝ վճարումները QR կոդերի, Bluetooth-ի և այլ տեխնոլոգիաների միջոցով, որոնք դեռևս չեն համարվում ֆինանսական շուկայում հիմնական) կազմել են գործարքների 6%-ը, իսկ 2025 թվականի սկզբին այս ցուցանիշը հասել է 14%-ի:
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
«միր» քարտ, ռուսաստան, բանկ
«միր» քարտ, ռուսաստան, բանկ
«Միր» քարտերի համակարգում քննարկվում են կենսաչափական վճարումների հեռանկարները
Անհրաժեշտ է հանրությանը հնարավորինս բացատրել, թե ինչ է կենսաչափությունը ֆինանսների մեջ, որպեսզի բիզնեսը և քաղաքացիները դրա հուսալիության վերաբերյալ կասկածներ չունենան, հավելել է մասնագետը:
ԵՐԵՎԱՆ, 18 նոյեմբերի - Sputnik. «Միր» վճարային համակարգը քննարկում է կենսաչափական վճարումների ներդրման հեռանկարները։ Այս մասին լրագրողներին հայտնել է Ազգային վճարային քարտերի համակարգի (ռուսական «Միր» վճարային քարտերի համակարգի օպերատոր) գործադիր տնօրեն Դմիտրի Դուբինինը նոյեմբերի 11-12-ը Երևանում կայացած ՊԼԱՍ միջազգային ֆինանսական ֆորումի արդյունքներով։
Հարցին, թե հետաքրքիր է արդյոք կենսաչափական վճարումների հնարավորությունը (լինի դա մատնահետքերի կամ այլ եզակի կենսաչափական տվյալների միջոցով-խմբ.) ռուսական բիզնեսին (բանկերին, մարկետփլեյսներին և այլ շահագրգիռ կողմերին), Դուբինինը դրական պատասխան է տվել՝ հավելելով, որ ընկերությունը քննարկում է տարբերակները և միջնաժամկետ հեռանկարում աշխատում է դրանց համար լուծումների վրա:
Հարցն այն է, որ կենսաչափության հարցում հասարակության մեջ շատ է անվստահությունն ու կասկածը. որքան ուժեղ են դրանք, այդքան շատ է տեղեկատվական վակուումը, հավելել է նա։
«Այդ պատճառով մենք պայմանավորվել ենք, որ դրանով կզբաղվենք շուկայի մասնակիցների հետ, կպատմենք ինչպես կենսաչափության, այնպես էլ ցանկացած այլ տեխնոլոգիաների, դրանց դրական և բացասական կողմերի, դրանց կիրառման ժամանակ ճշտության պահպանման մասին», - հավելել է Դուբինինը:
Երկարաժամկետ հեռանկարում ընկերությունը նաև ուսումնասիրում է հետքվանտային գաղտնագրության տեխնոլոգիաները, այսինքն՝ անձնական և ֆինանսական տվյալների պաշտպանության այնպիսի մակարդակ, որը հաշվի կառնի քվանտային համակարգիչների և դրանց հաշվողական հզորությունների առաջացումը, որոնք կարող են օգտագործել ոչ միայն շուկայի բարեխիղճ մասնակիցները, այլև խաբեբաները:
«Շատ կարևոր է սկսել արդեն հիմա մշակել այդ բոլոր լուծումները, որպեսզի այն պահին, երբ այդ տեխնոլոգիաները հասանելի դառնան նրանց, մենք կարողանանք դիմակայել։ Ըստ մեր զգացողությունների, այդ բոլոր գործընթացները կարող են տեղի ունենալ 2030-ից հետո, բայց մենք ունենք ճանապարհային քարտեզ, որով մենք անցնելու ենք նոր, ավելի բարդ գաղտնագրության», - ասել է Դուբինինը:
Նա հավելել է, որ ընկերությունն արդեն հավաքագրել է տեխնոլոգիական մասնագետների թիմ և աշխատանքային խմբեր է ձևավորել ռուսաստանյան շուկայի մասնակիցների հետ։ Այնուամենայնիվ, ընկերությունը պատրաստ է նաև կիսվել իր փորձով հայ գործընկերների հետ։
Ավելացնենք՝ ըստ տվյալների, որը ներկայացրել է Ռուսաստանի բանկի Ազգային վճարային համակարգերի վարչության տնօրեն Ալլա Բակինան, նոր վճարային տեխնոլոգիաների (կամ վճարումների ընդունման) պահանջարկը ռուսական շուկայում կայուն աճում է։ 2024 թվականին պայմանականորեն ասած ՝ ոչ հիմնական վճարային մեթոդները (այսինքն՝ վճարումները QR կոդերի, Bluetooth-ի և այլ տեխնոլոգիաների միջոցով, որոնք դեռևս չեն համարվում ֆինանսական շուկայում հիմնական) կազմել են գործարքների 6%-ը, իսկ 2025 թվականի սկզբին այս ցուցանիշը հասել է 14%-ի:
