https://arm.sputniknews.ru/20251118/hajastany-kdimi-rusastanin-artahandznelu-gevvorg-kvostanjanin-ev-vahagn-harutjunjanin-95956065.html
Հայաստանը կդիմի Ռուսաստանին` արտահանձնելու Գևորգ Կոստանյանին և Վահագն Հարությունյանին
Հայաստանը կդիմի Ռուսաստանին` արտահանձնելու Գևորգ Կոստանյանին և Վահագն Հարությունյանին
Sputnik Արմենիա
Գևորգ Կոստանյանը «Մարտի 1»-ի գործով ներգրավվել էր որպես մեղադրյալ դեռ 2019-ի նոյեմբերի 24-ին: 18.11.2025, Sputnik Արմենիա
2025-11-18T13:58+0400
2025-11-18T13:58+0400
2025-11-18T14:42+0400
գևորգ կոստանյան
արտահանձնում
հետախուզվող
հետախուզում
հայաստան
«մարտի 1»-ի գործը
https://cdn.am.sputniknews.ru/img/1529/32/15293237_0:0:1600:901_1920x0_80_0_0_bd1504f6a08cf3100920662424205421.jpg
ԵՐԵՎԱՆ, 18 նոյեմբերի – Sputnik. ՀՀ գլխավոր դատախազությունը պատրաստվում է դիմել Ռուսաստանին` արտահանձնելու ՀՀ նախկին գլխավոր դատախազ Գևորգ Կոստանյանին և «Մարտի 1–ի» գործի հետ կապված քննչական խմբի ղեկավար Վահագն Հարությունյանին։ Այս մասին այսօր «Մարտի 1-ի» թեմայով Ազգային ժողովում տեղի ունեցած հանրային քննարկման ժամանակ հայտարարեց ՀՀ գլխավոր դատախազ Աննա Վարդապետյանը։Նրա խոսքով` Վահագն Հարությունյանն ու Գևորգ Կոստանյանը մեղադրվում են 2008 թ. մարտի 1–ից հետո` հետագայում, պաշտոնեական դիրքի չարաշահման, ապացույցների կեղծման և գործի քննությունը խեղաթյուրելու դրվագներով։Ինչ վերաբերում է այն հարցին, թե ինչ հիմքով է ՌԴ-ն մերժում արտահանձնել իրենց երկրում գտնվող և մի շարք գործերով անցնող անձանց, գլխավոր դատախազը նշեց՝ մի շարք անձանց մասով՝ քաղաքացիության հիմքով։«Ինչպես մենք, այնպես էլ այլ երկրներն իրենց քաղաքացիներին չեն արտահանձնում։ Ոչ միայն «Մարտի 1»-ի գործով, մի շարք այլ կոռուպցիոն գործերով էլ ունենք նախկին պաշտոնյաներ, որոնք հետագայում պարզվել է՝ ՌԴ քաղաքացի են։ Բնականաբար, ՌԴ-ն իր քաղաքացիներին չի հանձնում»,- նշեց Վարդապետյանը։Նրա խոսքով՝ այստեղ որպես իրավական հակակշիռ 2022թ․ուժի մեջ մտած «Քրեական դատավարության օրենսգրքով» նախատեսվել է հեռակա դատավարությունը։ Հայաստանը Ռուսաստանի հետ իր հարաբերությունները չի սրում. ՀՀ փոխարտգործնախարարԱյլ գործերով հետախուզման մեջ գտնվող մի շարք մեղադրյալների վերաբերյալ կան հեռակա դատավարություններ։Հիշեցնենք, որ դեռ 2021 թ. Ինտերպոլը մերժել էր հետախուզում հայտարարել Գևորգ Կոստանյանի նկատմամբ` «Մարտի 1»-ի գործով նրան առաջադրված մեղադրանքը քաղաքական համարելով։ Ինտերպոլն այդ մասին դեռ 2020-ի ապրիլի 10-ին է գրություն ուղարկել ՀՀ ինտերպոլի ազգային բյուրոյին։ Բացի այդ, Ինտերպոլն այլ երկրներում եղած իր ստորաբաժանումներին գրություն էր ուղարկել` ասելով, որ բազայից հեռացնեն Կոստանյանի վերաբերյալ նյութերը, այսինքն` նա ազատ տեղաշարժի իրավունք ունի։Կոստանյանը «Մարտի 1»-ի գործով ներգրավվել էր որպես մեղադրյալ դեռ 2019-ի նոյեմբերի 24-ին: ՀՀ հատուկ քննչական ծառայությունը նրան 48 ժամ էր տվել՝ վարույթն իրականացնող մարմին ներկայանալու համար: 48 ժամը լրանալուց հետո ՀՔԾ-ն նրա նկատմամբ հայտարարել էր հետախուզում, խափանման միջոց է ընտրվել կալանավորումը։Հայաստանը Ռուսաստանի հետ իր հարաբերությունները չի սրում. ՀՀ փոխարտգործնախարար
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գևորգ կոստանյան, արտահանձնում, հետախուզվող, հետախուզում, հայաստան, «մարտի 1»-ի գործը
գևորգ կոստանյան, արտահանձնում, հետախուզվող, հետախուզում, հայաստան, «մարտի 1»-ի գործը
Հայաստանը կդիմի Ռուսաստանին` արտահանձնելու Գևորգ Կոստանյանին և Վահագն Հարությունյանին
13:58 18.11.2025 (Թարմացված է: 14:42 18.11.2025) Գևորգ Կոստանյանը «Մարտի 1»-ի գործով ներգրավվել էր որպես մեղադրյալ դեռ 2019-ի նոյեմբերի 24-ին:
ԵՐԵՎԱՆ, 18 նոյեմբերի – Sputnik. ՀՀ գլխավոր դատախազությունը պատրաստվում է դիմել Ռուսաստանին` արտահանձնելու ՀՀ նախկին գլխավոր դատախազ Գևորգ Կոստանյանին և «Մարտի 1–ի» գործի հետ կապված քննչական խմբի ղեկավար Վահագն Հարությունյանին։ Այս մասին այսօր «Մարտի 1-ի» թեմայով Ազգային ժողովում տեղի ունեցած հանրային քննարկման ժամանակ հայտարարեց ՀՀ գլխավոր դատախազ Աննա Վարդապետյանը։
Նրա խոսքով` Վահագն Հարությունյանն ու Գևորգ Կոստանյանը մեղադրվում են 2008 թ. մարտի 1–ից հետո` հետագայում, պաշտոնեական դիրքի չարաշահման, ապացույցների կեղծման և գործի քննությունը խեղաթյուրելու դրվագներով։
«Մեր ունեցած տվյալներով` նրանք գտնվում են Ռուսաստանի Դաշնությունում։ Ռուսաստանի հետ մենք աշխատում ենք բազմակողմ պայմանագրի շրջանակում, այս պահին դա Քիշնևի կոնվենցիան է, սակայն այս պահին չունենք ռուսական կողմի համաձայնությունը` այս անձանց արտահանձնելու։ ՀՀ դատախազությունը կրկին առաջիկայում հանձնման միջնորդություն է ուղարկելու ՌԴ` խնդրելով նորից դիտարկել նախկինում մերժված հանձնումը»,– ԱԺ–ում հայտարարեց Վարդապետյանը։
Ինչ վերաբերում է այն հարցին, թե ինչ հիմքով է ՌԴ-ն մերժում արտահանձնել իրենց երկրում գտնվող և մի շարք գործերով անցնող անձանց, գլխավոր դատախազը նշեց՝ մի շարք անձանց մասով՝ քաղաքացիության հիմքով։
«Ինչպես մենք, այնպես էլ այլ երկրներն իրենց քաղաքացիներին չեն արտահանձնում։ Ոչ միայն «Մարտի 1»-ի գործով, մի շարք այլ կոռուպցիոն գործերով էլ ունենք նախկին պաշտոնյաներ, որոնք հետագայում պարզվել է՝ ՌԴ քաղաքացի են։ Բնականաբար, ՌԴ-ն իր քաղաքացիներին չի հանձնում»,- նշեց Վարդապետյանը։
Նրա խոսքով՝ այստեղ որպես իրավական հակակշիռ 2022թ․ուժի մեջ մտած «Քրեական դատավարության օրենսգրքով» նախատեսվել է հեռակա դատավարությունը։
Այլ գործերով հետախուզման մեջ գտնվող մի շարք մեղադրյալների վերաբերյալ կան հեռակա դատավարություններ։
Հիշեցնենք, որ դեռ 2021 թ. Ինտերպոլը մերժել էր հետախուզում հայտարարել Գևորգ Կոստանյանի նկատմամբ` «Մարտի 1»-ի գործով նրան առաջադրված մեղադրանքը քաղաքական համարելով։ Ինտերպոլն այդ մասին դեռ 2020-ի ապրիլի 10-ին է գրություն ուղարկել ՀՀ ինտերպոլի ազգային բյուրոյին։ Բացի այդ, Ինտերպոլն այլ երկրներում եղած իր ստորաբաժանումներին գրություն էր ուղարկել` ասելով, որ բազայից հեռացնեն Կոստանյանի վերաբերյալ նյութերը, այսինքն` նա ազատ տեղաշարժի իրավունք ունի։
Կոստանյանը «Մարտի 1»-ի գործով ներգրավվել էր որպես մեղադրյալ դեռ 2019-ի նոյեմբերի 24-ին: ՀՀ հատուկ քննչական ծառայությունը նրան 48 ժամ էր տվել՝ վարույթն իրականացնող մարմին ներկայանալու համար: 48 ժամը լրանալուց հետո ՀՔԾ-ն նրա նկատմամբ հայտարարել էր հետախուզում, խափանման միջոց է ընտրվել կալանավորումը։
