https://arm.sputniknews.ru/20251116/alievy-hajtararel-e-trampi-ughi-tanvogh-tshanaparhi-adrbejanakan-hatvatsi-avarti-masin-95897205.html
Ալիևը հայտարարել է «Թրամփի ուղի» տանող ճանապարհի ադրբեջանական հատվածի ավարտի մասին
Ալիևը հայտարարել է «Թրամփի ուղի» տանող ճանապարհի ադրբեջանական հատվածի ավարտի մասին
Sputnik Արմենիա
Ադրբեջանի նախագահը շարունակում է օգտագործել «Զանգեզուրի միջանցք» ձևակերպումը։ 16.11.2025, Sputnik Արմենիա
2025-11-16T16:54+0400
2025-11-16T16:54+0400
2025-11-16T16:55+0400
իլհամ ալիև
ադրբեջան
միջին միջանցք
հայաստան
թրամփի ուղի (tripp)
https://cdn.am.sputniknews.ru/img/07e5/01/0b/26064820_84:53:1939:1096_1920x0_80_0_0_87121ca9205d5b5dcc3e26a8f7deaea9.jpg
ԵՐԵՎԱՆ, 16 նոյեմբերի — Sputnik. Ադրբեջանն ավարտում է ճանապարհի շինարարությունը, որը պետք է միանա «Թրամփի ուղուն»։ Այդ մասին հայտարարել է երկրի նախագահ Իլհամ Ալիևը՝ ելույթ ունենալով Տաշքենդում Կենտրոնական Ասիայի պետությունների ղեկավարների 7-րդ խորհրդատվական հանդիպմանը:«Թրամփի ուղին» տրանսպորտային զարկերակ է, որը կանցնի Հայաստանի Սյունիքի մարզով և Ադրբեջանի հիմնական մասը կկապի Նախիջևանի հետ։Ադրբեջանի նախագահը նաև նշել է իր երկրի և Կենտրոնական Ասիայի պետությունների համար Միջին միջանցքի զարգացման ռազմավարական նշանակությունը: Նա տեղեկացրել է, որ վերջին երեք տարիների ընթացքում այդ երթուղով բեռնափոխադրումներն Ադրբեջանով ավելացել են 90 տոկոսով, իսկ բեռների մատակարարման ժամկետները զգալիորեն կրճատվել են:Ադրբեջանն ու Թուրքիան Արցախի պատերազմից հետո ակտիվորեն առաջ են տանում այսպես կոչված «Զանգեզուրի միջանցքի» կառուցման գաղափարը, որը, նրանց մեկնաբանությամբ, ենթադրում է արտատարածքային երթուղի Հայաստանի հարավով։ Նշված հատվածը փաստացի Տրանսկասպյան միջազգային տրանսպորտային երթուղու մի մասն է, որն առավել հայտնի է որպես Միջին միջանցք (Չինաստան-Ղազախստան-Կասպից ծով-Ադրբեջան-Վրաստան-Թուրքիա-Եվրոպա): Երևանը բազմիցս ընդգծել է, որ պատրաստ է միանալ միջազգային տրանսպորտային նախագծերին, բայց միայն այն պայմանով, որ Հայաստանի տարածքով անցնող երթուղիները լիովին համապատասխանեն իր ինքնիշխանությանը, օրենսդրությանը և մաքսային ընթացակարգերին:Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։
ադրբեջան
միջին միջանցք
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իլհամ ալիև, ադրբեջան, միջին միջանցք, հայաստան, թրամփի ուղի (tripp)
իլհամ ալիև, ադրբեջան, միջին միջանցք, հայաստան, թրամփի ուղի (tripp)
Ալիևը հայտարարել է «Թրամփի ուղի» տանող ճանապարհի ադրբեջանական հատվածի ավարտի մասին
16:54 16.11.2025 (Թարմացված է: 16:55 16.11.2025) Ադրբեջանի նախագահը շարունակում է օգտագործել «Զանգեզուրի միջանցք» ձևակերպումը։
ԵՐԵՎԱՆ, 16 նոյեմբերի — Sputnik. Ադրբեջանն ավարտում է ճանապարհի շինարարությունը, որը պետք է միանա «Թրամփի ուղուն»։ Այդ մասին հայտարարել է երկրի նախագահ Իլհամ Ալիևը՝ ելույթ ունենալով Տաշքենդում Կենտրոնական Ասիայի պետությունների ղեկավարների 7-րդ խորհրդատվական հանդիպմանը:
«Թրամփի ուղին» տրանսպորտային զարկերակ է, որը կանցնի Հայաստանի Սյունիքի մարզով և Ադրբեջանի հիմնական մասը կկապի Նախիջևանի հետ։
«Ադրբեջանի տարածքում Զանգեզուրի միջանցքի շինարարությունը մոտենում է ավարտին։ 15 մլն տոննա թողունակությամբ երկաթգիծը սկզբնական փուլում կդառնա Միջին միջանցքի կարևոր զարկերակ։ Ավարտին է մոտենում նաև ավտոմայրուղու շինարարությունը, որը կլինի Զանգեզուրի միջանցքի մի մասը», - ասել է Ալիևը։
Ադրբեջանի նախագահը նաև նշել է իր երկրի և Կենտրոնական Ասիայի պետությունների համար Միջին միջանցքի զարգացման ռազմավարական նշանակությունը: Նա տեղեկացրել է, որ վերջին երեք տարիների ընթացքում այդ երթուղով բեռնափոխադրումներն Ադրբեջանով ավելացել են 90 տոկոսով, իսկ բեռների մատակարարման ժամկետները զգալիորեն կրճատվել են:
Ադրբեջանն ու Թուրքիան Արցախի պատերազմից հետո ակտիվորեն առաջ են տանում այսպես կոչված «Զանգեզուրի միջանցքի» կառուցման գաղափարը, որը, նրանց մեկնաբանությամբ, ենթադրում է արտատարածքային երթուղի Հայաստանի հարավով։ Նշված հատվածը փաստացի Տրանսկասպյան միջազգային տրանսպորտային երթուղու մի մասն է, որն առավել հայտնի է որպես Միջին միջանցք (Չինաստան-Ղազախստան-Կասպից ծով-Ադրբեջան-Վրաստան-Թուրքիա-Եվրոպա): Երևանը բազմիցս ընդգծել է, որ պատրաստ է միանալ միջազգային տրանսպորտային նախագծերին, բայց միայն այն պայմանով, որ Հայաստանի տարածքով անցնող երթուղիները լիովին համապատասխանեն իր ինքնիշխանությանը, օրենսդրությանը և մաքսային ընթացակարգերին:
Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած
համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ
ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:
Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին»
համաձայնագիրը։
