https://arm.sputniknews.ru/20251111/stambuli-nakhkin-qaghaqapetin-2352-tarva-azatazrkum-e-sparnum-95719373.html
Ստամբուլի նախկին քաղաքապետին 2352 տարվա ազատազրկում է սպառնում
Ստամբուլի նախկին քաղաքապետին 2352 տարվա ազատազրկում է սպառնում
Sputnik Արմենիա
Էքրեմ Իմամօղլուն գալիք ընտրություններում Էրդողանի գլխավոր մրցակիցն էր լինելու։ 11.11.2025, Sputnik Արմենիա
2025-11-11T22:18+0400
2025-11-11T22:18+0400
2025-11-11T22:44+0400
ստամբուլ
էքրեմ իմամօղլու
կալանք
թուրքիա
ռեջեփ թայիփ էրդողան
https://cdn.am.sputniknews.ru/img/07e9/0b/0b/95718753_0:61:1500:905_1920x0_80_0_0_6fdf2a80ab2658dee54bbaaf87eb7164.jpg
ԵՐԵՎԱՆ, 11 նոյեմբերի – Sputnik․ Ստամբուլի նախկին քաղաքապետ Էքրեմ Իմամօղլուին, որը մեղադրվում է կոռուպցիայի մեջ, 2352 տարվա ազատազրկում է սպառնում։ Տեղեկությունը հայտնում է TRT Haber-ը։Ստամբուլի գլխավոր դատախազությունը հրապարակել է այս տարվա մարտին կալանավորված նախկին քաղաքապետի` Էքրեմ Իմամօղլուի դեմ մեղադրական եզրակացությունը: ԶԼՄ-ների տվյալներով՝ Ստամբուլի նախկին քաղաքապետի գործում 402 մարդ է ներգրավված, որոնցից 105-ը ձերբակալված են: Դատախազության եզրակացությունը բաղկացած է 3900 էջից, դրանում կան հանցավոր կազմակերպություն ստեղծելու, կաշառքի և խարդախության մեղադրանքներ: Իմամօղլուին անվանում են «հանցավոր կազմակերպության հիմնադիր և առաջնորդ», նրան մեղսագրվում է 142 հանցագործություն:Իմամօղլուի գործունեության հետևանքով հասցված վնասը գնահատվում է մոտ 160 մլրդ թուրքական լիրա (մոտ 3,7 մլրդ դոլար) և 24 մլն դոլար: Ստամբուլի դատախազությունը նրա համար պահանջել է 828 տարի երկու ամսից մինչև 2352 տարվա ազատազրկում։Ստամբուլի քաղաքապետարանի կոռուպցիայի գործով 10 մարդ է ձերբակալվել. ԶԼՄԷքրեմ Իմամօղլուն ձերբակալվել է 2025 թվականի մարտի 19-ին, մարտի 23-ին նա կալանավորվել է։ Այն ժամանակ նրան մեղադրել էին սահմանադրական կարգի դեմ ոտնձգության, հանցավոր կազմակերպություն ստեղծելու և Քրդստանի աշխատավորական կուսակցությանը (ՔԱԿ) աջակցելու մեջ։Էքրեմ Իմամօղլուն համարվում էր Թուրքիայի նախագահ Ռեջեփ Թայիփ Էրդողանի գլխավոր մրցակիցը 2027 թվականին կայանալիք ընտրություններում։ Human Rights Watch իրավապաշտպան կազմակերպությունը նրա գործն անվանել է «քաղաքական դրդապատճառներով հետաքննությունների» օրինակ։Ձերբակալությունից քիչ առաջ Ստամբուլի համալսարանը գլխավոր դատախազության պահանջով չեղարկել է Իմամօղլուի բարձրագույն կրթության դիպլոմը՝ դրանով իսկ փաստացի զրկելով նրան նախագահի թեկնածու առաջադրվելու հնարավորությունից. ըստ օրենքի՝ նախագահական ընտրություններին կարող են մասնակցել միայն բարձրագույն կրթություն ունեցող մարդիկ:Էրդողանի հրաժարականի և արտահերթ ընտրությունների համար Թուրքիայում ստորագրահավաք է սկսվելՍեպտեմբերին այս գործով լսումներից մեկի ժամանակ Ստամբուլի նախկին քաղաքապետը հայտարարել էր, որ իր մեղադրական եզրակացության վրա աշխատել է ոչ թե դատախազը, այլ «մի մարդ, ով գիտեր, որ իրեն հաղթելու են հաջորդ ընտրություններում»՝ ակնարկելով, ըստ ամենայնի, Էրդողանին:
ստամբուլ
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ստամբուլ, էքրեմ իմամօղլու, կալանք, թուրքիա, ռեջեփ թայիփ էրդողան
ստամբուլ, էքրեմ իմամօղլու, կալանք, թուրքիա, ռեջեփ թայիփ էրդողան
Ստամբուլի նախկին քաղաքապետին 2352 տարվա ազատազրկում է սպառնում
22:18 11.11.2025 (Թարմացված է: 22:44 11.11.2025) Էքրեմ Իմամօղլուն գալիք ընտրություններում Էրդողանի գլխավոր մրցակիցն էր լինելու։
ԵՐԵՎԱՆ, 11 նոյեմբերի – Sputnik․ Ստամբուլի նախկին քաղաքապետ Էքրեմ Իմամօղլուին, որը մեղադրվում է կոռուպցիայի մեջ, 2352 տարվա ազատազրկում է սպառնում։ Տեղեկությունը հայտնում է
TRT Haber-ը։
Ստամբուլի գլխավոր դատախազությունը հրապարակել է այս տարվա մարտին կալանավորված նախկին քաղաքապետի` Էքրեմ Իմամօղլուի դեմ մեղադրական եզրակացությունը: ԶԼՄ-ների տվյալներով՝ Ստամբուլի նախկին քաղաքապետի գործում 402 մարդ է ներգրավված, որոնցից 105-ը ձերբակալված են: Դատախազության եզրակացությունը բաղկացած է 3900 էջից, դրանում կան հանցավոր կազմակերպություն ստեղծելու, կաշառքի և խարդախության մեղադրանքներ: Իմամօղլուին անվանում են «հանցավոր կազմակերպության հիմնադիր և առաջնորդ», նրան մեղսագրվում է 142 հանցագործություն:
Իմամօղլուի գործունեության հետևանքով հասցված վնասը գնահատվում է մոտ 160 մլրդ թուրքական լիրա (մոտ 3,7 մլրդ դոլար) և 24 մլն դոլար: Ստամբուլի դատախազությունը նրա համար պահանջել է 828 տարի երկու ամսից մինչև 2352 տարվա ազատազրկում։
Էքրեմ Իմամօղլուն ձերբակալվել է 2025 թվականի մարտի 19-ին, մարտի 23-ին նա կալանավորվել է։ Այն ժամանակ նրան մեղադրել էին սահմանադրական կարգի դեմ ոտնձգության, հանցավոր կազմակերպություն ստեղծելու և Քրդստանի աշխատավորական կուսակցությանը (ՔԱԿ) աջակցելու մեջ։
Էքրեմ Իմամօղլուն համարվում էր Թուրքիայի նախագահ Ռեջեփ Թայիփ Էրդողանի գլխավոր մրցակիցը 2027 թվականին կայանալիք ընտրություններում։ Human Rights Watch իրավապաշտպան կազմակերպությունը նրա գործն անվանել է «քաղաքական դրդապատճառներով հետաքննությունների» օրինակ։
Ձերբակալությունից քիչ առաջ Ստամբուլի համալսարանը գլխավոր դատախազության պահանջով չեղարկել է Իմամօղլուի բարձրագույն կրթության դիպլոմը՝ դրանով իսկ փաստացի զրկելով նրան նախագահի թեկնածու առաջադրվելու հնարավորությունից. ըստ օրենքի՝ նախագահական ընտրություններին կարող են մասնակցել միայն բարձրագույն կրթություն ունեցող մարդիկ:
Սեպտեմբերին այս գործով լսումներից մեկի ժամանակ Ստամբուլի նախկին քաղաքապետը հայտարարել էր, որ իր մեղադրական եզրակացության վրա աշխատել է ոչ թե դատախազը, այլ «մի մարդ, ով գիտեր, որ իրեն հաղթելու են հաջորդ ընտրություններում»՝ ակնարկելով, ըստ ամենայնի, Էրդողանին:
