https://arm.sputniknews.ru/20251108/chinakan-parberakany-bardzr-e-gnahatel-hajkakan-kvonjakn-u-aghbjuri-jury-95631610.html
Չինական պարբերականը բարձր է գնահատել հայկական կոնյակն ու աղբյուրի ջուրը
Չինական պարբերականը բարձր է գնահատել հայկական կոնյակն ու աղբյուրի ջուրը
Sputnik Արմենիա
Չինական պարբերականը բարձր է գնահատել հայկական գինու, կոնյակի և աղբյուրի ջրի որակը՝ հիշատակելով, որ հայկական արտահանման համար նոր հեռանկարներ են բացվում նաև... 08.11.2025, Sputnik Արմենիա
2025-11-08T19:48+0400
2025-11-08T19:48+0400
2025-11-08T19:48+0400
չինաստան
հայաստան
կոնյակ
ջուր
https://cdn.am.sputniknews.ru/img/07e8/03/04/73006056_0:0:1600:901_1920x0_80_0_0_48449d6baec81374812c18d26809f744.jpg
ԵՐԵՎԱՆ, 8 նոյեմբերի – Sputnik. Տասներեք հայկական ընկերություններ Շանհայում մասնակցում են Չինաստանի ներմուծման միջազգային ցուցահանդեսին (CIIE)։ Այս մասին հաղորդում է Սինհուա գործակալությունը:Կոնյակի իզոտոպային անալիզի համար ՀՀ իշխանությունները լրացուցիչ սարքավորումներ կգնենՀայաստանի տաղավարում ներկայացված են աղբյուրի ջուր, կոնյակ, խաղողի և նռան գինիներ, թեյ, մեղր, ինչպես նաև մետաքսե թաշկինակներ, գոբելեններ և այլ ձեռագործ աշխատանքներ:Հայ մասնակիցներին չինացի գործընկերների հետ հաղորդակցվելու հարցում օգնում է հայ-չինական հարաբերությունների զարգացման կենտրոնի փոխնախագահ Դավիթ Մխիթարյանը, որը տիրապետում է չինարենին:«Լեռնաշխարհն ու արևի առատությունը հատկապես քաղցրացնում են հայկական խաղողը։ Մաքուր լեռնային ջրի հետ համատեղ սա մեր կոնյակին տալիս է անկրկնելի համ և երանգների հարստություն»,- ընդգծել է Մխիթարյանը։Պապոյանը պարզաբանել է, թե երբ վերջնականապես կլուծվի հայկական կոնյակի տարանցման հարցըՆա հիշեցրել է, որ 2018-ին CIIE-ի առաջին ցուցահանդեսից հետո դրան մասնակցած գրեթե բոլոր հայկական ընկերությունները ստացել են համագործակցության պատվերներ կամ առաջարկներ: Սակայն, նրա խոսքով, հայկական արտադրանքը դեռևս շատ փոքր տեղ է զբաղեցնում չինական շուկայում։Մխիթարյանի խոսքով՝ CIIE ցուցահանդեսը մեծ հնարավորություններ է բացում չինական շուկա դուրս գալու և հայկական բրենդների ճանաչելիությունը բարձրացնելու համար: Դրան նպաստում է նաև երկկողմ հարաբերությունների զարգացումը. օգոստոսին Հայաստանն ու Չինաստանը պաշտոնապես հաստատել են ռազմավարական գործընկերության հարաբերություններ, իսկ երկրների միջև առևտրաշրջանառությունը կայուն աճում է:ԵԱՏՄ–ի համար՝ այո, ԵՄ–ի համար՝ դեռ ոչ. Հայաստանում կոնյակի իսկության սարք է գործարկվել2024-ին Հայաստանի և Չինաստանի միջև առևտրի ծավալը հասել է 2,825 մլրդ դոլարի, որից 1,088 մլրդ դոլարը բաժին է ընկել հայկական արտահանմանը։ Ընդ որում, մատակարարումների շուրջ 97 տոկոսը կազմել են հումքային ապրանքները՝ պղնձի և մոլիբդենի խտանյութերը, ինչպես նաև թանկարժեք մետաղներից պատրաստված կիսաֆաբրիկատները: Ծխախոտի արտահանումը կազմել է 5,9 մլն դոլար, կոնյակի արտահանումը՝ 1,45 մլն դոլար, գինու արտահանումը՝ 84 հազար դոլար։
չինաստան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
չինաստան, հայաստան, կոնյակ, ջուր
չինաստան, հայաստան, կոնյակ, ջուր
Չինական պարբերականը բարձր է գնահատել հայկական կոնյակն ու աղբյուրի ջուրը
Չինական պարբերականը բարձր է գնահատել հայկական գինու, կոնյակի և աղբյուրի ջրի որակը՝ հիշատակելով, որ հայկական արտահանման համար նոր հեռանկարներ են բացվում նաև հարաբերությունները ռազմավարական գործընկերության մակարդակ դուրս բերելու շնորհիվ:
ԵՐԵՎԱՆ, 8 նոյեմբերի – Sputnik. Տասներեք հայկական ընկերություններ Շանհայում մասնակցում են Չինաստանի ներմուծման միջազգային ցուցահանդեսին (CIIE)։ Այս մասին հաղորդում է Սինհուա գործակալությունը:
Հայաստանի տաղավարում ներկայացված են աղբյուրի ջուր, կոնյակ, խաղողի և նռան գինիներ, թեյ, մեղր, ինչպես նաև մետաքսե թաշկինակներ, գոբելեններ և այլ ձեռագործ աշխատանքներ:
«Հայկական հողը բերրի է և վաղուց հայտնի է իր գյուղատնտեսական արտադրանքով։ Լինելով խաղողագործության հնագույն շրջաններից մեկը՝ Հայաստանն ունի յուրահատուկ կլիմա և գինեգործության դարավոր ավանդույթներ, ինչը հիմք է ստեղծել բարձրորակ կոնյակի արտադրության համար», - նշում է Սինհուան։
Հայ մասնակիցներին չինացի գործընկերների հետ հաղորդակցվելու հարցում օգնում է հայ-չինական հարաբերությունների զարգացման կենտրոնի փոխնախագահ Դավիթ Մխիթարյանը, որը տիրապետում է չինարենին:
«Լեռնաշխարհն ու արևի առատությունը հատկապես քաղցրացնում են հայկական խաղողը։ Մաքուր լեռնային ջրի հետ համատեղ սա մեր կոնյակին տալիս է անկրկնելի համ և երանգների հարստություն»,- ընդգծել է Մխիթարյանը։
Նա հիշեցրել է, որ 2018-ին CIIE-ի առաջին ցուցահանդեսից հետո դրան մասնակցած գրեթե բոլոր հայկական ընկերությունները ստացել են համագործակցության պատվերներ կամ առաջարկներ: Սակայն, նրա խոսքով, հայկական արտադրանքը դեռևս շատ փոքր տեղ է զբաղեցնում չինական շուկայում։
«Շատ չինացի սպառողներ գուցե նույնիսկ չգիտեն, թե որտեղ է գտնվում Հայաստանը, էլ չեմ ասում մեր ավանդական ապրանքների մասին», - հավելել է նա։
Մխիթարյանի խոսքով՝ CIIE ցուցահանդեսը մեծ հնարավորություններ է բացում չինական շուկա դուրս գալու և հայկական բրենդների ճանաչելիությունը բարձրացնելու համար: Դրան նպաստում է նաև երկկողմ հարաբերությունների զարգացումը. օգոստոսին Հայաստանն ու Չինաստանը պաշտոնապես հաստատել են ռազմավարական գործընկերության հարաբերություններ, իսկ երկրների միջև առևտրաշրջանառությունը կայուն աճում է:
2024-ին Հայաստանի և Չինաստանի միջև առևտրի ծավալը հասել է 2,825 մլրդ դոլարի, որից 1,088 մլրդ դոլարը բաժին է ընկել հայկական արտահանմանը։ Ընդ որում, մատակարարումների շուրջ 97 տոկոսը կազմել են հումքային ապրանքները՝ պղնձի և մոլիբդենի խտանյութերը, ինչպես նաև թանկարժեք մետաղներից պատրաստված կիսաֆաբրիկատները: Ծխախոտի արտահանումը կազմել է 5,9 մլն դոլար, կոնյակի արտահանումը՝ 1,45 մլն դոլար, գինու արտահանումը՝ 84 հազար դոլար։
