https://arm.sputniknews.ru/20251103/abvovjan-hamajnqi-nakhkin-ghekavary-verakangnel-e-hamajnqin-pattsharvats-261-mln-drami-vnasy-95412474.html
Աբովյան համայնքի նախկին ղեկավարը վերականգնել է համայնքին պատճառված 261 մլն դրամի վնասը
Աբովյան համայնքի նախկին ղեկավարը վերականգնել է համայնքին պատճառված 261 մլն դրամի վնասը
Sputnik Արմենիա
Կարապետ Գուլոյանը գործարար Գագիկ Ծառուկյանի փեսան է, ԱԺ նախկին պատգամավոր Մուրադ Գուլոյանի որդին։ 03.11.2025, Sputnik Արմենիա
2025-11-03T19:42+0400
2025-11-03T19:42+0400
2025-11-03T19:43+0400
հայաստան
աբովյան
հակակոռուպցիոն կոմիտե
վնաս
https://cdn.am.sputniknews.ru/img/07e6/09/13/48558132_0:16:701:410_1920x0_80_0_0_b1c277cd5a5b7e521c60ef61fb0cbe79.jpg
ԵՐԵՎԱՆ, 3 նոյեմբերի – Sputnik․ Աբովյան համայնքի նախկին ղեկավար Կարապետ Գուլոյանը նախաքննության ընթացքում վերականգնել է համայնքին պատճառած 261 մլն դրամի վնասը։ Տեղեկությունը հայտնում է ՀՀ հակակոռուպցիոն կոմիտեն։Կոմիտեից նշում են, որ Գուլոյանը մեղադրվում է 65 հողատարածքներ ապօրինի օտարելու և փողերի լվացման մեջ, և նրա նկատմամբ մեղադրանք է առաջադրվել ՀՀ նախկին քրեական օրենսգրքի մի շարք հոդվածներով` պաշտոնեական լիազորությունների չարաշահման, պաշտոնեական կեղծիքի, հրապարակային սակարկությունների անցկացման կարգը չարամտորեն խախտելու հատկանիշներով։Ըստ ՀՀ հակակոռուպցիոն կոմիտեի` այդ հողատարածքները օտարելու ընթացքում Կարապետ Գուլոյանը մի շարք դեպքերում չարամտորեն խախտել է հրապարակային սակարկությունների անցկացման կարգը, ինչպես նաև Աբովյանի քաղաքապետարանի պաշտոնատար անձի հետ համատեղ կատարել պաշտոնեական կեղծիքներ, մասնավորապես ստորագրել և հաստատել է հողատարածքները աճուրդ վաճառքով օտարելու վերաբերյալ կազմված բազմաթիվ կեղծ արձանագրություններ։Բացի այդ, իր հետ փոխկապակցված անձանց հետ նախնական համաձայնությամբ Կարապետ Գուլոյանն օրինականացրել է հանցավոր գործունեության հետևանքով ստացված առանձնապես խոշոր չափերով գույքերը (հողատարածքներ)՝ ձևական գործարքների կնքմամբ դրանց նկատմամբ փաստացի ձեռք բերելով սեփականության իրավունք։Կոմիտեից նշում են նաև Գալոյանի նկատմամբ որպես համակցված այլընտրանքային խափանման միջոցներ են կիրառվել 40 մլն դրամի գրավն ու ՀՀ–ից բացակայելու արգելքը։Գուլոյանի ու ևս 3 անձի վերաբերյալ նախաքննությունն ավարտվել է: Վարույթի նյութերը մեղադրական եզրակացությամբ հանձնվել են հսկող դատախազին՝ այն հաստատելու և դատարան ուղարկելու միջնորդությամբ:Հիշեցնենք` Կարապետ Գուլոյանը գործարար Գագիկ Ծառուկյանի փեսան է, ԱԺ նախկին պատգամավոր Մուրադ Գուլոյանի որդին։Բյուրեղավան համայնքի ղեկավարին մեղադրանք է ներկայացվել. նրա պաշտոնավարումը կասեցվել է
աբովյան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, աբովյան, հակակոռուպցիոն կոմիտե, վնաս
հայաստան, աբովյան, հակակոռուպցիոն կոմիտե, վնաս
Աբովյան համայնքի նախկին ղեկավարը վերականգնել է համայնքին պատճառված 261 մլն դրամի վնասը
19:42 03.11.2025 (Թարմացված է: 19:43 03.11.2025) Կարապետ Գուլոյանը գործարար Գագիկ Ծառուկյանի փեսան է, ԱԺ նախկին պատգամավոր Մուրադ Գուլոյանի որդին։
ԵՐԵՎԱՆ, 3 նոյեմբերի – Sputnik․ Աբովյան համայնքի նախկին ղեկավար Կարապետ Գուլոյանը նախաքննության ընթացքում վերականգնել է համայնքին պատճառած 261 մլն դրամի վնասը։ Տեղեկությունը հայտնում է
ՀՀ հակակոռուպցիոն կոմիտեն։
Կոմիտեից նշում են, որ Գուլոյանը մեղադրվում է 65 հողատարածքներ ապօրինի օտարելու և փողերի լվացման մեջ, և նրա նկատմամբ մեղադրանք է առաջադրվել ՀՀ նախկին քրեական օրենսգրքի մի շարք հոդվածներով` պաշտոնեական լիազորությունների չարաշահման, պաշտոնեական կեղծիքի, հրապարակային սակարկությունների անցկացման կարգը չարամտորեն խախտելու հատկանիշներով։
«Նախաձեռնված վարույթի շրջանակում հիմնավորվել է, որ նա 2008–2015 թթ. ընթացքում իր պաշտոնեական դիրքն օգտագործել է ծառայության շահերին հակառակ և համայնքի վարչական սահմաններում գտնվող բնակավայրերի ընդհանուր օգտագործման 65 հողատարածքները, այդ թվում՝ հրապարակները, ճանապարհները, զբոսայգիները, պուրակներն ու գործառնական նշանակություններով տարածքներն ուղղակի վաճառքով կամ կեղծ աճուրդների միջոցով օտարել տարբեր ֆիզիկական անձանց, որի հետևանքով քաղաքացիները զրկվել են համայնքապատկան հողատարածքներից օգտվելու հնարավորությունից»,– ասված է հաղորդագրությունում:
Ըստ ՀՀ հակակոռուպցիոն կոմիտեի` այդ հողատարածքները օտարելու ընթացքում Կարապետ Գուլոյանը մի շարք դեպքերում չարամտորեն խախտել է հրապարակային սակարկությունների անցկացման կարգը, ինչպես նաև Աբովյանի քաղաքապետարանի պաշտոնատար անձի հետ համատեղ կատարել պաշտոնեական կեղծիքներ, մասնավորապես ստորագրել և հաստատել է հողատարածքները աճուրդ վաճառքով օտարելու վերաբերյալ կազմված բազմաթիվ կեղծ արձանագրություններ։
Բացի այդ, իր հետ փոխկապակցված անձանց հետ նախնական համաձայնությամբ Կարապետ Գուլոյանն օրինականացրել է հանցավոր գործունեության հետևանքով ստացված առանձնապես խոշոր չափերով գույքերը (հողատարածքներ)՝ ձևական գործարքների կնքմամբ դրանց նկատմամբ փաստացի ձեռք բերելով սեփականության իրավունք։
Կոմիտեից նշում են նաև Գալոյանի նկատմամբ որպես համակցված այլընտրանքային խափանման միջոցներ են կիրառվել 40 մլն դրամի գրավն ու ՀՀ–ից բացակայելու արգելքը։
Գուլոյանի ու ևս 3 անձի վերաբերյալ նախաքննությունն ավարտվել է: Վարույթի նյութերը մեղադրական եզրակացությամբ հանձնվել են հսկող դատախազին՝ այն հաստատելու և դատարան ուղարկելու միջնորդությամբ:
Հիշեցնենք` Կարապետ Գուլոյանը գործարար Գագիկ Ծառուկյանի փեսան է, ԱԺ նախկին պատգամավոր Մուրադ Գուլոյանի որդին։
