https://arm.sputniknews.ru/20251023/hajastani-nerqin-gvortsn-e-zakharvovan-meknabanel-e-gjumru-qaghaqapeti-dzerbakalutjuny-95004457.html
Հայաստանի ներքին գործն է. Զախարովան մեկնաբանել է Գյումրու քաղաքապետի ձերբակալությունը
Հայաստանի ներքին գործն է. Զախարովան մեկնաբանել է Գյումրու քաղաքապետի ձերբակալությունը
Sputnik Արմենիա
Ռուսաստանի ԱԳՆ ներկայացուցիչը հույս է հայտնել, որ համայնքապետների նկատմամբ գործերը չեն հանգեցնի դատական համակարգի նկատմամբ վստահության կորստի։ 23.10.2025, Sputnik Արմենիա
2025-10-23T15:34+0400
2025-10-23T15:34+0400
2025-10-23T15:35+0400
հայաստան
մարիա զախարովա
գյումրի
տեսանյութ
տեսանյութեր
https://cdn.am.sputniknews.ru/img/07e9/0a/17/95002705_5:0:1280:717_1920x0_80_0_0_5e1c4a7c5a4a2a2fefad5a76e9d06117.jpg
ԵՐԵՎԱՆ, 23 հոկտեմբերի – Sputnik. ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ժամանակ մեկնաբանել է Գյումրու քաղաքապետ Վարդան Ղուկասյանի ձերբակալությունը:Նրա խոսքով՝ Մոսկվայում ուշադրությամբ հետևում են Գյումրիում տիրող իրավիճակին: Այնտեղ է գտնվում ռուսական 102-րդ բազան, Ռուսաստանի գլխավոր հյուպատոսությունը, Ռոսսոտրուդնիչեստվոյի մասնաճյուղը։ Քաղաքային իշխանությունները ակտիվորեն զարգացնում են համագործակցությունը Ռուսաստանի Դաշնության, ՌԴ տարբեր տարածաշրջանների հետ. մասնավորապես հայտնի է «Պատվո բլուր» հուշահամալիրը՝ նվիրված ռուս-թուրքական պատերազմների ժամանակ զոհված ռուս սպաներին։Նա ուշադրություն է հրավիրել այն հանգամանքի վրա, որ օգոստոսին ԱՊՀ պետությունների ղեկավարների խորհրդի կողմից Գյումրին ստացել է «1941-1945 թթ. աշխատանքային փառքի քաղաք» պատվավոր կոչումը:Նրա խոսքով՝ այս բոլոր հարցերն արդիական են՝ հաշվի առնելով, որ Հայաստանը մտնում է նոր ընտրական փուլ. 2026 թվականի հունիսին նախատեսված են հերթական խորհրդարանական ընտրությունները։Հիշեցնենք՝ հոկտեմբերի 20-ին ուժայինները ներխուժեցին Գյումրու քաղաքապետարան, որպեսզի բերման ենթարկեն համայնքապետ Վարդան Ղուկասյանին։ Հակակոռուպցիոն կոմիտեն հայտարարեց, որ 8 անձ է ձերբակալվել մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։ Ժամեր անց Ղուկասյանն ինքը դուրս եկավ համայնքապետարանի շենքից և մոտեցավ իրավապահների ավտոմեքենային։ Այդ ընթացքում քաշքշուկ սկսվեց համայնքապետարանի շենքը շրջապատած ոստիկանների ու համայնքապետի կողմնակիցների միջև։ Ուժայինները սկսեցին ձերբակալությունները։Հոկտեմբերի 21-ի առավոտյան Գյումրու համայնքապետ Վարդան Ղուկասյանը կալանավորվեց 2 ամսով։
գյումրի
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, մարիա զախարովա, գյումրի, видео, տեսանյութ, տեսանյութեր
հայաստան, մարիա զախարովա, գյումրի, видео, տեսանյութ, տեսանյութեր
Հայաստանի ներքին գործն է. Զախարովան մեկնաբանել է Գյումրու քաղաքապետի ձերբակալությունը
15:34 23.10.2025 (Թարմացված է: 15:35 23.10.2025) Ռուսաստանի ԱԳՆ ներկայացուցիչը հույս է հայտնել, որ համայնքապետների նկատմամբ գործերը չեն հանգեցնի դատական համակարգի նկատմամբ վստահության կորստի։
ԵՐԵՎԱՆ, 23 հոկտեմբերի – Sputnik. ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ժամանակ մեկնաբանել է Գյումրու քաղաքապետ Վարդան Ղուկասյանի ձերբակալությունը:
Նրա խոսքով՝ Մոսկվայում ուշադրությամբ հետևում են Գյումրիում տիրող իրավիճակին: Այնտեղ է գտնվում ռուսական 102-րդ բազան, Ռուսաստանի գլխավոր հյուպատոսությունը, Ռոսսոտրուդնիչեստվոյի մասնաճյուղը։ Քաղաքային իշխանությունները ակտիվորեն զարգացնում են համագործակցությունը Ռուսաստանի Դաշնության, ՌԴ տարբեր տարածաշրջանների հետ. մասնավորապես հայտնի է «Պատվո բլուր» հուշահամալիրը՝ նվիրված ռուս-թուրքական պատերազմների ժամանակ զոհված ռուս սպաներին։
Նա ուշադրություն է հրավիրել այն հանգամանքի վրա, որ օգոստոսին ԱՊՀ պետությունների ղեկավարների խորհրդի կողմից Գյումրին ստացել է «1941-1945 թթ. աշխատանքային փառքի քաղաք» պատվավոր կոչումը:
«Մենք միշտ պաշտպանում ենք բոլոր նրանց, ովքեր հանդես են գալիս մեր ժողովուրդների միջև ավանդական սերտ կապերի օգտին։ Ինչ վերաբերում է քաղաքապետի ձերբակալությանը գնահատական տալուն, ապա, անշուշտ, դա Հայաստանի ներքին գործն է։ Միաժամանակ նշում ենք, որ ավելի վաղ Վանաձորի, Բերդի, Գորիսի և այլ համայնքների ղեկավարների նկատմամբ հարուցվել էին քրեական գործեր, մի քանիսին կալանավորել էին: Հույս ենք հայտնում, որ նման գործընթացները չեն հանգեցնի ժողովրդից դատական իշխանության հեռացմանը և այդ համակարգի նկատմամբ վստահության կորստին, ինչի մասին հենց Հայաստանի վարչապետն էր վերջերս խոսել հայկական ժողովրդավարության համաժողովում», - ասել է Զախարովան։
Նրա խոսքով՝ այս բոլոր հարցերն արդիական են՝ հաշվի առնելով, որ Հայաստանը մտնում է նոր ընտրական փուլ. 2026 թվականի հունիսին նախատեսված են հերթական խորհրդարանական ընտրությունները։
Հիշեցնենք՝ հոկտեմբերի 20-ին ուժայինները ներխուժեցին
Գյումրու քաղաքապետարան, որպեսզի բերման ենթարկեն համայնքապետ Վարդան Ղուկասյանին։
Հակակոռուպցիոն կոմիտեն հայտարարեց, որ 8 անձ է ձերբակալվել մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։ Ժամեր անց Ղուկասյանն ինքը
դուրս եկավ համայնքապետարանի շենքից և մոտեցավ իրավապահների ավտոմեքենային։ Այդ ընթացքում քաշքշուկ սկսվեց համայնքապետարանի շենքը շրջապատած ոստիկանների ու համայնքապետի կողմնակիցների միջև։ Ուժայինները սկսեցին ձերբակալությունները։
Հոկտեմբերի 21-ի առավոտյան Գյումրու համայնքապետ Վարդան Ղուկասյանը
կալանավորվեց 2 ամսով։
