ՌԴ ԱԳՆ-ն հերքել է Զախարովայի և վրացի քաղաքական գործչի զրույցի լուրը
08:48 22.10.2025 (Թարմացված է: 08:49 22.10.2025)
© Sputnik
Բաժանորդագրվել
2008 թվականից Ժնևում ընթանում են Անդրկովկասում անվտանգության և կայունության վերաբերյալ միջազգային քննարկումներ Աբխազիայի Հանրապետության, Վրաստանի, Հարավային Օսիայի Հանրապետության, Ռուսաստանի Դաշնության և ԱՄՆ ներկայացուցիչների մասնակցությամբ։
ԵՐԵՎԱՆ, 22 հոկտեմբերի - Sputnik. Անդրկովկասում անվտանգության և կայունության շուրջ միջազգային քննարկումների բանակցային ձևաչափի հեռանկարների վերաբերյալ վրացական կուսակցություններից մեկի ղեկավարի հետ ՌԴ ԱԳՆ պաշտոնական ներկայացուցիչ Մարիա Զախարովայի զրույցի մասին հաղորդագրությունը չի համապատասխանում իրականությանը, հայտարարել է Ռուսաստանի ԱԳՆ-ն:
«Տեղեկություններ են հրապարակվել Ռուսաստանի ԱԳՆ պաշտոնական ներկայացուցիչ Մարիա Զախարովայի և վրացական «Համերաշխություն հանուն խաղաղության» կուսակցության առաջնորդ Մամուկա Պիպիայի միջև իբր տեղի ունեցած զրույցի մասին՝ կապված Անդրկովկասում անվտանգության և կայունության վերաբերյալ միջազգային քննարկումների բանակցային ձևաչափի աշխատանքի հեռանկարների հետ։... Դա սուտ է և ֆեյք. նման բան չի եղել»,-ասված է նախարարության Telegram ալիքում տարածված հայտարարության մեջ։
Ինչպես նշել են նախարարությունում, հաղորդագրությունը տեղադրել է «Ազատություն» ռադիոկայանի լրատվական գործակալության տարածաշրջանային հարթակը:
«Ապատեղեկատվությունն ուսադրանքներն այս, այսպես կոչված, պորտալի միակ խնդիրներն են», - ընդգծել են նախարարությունում:
Միևնույն ժամանակ ՌԴ ԱԳՆ-ն հիշեցրել է, որ Ռուսաստանը, նրա աբխազական և հարավօսական դաշնակիցները հետևողականորեն հանդես են գալիս միջազգային քննարկումների օգտին, որոնք այսօր մնում են միակ համաձայնեցված բազմակողմ հարթակը Վրաստանի հետ Աբխազիայի և Հարավային Օսիայի հարաբերությունների հետկոնֆլիկտային վերականգնման քննարկման համար:
2008 թվականից Ժնևում ընթանում են Անդրկովկասում անվտանգության և կայունության վերաբերյալ միջազգային քննարկումներ (ԱՄՔ) Աբխազիայի Հանրապետության, Վրաստանի, Հարավային Օսիայի Հանրապետության, Ռուսաստանի Դաշնության և ԱՄՆ ներկայացուցիչների մասնակցությամբ՝ ՄԱԿ-ի, ԵԱՀԿ-ի և Եվրամիության համանախագահությամբ: Մոսկվան, Սուխումը և Ցխինվալն այդ քննարկումների շրջանակներում պնդում են Թբիլիսիի կողմից Սուխումի և Ցխինվալի դեմ ուժի չկիրառման երաշխիքների տրամադրման հարցը, որոնք ձևակերպված են համապատասխան իրավաբանորեն պարտավորեցնող համաձայնագրի տեսքով:
ՌԴ ԱԳՆ-ի հայտարարության համաձայն՝ նշված միջոցների շուտափույթ ընդունման անհրաժեշտությունը թելադրված է նախկին տարածաշրջանների նկատմամբ Թբիլիսիի կողմից ռազմական ուժով վերահսկողության վերականգնման, ինչպես նաև ՆԱՏՕ-ի հետ Վրաստանի շարունակական մերձեցման պահպանվող ռիսկերով, ինչի մասին վկայում է դաշինքի հետ վրացական կողմի սերտ փոխգործակցությունը, ներառյալ դաշինքի ռազմավարժական միջոցառումներին կանոնավոր մասնակցությունը:
Ընդ որում, քննարկումների մասնակիցները արձանագրում են «երկրի վրա» հարաբերական անդորրը։ Բացի այդ, Մոսկվայի նկատմամբ «կոլեկտիվ Արևմուտքի» կողմից կիրառվող պատժամիջոցային ռեժիմներին միանալու պատճառով Շվեյցարիայի կողմից հայտարարագրված չեզոք կարգավիճակի փաստացի կորստի պայմաններում ԱՄՔ-ի կանոնավոր նիստերը Ժնևից մեկ այլ, իսկապես չեզոք և բոլոր մասնակիցների համար ընդունելի վայր տեղափոխելու հարցը շարունակում է արդիական մնալ:
