https://arm.sputniknews.ru/20251021/gjumrium-qaghaqakan-harc-kar-lutselu-erevann-anter-er-mnacel-khamvojany-pvokhnakhararin-94885440.html
Գյումրիում քաղաքական հարց կար լուծելու, Երևանն անտեր էր մնացել․ Խամոյանը՝ փոխնախարարին
Գյումրիում քաղաքական հարց կար լուծելու, Երևանն անտեր էր մնացել․ Խամոյանը՝ փոխնախարարին
Sputnik Արմենիա
Պատգամավորը հետաքրքրվեց, թե ինչու ոստիկանությունը նույն պրոֆեսիոնալիզմը չի դրսևորում հանցավորության և ապօրինի թմրաշրջանառության դեմ պայքարում։ 21.10.2025, Sputnik Արմենիա
2025-10-21T12:06+0400
2025-10-21T12:06+0400
2025-10-21T14:15+0400
ագնեսա խամոյան
արթուր չախոյան
գյումրի
հհ ոստիկանություն
https://cdn.am.sputniknews.ru/img/07e9/04/15/88043050_0:0:1200:675_1920x0_80_0_0_6b05ab42d84ae527e542bf80be6bc8ce.jpg
ԵՐԵՎԱՆ, 21 հոկտեմբերի – Sputnik. Հոկտեմբերի 20-ին ոստիկանությունը Երևանն անտեր էր թողել, քանի որ քաղաքական իշխանությունը քաղաքական հարց ուներ լուծելու Գյումրիում։ Այսօր ԱԺ-ում հայտարարեց «Հայաստան» խմբակցության անդամ Ագնեսա Խամոյանը՝ հարց ուղղելով ՆԳ նախարարի տեղակալ Արմեն Մկրտչյանին, թե ինչ սկզբունքով կամ հաշվարկով է որոշվում ոստիկանական ուժերի բաշխվածությունը։ Նա անդրադարձավ հոկտեմբերի 20–ին սոցցանցերում տարածված տեսանյութին, ըստ որի՝ ակտիվիստ Արթուր Չախոյանը ծեծի էր ենթարկվել, սակայն որևէ ոստիկան չէր արձագանքել կատարվածին, քանի որ բոլորը Գյումրիում էին։Ներքին գործերի նախարարի տեղակալ Արմեն Մկրտչյանը վստահեցրեց, որ Երևանն ու ՀՀ որևիցե վարչական տարածք անտեր չի մնացել ոստիկանության տեսանկյունից։ Կասկածում է, որ նման ահազանգ տրված լինի Նոր Նորքի բաժին և պատասխան հնչած լինի, թե այս պահին բավարար ուժեր չկան։«Ոստիկանական ուժերը ցանկացած միջոցառման ըստ անհրաժեշտության ներգրավվում են համապատասխան հաշվարկների հիման վրա (մարդկային և տեխնիկական միջոցներ- խմբ․)։ Հաշվարկների հիմքում դրվում են միջոցառման բնույթը, մարդկանց քանակը, վերջիններիս վարքագիծը, ընդհանուր տարածքը, իրավիճակի բարդությունը, ագրեսիվ մարդկանց քանակի մասնաբաժինն ընդհանուր մարդկանց մեջ»,- նշեց նախարարի տեղակալը՝ առաջարկելով, եթե ահազանգին չարձագանքելու կոնկրետ դեպք կա, ապա թող պատգամավորը ներկայացնի այն։Խամոյանը կրկնեց իր տեղեկությունները՝ ընդգծելով, որ կոնկրետ ահազանգը կա։ Հարց ուղղեց փոխնախարարին՝ ինչո՞ւ նույն պրոֆեսիոնալիզմը ոստիկանությունը չի ցուցաբերում իրական հանցագործների և հանցագործությունների բացահայտման ուղղությամբ և նույն հաջողությամբ բերման չեն ենթարկվում բազմաթիվ հանցագործներ, մարդասպաններ, ապօրինի թմրաշրջանառությամբ զբաղվողներ։Փոխնախարարը վստահեցրեց՝ ոստիկանության արձագանքը չի բխում ահազանգողի քաղաքական հայացքներից կամ դիրքորոշումից, այլ արձագանքման առաջնահերթությունը տրվում է ըստ իրավիճակի վտանգավորության։ Միաժամանակ խոստացավ պարզել հանգամանքները, թե ինչ է տեղի ունեցել նախօրեին։Հիշեցնենք՝ հոկտեմբերի 20-ին ուժայինները ներխուժեցին Գյումրու քաղաքապետարան, որպեսզի բերման ենթարկեն համայնքապետ Վարդան Ղուկասյանին։ Հակակոռուպցիոն կոմիտեն հայտարարեց, որ 8 անձ է ձերբակալվել մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։ Ժամեր անց Ղուկասյանն ինքը դուրս եկավ համայնքապետարանի շենքից և մոտեցավ իրավապահների ավտոմեքենային։ Այդ ընթացքում քաշքշուկ սկսվեց համայնքապետարանի շենքը շրջապատած ոստիկանների ու համայնքապետի կողմնակիցների միջև։ Ուժայինները 23 մարդու ձերբակալեցին։ՀՀ քննչական կոմիտեն հայտնեց, որ քրեական վարույթ է նախաձեռնվել Գյումրիում զանգվածային անկարգություններին մասնակցելու, արդարադատության իրականացումը խոչընդոտելու հատկանիշներով։Հոկտեմբերի 21-ի առավոտյան Գյումրու համայնքապետ Վարդան Ղուկասյանը կալանավորվեց 2 ամսով։
գյումրի
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ագնեսա խամոյան, արթուր չախոյան, գյումրի, հհ ոստիկանություն
ագնեսա խամոյան, արթուր չախոյան, գյումրի, հհ ոստիկանություն
Գյումրիում քաղաքական հարց կար լուծելու, Երևանն անտեր էր մնացել․ Խամոյանը՝ փոխնախարարին
12:06 21.10.2025 (Թարմացված է: 14:15 21.10.2025) Պատգամավորը հետաքրքրվեց, թե ինչու ոստիկանությունը նույն պրոֆեսիոնալիզմը չի դրսևորում հանցավորության և ապօրինի թմրաշրջանառության դեմ պայքարում։
ԵՐԵՎԱՆ, 21 հոկտեմբերի – Sputnik. Հոկտեմբերի 20-ին ոստիկանությունը Երևանն անտեր էր թողել, քանի որ քաղաքական իշխանությունը քաղաքական հարց ուներ լուծելու Գյումրիում։ Այսօր ԱԺ-ում հայտարարեց «Հայաստան» խմբակցության անդամ Ագնեսա Խամոյանը՝ հարց ուղղելով ՆԳ նախարարի տեղակալ Արմեն Մկրտչյանին, թե ինչ սկզբունքով կամ հաշվարկով է որոշվում ոստիկանական ուժերի բաշխվածությունը։ Նա անդրադարձավ հոկտեմբերի 20–ին սոցցանցերում տարածված
տեսանյութին, ըստ որի՝ ակտիվիստ Արթուր Չախոյանը ծեծի էր ենթարկվել, սակայն որևէ ոստիկան չէր արձագանքել կատարվածին, քանի որ բոլորը Գյումրիում էին։
«Երեկ Գյումրիում մենք տեսանք բազմաթիվ ոստիկանական ուժեր։ Նույն ժամանակահատվածում Երևանում ծեծի է ենթարկվում ակտիվիստ, որը զանգում է ոստիկանություն, մասնավորապես՝ Նոր Նորքի բաժին, և պարզվում է, որ էդտեղ ոստիկան չկա, որովհետև ոստիկանությունն ամբողջ ուժերը կենտրոնացրել է Գյումրիում։ Եվ քաղաքացին ծեծված, ստիպված իր ոտքով գնում է ոստիկանության բաժին՝ հաղորդում ներկայացնելու»,- հարց ուղղեց Խամոյանը։
Ներքին գործերի նախարարի տեղակալ Արմեն Մկրտչյանը վստահեցրեց, որ Երևանն ու ՀՀ որևիցե վարչական տարածք անտեր չի մնացել ոստիկանության տեսանկյունից։ Կասկածում է, որ նման ահազանգ տրված լինի Նոր Նորքի բաժին և պատասխան հնչած լինի, թե այս պահին բավարար ուժեր չկան։
«Ոստիկանական ուժերը ցանկացած միջոցառման ըստ անհրաժեշտության ներգրավվում են համապատասխան հաշվարկների հիման վրա (մարդկային և տեխնիկական միջոցներ- խմբ․)։ Հաշվարկների հիմքում դրվում են միջոցառման բնույթը, մարդկանց քանակը, վերջիններիս վարքագիծը, ընդհանուր տարածքը, իրավիճակի բարդությունը, ագրեսիվ մարդկանց քանակի մասնաբաժինն ընդհանուր մարդկանց մեջ»,- նշեց նախարարի տեղակալը՝ առաջարկելով, եթե ահազանգին չարձագանքելու կոնկրետ դեպք կա, ապա թող պատգամավորը ներկայացնի այն։
Խամոյանը կրկնեց իր տեղեկությունները՝ ընդգծելով, որ կոնկրետ ահազանգը կա։ Հարց ուղղեց փոխնախարարին՝ ինչո՞ւ նույն պրոֆեսիոնալիզմը ոստիկանությունը չի ցուցաբերում իրական հանցագործների և հանցագործությունների բացահայտման ուղղությամբ և նույն հաջողությամբ բերման չեն ենթարկվում բազմաթիվ հանցագործներ, մարդասպաններ, ապօրինի թմրաշրջանառությամբ զբաղվողներ։
Փոխնախարարը վստահեցրեց՝ ոստիկանության արձագանքը չի բխում ահազանգողի քաղաքական հայացքներից կամ դիրքորոշումից, այլ արձագանքման առաջնահերթությունը տրվում է ըստ իրավիճակի վտանգավորության։ Միաժամանակ խոստացավ պարզել հանգամանքները, թե ինչ է տեղի ունեցել նախօրեին։
Հիշեցնենք՝ հոկտեմբերի 20-ին ուժայինները ներխուժեցին
Գյումրու քաղաքապետարան, որպեսզի բերման ենթարկեն համայնքապետ Վարդան Ղուկասյանին։
Հակակոռուպցիոն կոմիտեն հայտարարեց, որ 8 անձ է ձերբակալվել մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։ Ժամեր անց Ղուկասյանն ինքը
դուրս եկավ համայնքապետարանի շենքից և մոտեցավ իրավապահների ավտոմեքենային։ Այդ ընթացքում քաշքշուկ սկսվեց համայնքապետարանի շենքը շրջապատած ոստիկանների ու համայնքապետի կողմնակիցների միջև։ Ուժայինները
23 մարդու ձերբակալեցին։
ՀՀ քննչական կոմիտեն հայտնեց, որ
քրեական վարույթ է նախաձեռնվել Գյումրիում զանգվածային անկարգություններին մասնակցելու, արդարադատության իրականացումը խոչընդոտելու հատկանիշներով։
Հոկտեմբերի 21-ի առավոտյան Գյումրու համայնքապետ Վարդան Ղուկասյանը
կալանավորվեց 2 ամսով։
