https://arm.sputniknews.ru/20251020/inchi-mej-en-meghadrum-vardan-ghukasjanin-pastabany-manramasner-e-nerkajacrel-94862734.html
Ինչի՞ մեջ են մեղադրում Վարդան Ղուկասյանին. փաստաբանը մանրամասներ է ներկայացրել
Ինչի՞ մեջ են մեղադրում Վարդան Ղուկասյանին. փաստաբանը մանրամասներ է ներկայացրել
Sputnik Արմենիա
Արամայիս Հայրապետյանը նշել է, որ Գյումրու քաղաքապետը չի ընդունոմ իրեն առաջադրված մեղադրանքը։ 20.10.2025, Sputnik Արմենիա
2025-10-20T20:36+0400
2025-10-20T20:36+0400
2025-10-20T21:02+0400
վարդան ղուկասյան
արամայիս հայրապետյան
https://cdn.am.sputniknews.ru/img/1105/62/11056299_0:55:1600:955_1920x0_80_0_0_42a7db4c8d70974041419761c6ee312c.jpg
ԵՐԵՎԱՆ, 20 հոկտեմբերի - Sputnik. Գյումրու քաղաքապետ Վարդան Ղուկասյանին մեղադրում են ոչ թե կաշառք վերցնելու , այլ կաշառք պահանջելու մեջ։ Այս մասին Հակակոռուպցիոն կոմիտեի շենքի մոտ լրագրողներին ասաց Ղուկասյանի փաստաբան Արամայիս Հայրապետյանը` նշելով, որ հրապարակված ձայնագրությունները կոնտեքստից դուրս են. դրանք կարող են կապ ունենալ գույքահարկի կամ օրինականացման վճարների հետ։ Նշենք, որ ըստ Հակակոռուպցիոն կոմիտեի` Գյումրու համայնքի ղեկավարն ու գլխավոր ճարտարապետը, տեղեկանալով այն մասին, որ քաղաքացին Գյումրու Գարեգին Նժդեհի փողոցի 1/9 հասցեում կառուցել է շուրջ 1500 քառակուսի մետր մակերեսով ինքնակամ շինություն, որը ենթակա է եղել քանդման, եկել են նախնական համաձայնության՝ քաղաքացու հետ կոռուպցիոն գործարքի մեջ։ Դրա դիմաց խոստացել են կառուցված ինքնակամ շինության քանդման ուղղությամբ միջոցներ չձեռնարկել։ Ավելին` կազմել են պաշտոնական կեղծ փաստաթղթեր այն մասին, որ շինությունն իբրև թե քանդվել է, նորը կառուցվել, այդպիսով օրինականացվել է այն՝ դրա դիմաց պահանջելով խոշոր չափի՝ 4 մլն դրամի չափով կաշառք։Հայրապետյանը փոխանցեց, որ Գյումրու քաղաքապետը չի ընդունել մեղադրանքը։ Նա տեղեկացրեց նաև, որ այս պահին Գյումրիում Վարդան Ղուկասյանի գրասենյակում խուզարկություն է անցկացվում, իսկ նրան պատկանող ավտոմեքենաները, փաստաբանի տեղեկություններով, տեղափոխվել են տուգանային հրապարակ։Հավելենք, որ Վարդան Ղուկասյանին Հակակոռուպցիոն կոմիտեից տեղափոխել են Հակակոռուպցիոն դատարան, որտեղ քննվելու է նրա կալանքի միջնորդությունը։Ինչպես հայտնել ենք, ուժայիններն առավոտյան ներխուժեցին Գյումրու քաղաքապետարան, որպեսզի բերման ենթարկեն համայնքապետ Վարդան Ղուկասյանին։ Հակակոռուպցիոն կոմիտեն հայտարարեց, որ 8 անձ է ձերբակալվել մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։ Ժամեր անց Ղուկասյանն ինքը դուրս եկավ համայնքապետարանի շենքից և մոտեցավ իրավապահների ավտոմեքենային։ Այդ ընթացքում քաշքշուկ սկսվեց համայնքապետարանի շենքը շրջապատած ոստիկանների ու համայնքապետի կողմնակիցների միջև։ Ուժայինները 23 մարդու ձերբակալեցին։ՀՀ քննչական կոմիտեն հայտնեց, որ քրեական վարույթ է նախաձեռնվել Գյումրիում զանգվածային անկարգություններին մասնակցելու, արդարադատության իրականացումը խոչընդոտելու հատկանիշներով։Հիշեցնենք` հոկտեմբերի 1–ին Ազգային ժողովում կառավարության հետ հարցուպատասխանի ժամանակ ՀՀ վարչապետ Նիկոլ Փաշինյանը հայտարարեց. «Արդեն 6 ամիս է, որ Գյումրին կառավարում է մի կլան, որի ղեկավարը, կամ շատերն են ճանաչում՝ Վարդանիկը, կամ ըստ մեղադրանքի` համայնքային բրուշատկաներ գողացողի հայրն այս ընթացքում այնքան է իրեն արդեն թույլ տվել արտահայտություններ, որ վերջերս հրապարակային կերպով կասկածի տակ դրեց Հայաստանի ինքնիշխանությունը։...Հայաստանի Հանրապետության ինքնիշխանության դեմ հայտարարություններ անողներին մենք պետք է դուրս շպրտենք քաղաքական ու հանրային դաշտից»:Հոկտեմբերի 17-ին Վարդան Ղուկասյանն արձագանքեց` իրավապահների ուշադրությունը հրավիրելով Փաշինյանի հայտարարության վրա։ Նա նշեց, որ Փաշինյանը պետք է բացատրություն տա, թե ինչ նկատի ուներ, քանի որ, ըստ Ղուկասյանի, հանրային դաշտից դուրս շպրտելը նշանակում է կյանքից զրկել։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վարդան ղուկասյան, արամայիս հայրապետյան
վարդան ղուկասյան, արամայիս հայրապետյան
Ինչի՞ մեջ են մեղադրում Վարդան Ղուկասյանին. փաստաբանը մանրամասներ է ներկայացրել
20:36 20.10.2025 (Թարմացված է: 21:02 20.10.2025) Արամայիս Հայրապետյանը նշել է, որ Գյումրու քաղաքապետը չի ընդունոմ իրեն առաջադրված մեղադրանքը։
ԵՐԵՎԱՆ, 20 հոկտեմբերի - Sputnik. Գյումրու քաղաքապետ Վարդան Ղուկասյանին մեղադրում են ոչ թե կաշառք վերցնելու , այլ կաշառք պահանջելու մեջ։ Այս մասին Հակակոռուպցիոն կոմիտեի շենքի մոտ լրագրողներին ասաց Ղուկասյանի փաստաբան Արամայիս Հայրապետյանը` նշելով, որ հրապարակված ձայնագրությունները կոնտեքստից դուրս են. դրանք կարող են կապ ունենալ գույքահարկի կամ օրինականացման վճարների հետ։
Նշենք, որ ըստ Հակակոռուպցիոն կոմիտեի` Գյումրու համայնքի ղեկավարն ու գլխավոր ճարտարապետը, տեղեկանալով այն մասին, որ քաղաքացին Գյումրու Գարեգին Նժդեհի փողոցի 1/9 հասցեում կառուցել է շուրջ 1500 քառակուսի մետր մակերեսով ինքնակամ շինություն, որը ենթակա է եղել քանդման, եկել են նախնական համաձայնության՝ քաղաքացու հետ կոռուպցիոն գործարքի մեջ։ Դրա դիմաց խոստացել են կառուցված ինքնակամ շինության քանդման ուղղությամբ միջոցներ չձեռնարկել։ Ավելին` կազմել են պաշտոնական կեղծ փաստաթղթեր այն մասին, որ շինությունն իբրև թե քանդվել է, նորը կառուցվել, այդպիսով օրինականացվել է այն՝ դրա դիմաց պահանջելով խոշոր չափի՝ 4 մլն դրամի չափով կաշառք։
«Վարդան Ղուկասյանը ցանկության դեպքում անգամ որևէ ապօրինի շինություն չէր կարող օրինականացնել այն պատճառով, որ դրա ժամկետը լրացել է։ Այսինքն` Գյումրի քաղաքում մինչև 2004 թ–ն է հնարավոր եղել անօրինական շինություններնօրինականացնել»,– ասաց նա։
Հայրապետյանը փոխանցեց, որ Գյումրու քաղաքապետը չի ընդունել մեղադրանքը։ Նա տեղեկացրեց նաև, որ այս պահին Գյումրիում Վարդան Ղուկասյանի գրասենյակում խուզարկություն է անցկացվում, իսկ նրան պատկանող ավտոմեքենաները, փաստաբանի տեղեկություններով, տեղափոխվել են տուգանային հրապարակ։
Հավելենք, որ Վարդան Ղուկասյանին Հակակոռուպցիոն կոմիտեից տեղափոխել են Հակակոռուպցիոն դատարան, որտեղ քննվելու է նրա կալանքի միջնորդությունը։
Ինչպես հայտնել ենք, ուժայիններն առավոտյան ներխուժեցին
Գյումրու քաղաքապետարան, որպեսզի բերման ենթարկեն համայնքապետ Վարդան Ղուկասյանին։
Հակակոռուպցիոն կոմիտեն հայտարարեց, որ 8 անձ է ձերբակալվել մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։ Ժամեր անց Ղուկասյանն ինքը
դուրս եկավ համայնքապետարանի շենքից և մոտեցավ իրավապահների ավտոմեքենային։ Այդ ընթացքում քաշքշուկ սկսվեց համայնքապետարանի շենքը շրջապատած ոստիկանների ու համայնքապետի կողմնակիցների միջև։ Ուժայինները
23 մարդու ձերբակալեցին։
ՀՀ քննչական կոմիտեն հայտնեց, որ
քրեական վարույթ է նախաձեռնվել Գյումրիում զանգվածային անկարգություններին մասնակցելու, արդարադատության իրականացումը խոչընդոտելու հատկանիշներով։
Հիշեցնենք` հոկտեմբերի 1–ին Ազգային ժողովում կառավարության հետ հարցուպատասխանի ժամանակ ՀՀ վարչապետ Նիկոլ Փաշինյանը հայտարարեց. «Արդեն 6 ամիս է, որ Գյումրին կառավարում է մի կլան, որի ղեկավարը, կամ շատերն են ճանաչում՝ Վարդանիկը, կամ ըստ մեղադրանքի` համայնքային բրուշատկաներ գողացողի հայրն այս ընթացքում այնքան է իրեն արդեն թույլ տվել արտահայտություններ, որ վերջերս հրապարակային կերպով կասկածի տակ դրեց Հայաստանի ինքնիշխանությունը։...Հայաստանի Հանրապետության ինքնիշխանության դեմ հայտարարություններ անողներին մենք պետք է դուրս շպրտենք քաղաքական ու հանրային դաշտից»:
Հոկտեմբերի 17-ին
Վարդան Ղուկասյանն արձագանքեց` իրավապահների ուշադրությունը հրավիրելով Փաշինյանի հայտարարության վրա։ Նա նշեց, որ Փաշինյանը պետք է բացատրություն տա, թե ինչ նկատի ուներ, քանի որ, ըստ Ղուկասյանի, հանրային դաշտից դուրս շպրտելը նշանակում է կյանքից զրկել։
