https://arm.sputniknews.ru/20251020/gjumru-avaganu-hkk-khmbakcutjuny-dimel-e-hhum-havatarmagrvats-despannerin-94836931.html
Գյումրու ավագանու ՀԿԿ խմբակցությունը դիմել է ՀՀ–ում հավատարմագրված դեսպաններին
Գյումրու ավագանու ՀԿԿ խմբակցությունը դիմել է ՀՀ–ում հավատարմագրված դեսպաններին
Sputnik Արմենիա
Կոմունիստական կուսակցությունը Գյումրու բոլոր խմբակցություններին, ինչպես նաև ԱԺ պատգամավորներին հորդորում է միանալ իրենց հայտարարությանը։ 20.10.2025, Sputnik Արմենիա
2025-10-20T12:47+0400
2025-10-20T12:47+0400
2025-10-20T17:17+0400
հայաստան
գյումրի
վարդան ղուկասյան
դեսպան
https://cdn.am.sputniknews.ru/img/07e9/0a/14/94828586_0:141:1500:985_1920x0_80_0_0_775767b974049dfc47db90ba72788dc7.jpg
ԵՐԵՎԱՆ, 20 հոկտեմբերի – Sputnik. Գյումրու ավագանու ՀԿԿ խմբակցությունը դիմել է ՀՀ–ում հավատարմագրված դեսպաններին` տեղեկացնելով համայնքապետարանում տեղի ունեցող իրադարձությունների մասին։ Այդ մասին տեսաուղերձ է հրապարակել Գյումրու քաղաքապետ Վարդան Ղուկասյանի խորհրդական Լիլիթ Աղեկյանը։Ավելի վաղ տեղեկացրել էինք, որ ուժայիններն առավոտյան ներխուժել են Գյումրու քաղաքապետարան, փորձում են բերման ենթարկել համայնքապետ Վարդան Ղուկասյանին, որը մեկուսացել է իր առանձնասենյակում։ Ըստ Հակակոռուպցիոն կոմիտեի` 8 անձ է ձերբակալվել մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։ՀԿԿ–ն նշել է, որ Փաշինյանը արշավանք ու հալածանք է սկսել Հայ առաքելական եկեղեցու դեմ, ինչպես նաև բանտարկվում են մարդիկ, որոնք իրենց անհամաձայնությունն են հայտնել Փաշինյանի վարած քաղաքականության նկատմամբ։«Սա մտքի ու խոսքի ազատության դեմ արշավանք է ժողովրդավարության քողի տակ։ Վերջերս Փարաքարի սպանված համայնքապետի ճակատագիրը սպառնում է և ազդակ է մնացած մյուս ընդդիմադիր համայնքապետերի համար։ Ուզում ենք ձեզ տեղեկացնել տեղի ունեցող և զարգացում ակնկալող այս բռնաճնշումների մասին»,– հայտնում են ՀԿԿ–ից։Կոմունիստական կուսակցությունը Գյումրու բոլոր խմբակցություններին, ինչպես նաև ԱԺ պատգամավորիներին հորդորում է միանալ այս հայտարարությանը։Ի դեպ, Գյումրի քաղաքն այս պահին կաթվածահար վիճակում է. տրանսպորտը, երթևեկությունը կանգ է առել։Հիշեցնենք` հոկտեմբերի 1–ին Ազգային ժողովում կառավարության հետ հարցուպատասխանի ժամանակ ՀՀ վարչապետ Նիկոլ Փաշինյանը հայտարարեց. «Արդեն 6 ամիս է, որ Գյումրին կառավարում է մի կլան, որի ղեկավարը, կամ շատերն են ճանաչում՝ Վարդանիկը, կամ ըստ մեղադրանքի` համայնքային բրուշատկաներ գողացողի հայրն այս ընթացքում այնքան է իրեն արդեն թույլ տվել արտահայտություններ, որ վերջերս հրապարակային կերպով կասկածի տակ դրեց Հայաստանի ինքնիշխանությունը։...Հայաստանի Հանրապետության ինքնիշխանության դեմ հայտարարություններ անողներին մենք պետք է դուրս շպրտենք քաղաքական ու հանրային դաշտից»:Հոկտեմբերի 17-ին Վարդան Ղուկասյանն արձագանքեց` իրավապահների ուշադրությունը հրավիրելով Փաշինյանի հայտարարության վրա։ Նա նշեց, որ Փաշինյանը պետք է բացատրություն տա, թե ինչ նկատի ուներ, քանի որ, ըստ Ղուկասյանի, հանրային դաշտից դուրս շպրտելը նշանակում է կյանքից զրկել։
գյումրի
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, գյումրի, վարդան ղուկասյան, դեսպան
հայաստան, գյումրի, վարդան ղուկասյան, դեսպան
Գյումրու ավագանու ՀԿԿ խմբակցությունը դիմել է ՀՀ–ում հավատարմագրված դեսպաններին
12:47 20.10.2025 (Թարմացված է: 17:17 20.10.2025) Կոմունիստական կուսակցությունը Գյումրու բոլոր խմբակցություններին, ինչպես նաև ԱԺ պատգամավորներին հորդորում է միանալ իրենց հայտարարությանը։
ԵՐԵՎԱՆ, 20 հոկտեմբերի – Sputnik. Գյումրու ավագանու ՀԿԿ խմբակցությունը դիմել է ՀՀ–ում հավատարմագրված դեսպաններին` տեղեկացնելով համայնքապետարանում տեղի ունեցող իրադարձությունների մասին։ Այդ մասին տեսաուղերձ է հրապարակել Գյումրու քաղաքապետ Վարդան Ղուկասյանի խորհրդական Լիլիթ Աղեկյանը։
Ավելի վաղ տեղեկացրել էինք, որ ուժայիններն առավոտյան ներխուժել են
Գյումրու քաղաքապետարան, փորձում են բերման ենթարկել համայնքապետ Վարդան Ղուկասյանին, որը
մեկուսացել է իր առանձնասենյակում։ Ըստ
Հակակոռուպցիոն կոմիտեի` 8 անձ է ձերբակալվել մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով։
«Հարգելի դեսպաններ, ՀՀ իշխանությունների կողմից վերջին օրերին առավել հետևողականորեն քաղաքական ու ուժային տարբեր միջոցների կիրառմամբ իրականացնում է քաղաքական հաշվեհարդար և հետապնդում Գյումրու քաղաքապետի նկատմամբ։ Քաղաքական հալածանքն առավել ուժգնացավ ՀՀ վարչապետ Նիկոլ Փաշինյանի կողմից Գյումրու քաղաքապետի նկատմամբ քաղաքական հալածանք և բռնաճնշումներ իրականցնելու հրապարակային հայտարարությունից հետո»,– ասված է կուսակցության հայտարարության մեջ։
ՀԿԿ–ն նշել է, որ Փաշինյանը արշավանք ու հալածանք է սկսել Հայ առաքելական եկեղեցու դեմ, ինչպես նաև բանտարկվում են մարդիկ, որոնք իրենց անհամաձայնությունն են հայտնել Փաշինյանի վարած քաղաքականության նկատմամբ։
«Սա մտքի ու խոսքի ազատության դեմ արշավանք է ժողովրդավարության քողի տակ։ Վերջերս Փարաքարի սպանված համայնքապետի ճակատագիրը սպառնում է և ազդակ է մնացած մյուս ընդդիմադիր համայնքապետերի համար։ Ուզում ենք ձեզ տեղեկացնել տեղի ունեցող և զարգացում ակնկալող այս բռնաճնշումների մասին»,– հայտնում են ՀԿԿ–ից։
Կոմունիստական կուսակցությունը Գյումրու բոլոր խմբակցություններին, ինչպես նաև ԱԺ պատգամավորիներին հորդորում է միանալ այս հայտարարությանը։
Ի դեպ, Գյումրի քաղաքն այս պահին կաթվածահար վիճակում է. տրանսպորտը, երթևեկությունը կանգ է առել։
Հիշեցնենք` հոկտեմբերի 1–ին Ազգային ժողովում կառավարության հետ հարցուպատասխանի ժամանակ ՀՀ վարչապետ Նիկոլ Փաշինյանը հայտարարեց. «Արդեն 6 ամիս է, որ Գյումրին կառավարում է մի կլան, որի ղեկավարը, կամ շատերն են ճանաչում՝ Վարդանիկը, կամ ըստ մեղադրանքի` համայնքային բրուշատկաներ գողացողի հայրն այս ընթացքում այնքան է իրեն արդեն թույլ տվել արտահայտություններ, որ վերջերս հրապարակային կերպով կասկածի տակ դրեց Հայաստանի ինքնիշխանությունը։...Հայաստանի Հանրապետության ինքնիշխանության դեմ հայտարարություններ անողներին մենք պետք է դուրս շպրտենք քաղաքական ու հանրային դաշտից»:
Հոկտեմբերի 17-ին
Վարդան Ղուկասյանն արձագանքեց` իրավապահների ուշադրությունը հրավիրելով Փաշինյանի հայտարարության վրա։ Նա նշեց, որ Փաշինյանը պետք է բացատրություն տա, թե ինչ նկատի ուներ, քանի որ, ըստ Ղուկասյանի, հանրային դաշտից դուրս շպրտելը նշանակում է կյանքից զրկել։
