Ակցիա Երևանում. Մեծ Հայրենականի զինվորների հուշահամալիրի տարածքը մաքրվել է
10:41 18.10.2025 (Թարմացված է: 10:48 18.10.2025)

© Photo : Дом Москвы в Ереване
Բաժանորդագրվել
Հայկ Մելիքյանն ընդգծել է` հերոսներին պետք է հիշել և մեծարել ոչ միայն խոսքով, այլև կոնկրետ գործերով:
ԵՐԵՎԱՆ, 18 հոկտեմբերի – Sputnik. Հայրենական մեծ պատերազմի զինվորների հուղարկավորության հուշահամալիրի տարածքում՝ Թոխմախի գերեզմանատանը, շաբաթօրյակ է անցկացվել։ Ակցիան կազմակերպել է Երևանում Մոսկվայի տունը։

Շաբաթօրյակ Հայրենական մեծ պատերազմի զինվորների հուշահամալիրի տարածքում
© Photo : Дом Москвы в Ереване
Մասնակցել են ինչպես կենտրոնի աշխատակիցները, այնպես էլ «Բարեկամության զարգացման հայ-ռուսական կենտրոն» ՀԿ-ի, Պլեխանովի անվան ռուսական տնտեսագիտական համալսարանի երևանյան մասնաճյուղի ուսանողական խորհրդի և «Էրա» միավորման ներկայացուցիչները:
Շաբաթօրյակի մասնակիցները ծաղիկներ են խոնարհել խորհրդային զինվորների հուշարձանին և շիրիմներին:

1/3
© Photo : Дом Москвы в Ереване
Ակցիա Հայրենական մեծ պատերազմի զինվորների հուշահամալիրի տարածքում

2/3
© Photo : Дом Москвы в Ереване
Ակցիա Հայրենական մեծ պատերազմի զինվորների հուշահամալիրի տարածքում

3/3
© Photo : Дом Москвы в Ереване
Ակցիա Հայրենական մեծ պատերազմի զինվորների հուշահամալիրի տարածքում
1/3
© Photo : Дом Москвы в Ереване
Ակցիա Հայրենական մեծ պատերազմի զինվորների հուշահամալիրի տարածքում
2/3
© Photo : Дом Москвы в Ереване
Ակցիա Հայրենական մեծ պատերազմի զինվորների հուշահամալիրի տարածքում
3/3
© Photo : Дом Москвы в Ереване
Ակցիա Հայրենական մեծ պատերազմի զինվորների հուշահամալիրի տարածքում
Երևանի Մոսկվայի տունը զբաղվում է նաև տարածքի բարեկարգմամբ. վերջերս Մոսկվայի կառավարության աջակցությամբ վերանորոգվեց հուշահամալիր տանող ճանապարհը։
«Մենք պետք է ոչ միայն պահպանենք և սերունդներին փոխանցենք Հայրենական մեծ պատերազմի պատմությունը, այլև ամեն ինչ անենք հուշարձանները պահպանելու համար, որոնք հիշեցնում են մեզ այն սարսափելի տարիներն ու հաղթանակը մոտեցնող մարդկանց հերոսությունները»,– ասել է Երևանի Մոսկվայի տան տնօրեն Հայկ Մելիքյանը՝ ընդգծելով, որ հերոսներին պետք է հիշել և մեծարել ոչ միայն խոսքով, այլև կոնկրետ գործերով:
Թոխմախի գերեզմանատան եղբայրական գերեզմանում 520 խորհրդային զինվորներ են հանգչում։ Տարբեր ազգությունների զինվորներն ու սպաները, որոնք վիրավորվել են պատերազմի ժամանակ, մահացել են Երևանի հիվանդանոցներում և հավերժական խաղաղություն գտել հայոց հողում։