Երևանում խորհրդային կենցաղի առարկաների ցուցահանդես է բացվել
© Photo : Дом Москвы в Ереване
Բաժանորդագրվել
Երևանի Պատմության թանգարանի տնօրենը կարծում է, որ ցուցադրությունը հետաքրքրություն կառաջացնի նաև մայրաքաղաքի հյուրերի շրջանում, որոնք ժամանել են Ռուսաստանից և նախկին ԽՍՀՄ այլ հանրապետություններից:
ԵՐԵՎԱՆ, 10 հոկտեմբերի - Sputnik. Երևանում բացվել է խորհրդային ինտերիերի և կենցաղի առարկաների ցուցահանդեսը, հաղորդում է Երևանում Մոսկվայի տան մամուլի ծառայությունը:
«Երևանի բնակիչների՝ ԽՍՀՄ-ի ժամանակների ինտերիերի և կենցաղի իրերը, ինչպես նաև այդ ժամանակաշրջանում մայրաքաղաքի տարբեր պրոֆիլի գործարաններում արտադրված արտադրանքը ներկայացված են Երևան քաղաքի պատմության թանգարանի «Հուշեր խորհրդային Երևանի բնակարանից» ցուցահանդեսում»,-ասված է հաղորդագրության մեջ:
Երևանում խորհրդային կենցաղի առարկաների ցուցահանդես է բացվել
© Photo : Дом Москвы в Ереване
Բացման հանդիսավոր արարողությանը ներկա էին Հայաստանում ՌԴ դեսպան Սերգեյ Կոպիրկինը, Երևանում Մոսկվայի տան տնօրեն Հայկ Մելիքյանը, մշակույթի գործիչներ, հասարակական կազմակերպությունների ներկայացուցիչներ:
Երևանի պատմության թանգարանի տնօրեն Գևորգ Օրբելյանը, բացելով ցուցադրությունը, ընդգծել է, որ ցուցահանդեսը կոչված է ցույց տալ խորհրդային Երևանի կյանքի և արդյունաբերության ամբողջական պատկերը՝ լուսաբանելով մայրաքաղաքի սոցիալական, արդյունաբերական և մշակութային պատմության կարևոր և պրոգրեսիվ շրջանը:
Երևանում խորհրդային կենցաղի առարկաների ցուցահանդես է բացվել
© Photo : Дом Москвы в Ереване
«Մենք այդ ցուցանմուշները հավաքում էինք մի քանի տարի շարունակ, և ահա այսօր՝ մեր սիրելի մայրաքաղաքի 2807-ամյակին ընդառաջ, որոշեցինք դրանք ներկայացնել հանրության ուշադրությանը։ Ի դեպ, մենք բազմաթիվ բացառիկ ցուցանմուշներ ունենք, որոնք հանրությանը ներկայացվում են առաջին անգամ, օրինակ՝ Վլադիմիր Լենինի խորհրդանշական նամակը Հայաստանի, Վրաստանի և Կովկասի մյուս հանրապետությունների կոմունիստներին, 1930-36 թթ. Կոմկուսի Կենտկոմի առաջին քարտուղար Աղասի Խանջյանի ննջասենյակի կահույքը և այլ հազվագյուտ իրեր»,-նշել է նա։
Երևանում խորհրդային կենցաղի առարկաների ցուցահանդես է բացվել
© Photo : Дом Москвы в Ереване
Նրա կարծիքով՝ ցուցահանդեսի այցելուները անցած օրերի բարի և նոստալգիկ զգացողություններ կունենան։
