«Զվարթնոց» օդանավակայանում գործող սննդի կետերից մեկում ժամկետանց սննդամթերք է հայտնաբերվել
Բաժանորդագրվել
Հայտնաբերված սննդամթերքը տեղում ոչնչացվել է:
ԵՐԵՎԱՆ, 2 հոկտեմբերի – Sputnik․ «Զվարթնոց» օդանավակայանի մեկնման սրահում գտնվող «Պասկուչի» հանրային սննդի կետում ժամկետանց սննդամթերք է հայտնաբերվել։ Տեղեկությունը հայտնում է ՀՀ սննդամթերքի անվտանգության տեսչական մարմինը։
Հայտնաբերված սննդամթերքը
Հայտնաբերված սննդամթերքը
Հայտնաբերված սննդամթերքը
Հայտնաբերված սննդամթերքը
Տեսչական մարմնի տեսուչները վերահսկողական միջոցառումներ են իրականացրել քաղաքացու ահազանգի հիման վրա։
«Իրականացված միջոցառումների արդյունքում պարզվել է, որ ժամկետանց են եղել «Աթենք» արտադրատեսակի կիսաապխտած մսային արտադրանքը (արտադրված 03․09․2025թ․, պիտանի է 17․09․2025թ․), տոստի հացը (արտադրված 27․09․2025 թ․, պիտանի է 30․09․2025թ․), պաստերիզացված կաթը (արտադրված 03․09․2025թ․, պիտանի է 30․09․2025թ․)»,– ասված է հաղորդագրությունում։
ՍԱՏՄ–ն տեղեկացնում է, որ ժամկետանց սննդամթերքի իրացումը կասեցվել է, դրանք տեղում ոչնչացվել են:
