https://arm.sputniknews.ru/20251001/an-entakajutjan-tak-ancats-voreve-bzhshkakan-kentrvon-chi-pakvelu-kam-krtshatvelu-nakharar-94129360.html
ԱՆ ենթակայության տակ անցած որևէ բժշկական կենտրոն չի փակվելու կամ կրճատվելու. նախարար
ԱՆ ենթակայության տակ անցած որևէ բժշկական կենտրոն չի փակվելու կամ կրճատվելու. նախարար
Sputnik Արմենիա
Անահիտ Ավանեսյանի խոսքով` մասնագիտական խնդիր ունեցող բժիշկները որևէ բժշկական կենտրոնում գործունություն չեն իրականացնելու։ 01.10.2025, Sputnik Արմենիա
2025-10-01T12:08+0400
2025-10-01T12:08+0400
2025-10-01T12:09+0400
անահիտ ավանեսյան
հիվանդանոց
մարզ
https://cdn.am.sputniknews.ru/img/07e9/01/0e/84747093_0:84:1600:984_1920x0_80_0_0_0223d460e2d0d510218dc454b7e48894.jpg
ԵՐԵՎԱՆ, 1 հոկտեմբերի – Sputnik. Մարզային որևէ բժշկական կենտրոն չի փակվելու, չի կրճատվելու, և դրանք շարունակելու են աշխատել իրենց տեղերում։ Այսօր լրագրողների հետ հանդիպմանն այս մասին ասաց ՀՀ առողջապահության նախարար Անահիտ Ավանեսյանը` անդրադառնալով բոլոր մարզային բժշկական կենտրոնների ԱՆ ենթակայության տակ անցնելու հետ կապված մտահոգություններին։Նշենք, որ այս տարվա ապրիլից մարզային 42 բժշկական կենտրոնների լիազոր մարմինն է դարձել առողջապահության նախարարությունը։ Որոշ բժշկական կենտրոններ միավորվում են, սակայն զուտ կազմակերպաիրավական առումով, այսինքն՝ որևէ բուժհաստատություն չի փակվում։Անահիտ Ավանեսյանի խոսքով՝ միավորման պարագայում բոլոր բուժհաստատություններում համապատասխան մասնագետ ներգրավելու հնարավորություն է լինում։«Օրինակ բերեմ Սյունիքի մարզով։ Մենք ունենք շատ նեղ մասնագետներ, որոնց անհրաժեշտ է պացիենտների հոսք, բայց միայն Գորիսի բժշկական կենտրոնի համար դժվար է նման մասնագետ պահելը։ Նպատակն այն է, որ միավորման արդյունքում նույն բժիշկը կարող է ծառայություններ մատուցել Կապանի, Սիսիանի, Գորիսի, Մեղրիի ԲԿ–ներում, այսինքն՝ խնդիր չունենանք մի ՓԲԸ-ի մյուս ՓԲԸ-ում գործունեություն ծավալելու հետ կապված»,- մանրամասնեց նա։Հարցին՝ մասնագետների փոփոխություն լինելու է` հաշվի առնելով, որ մարզային բժշկական հաստատությունների մասնագետների հետ կապված միշտ դժգոհություն է եղել, Անահիտ Ավանեսյանը պատասխանեց, թե նախարարությունը միշտ է հետևողական բժիշկների մասնագիտական հարցերում։Նախարարը հավելեց, որ պետությունը, լինելով ՓԲԸ-ների հիմնադիր, առաջին հերթին նպատակ ունի այդ բժշկական կենտրոնների օգնությամբ մաքսիմալ որակյալ բժշկական ծառայություններ մատուցել։ Միևնույն ժամանակ հավելեց, որ ՓԲԸ-ների կառավարմանը պետությունը՝ կորպորատիվ կառավարման սկզբունքներին համապատասխան, մոտենում է որպես շահույթ գեներացնող և պետության ներդրումները ճիշտ ձևաչափով վերադարձնող կառույցների։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
անահիտ ավանեսյան, հիվանդանոց, մարզ
անահիտ ավանեսյան, հիվանդանոց, մարզ
ԱՆ ենթակայության տակ անցած որևէ բժշկական կենտրոն չի փակվելու կամ կրճատվելու. նախարար
12:08 01.10.2025 (Թարմացված է: 12:09 01.10.2025) Անահիտ Ավանեսյանի խոսքով` մասնագիտական խնդիր ունեցող բժիշկները որևէ բժշկական կենտրոնում գործունություն չեն իրականացնելու։
ԵՐԵՎԱՆ, 1 հոկտեմբերի – Sputnik. Մարզային որևէ բժշկական կենտրոն չի փակվելու, չի կրճատվելու, և դրանք շարունակելու են աշխատել իրենց տեղերում։ Այսօր լրագրողների հետ հանդիպմանն այս մասին ասաց ՀՀ առողջապահության նախարար Անահիտ Ավանեսյանը` անդրադառնալով բոլոր մարզային բժշկական կենտրոնների ԱՆ ենթակայության տակ անցնելու հետ կապված մտահոգություններին։
«Պետությունը վերջին տարիներին մեծածավալ կապիտալ ներդրումներ է իրականացրել մարզային բժշկական կենտրոններ կառուցելու, վերակառուցելու, վերազինելու վրա, և այս քաղաքականությունը շարունակվելու է։ Այս պահին էլ միայն ԱՆ-ի կողմից իրականացվող 13 շինարարական ծրագիր ունենք, որոնք շարունակվելու են»,- ասաց Անահիտ Ավանեսյանը։
Նշենք, որ այս տարվա ապրիլից մարզային 42 բժշկական կենտրոնների լիազոր մարմինն է դարձել առողջապահության նախարարությունը։ Որոշ բժշկական կենտրոններ միավորվում են, սակայն զուտ կազմակերպաիրավական առումով, այսինքն՝ որևէ բուժհաստատություն չի փակվում։
Անահիտ Ավանեսյանի խոսքով՝ միավորման պարագայում բոլոր բուժհաստատություններում համապատասխան մասնագետ ներգրավելու հնարավորություն է լինում։
«Օրինակ բերեմ Սյունիքի մարզով։ Մենք ունենք շատ նեղ մասնագետներ, որոնց անհրաժեշտ է պացիենտների հոսք, բայց միայն Գորիսի բժշկական կենտրոնի համար դժվար է նման մասնագետ պահելը։ Նպատակն այն է, որ միավորման արդյունքում նույն բժիշկը կարող է ծառայություններ մատուցել Կապանի, Սիսիանի, Գորիսի, Մեղրիի ԲԿ–ներում, այսինքն՝ խնդիր չունենանք մի ՓԲԸ-ի մյուս ՓԲԸ-ում գործունեություն ծավալելու հետ կապված»,- մանրամասնեց նա։
Հարցին՝ մասնագետների փոփոխություն լինելու է` հաշվի առնելով, որ մարզային բժշկական հաստատությունների մասնագետների հետ կապված միշտ դժգոհություն է եղել, Անահիտ Ավանեսյանը պատասխանեց, թե նախարարությունը միշտ է հետևողական բժիշկների մասնագիտական հարցերում։
«Բոլոր այն դեպքերում, երբ մասնագետն ունի մասնագիտական գործունեություն իրականացնելու իրավունքի հետ կապված խնդիր, մենք հետևողական ենք, որ նա գործունեություն չիրականացնի որևէ բժշկական կենտրոնում՝ լինի մասնավոր, պետական, մարզային, թե մայրաքաղաքային»,- նշեց Անահիտ Ավանեսյանը։
Նախարարը հավելեց, որ պետությունը, լինելով ՓԲԸ-ների հիմնադիր, առաջին հերթին նպատակ ունի այդ բժշկական կենտրոնների օգնությամբ մաքսիմալ որակյալ բժշկական ծառայություններ մատուցել։ Միևնույն ժամանակ հավելեց, որ ՓԲԸ-ների կառավարմանը պետությունը՝ կորպորատիվ կառավարման սկզբունքներին համապատասխան, մոտենում է որպես շահույթ գեներացնող և պետության ներդրումները ճիշտ ձևաչափով վերադարձնող կառույցների։
